Total Pageviews

Wednesday, April 18, 2012

တောင်ပုလု၏သရဏဂုံအမှား- ၃


၁။
တောင်ပုလုတောရကမ္ဘာအေးဆရာတော်အရှင်နန္ဒိယက "တရားကို အထူးအားမထုတ်ရဘဲ သရဏဂုံတည်ရုံမျှဖြင့်  အရိယာဖြစ်နိုင်ကြောင်း"သက်သေသာဓကအဖြစ် ဇာတ်လမ်းတပုဒ်ထုတ်ပြဟောပြလေ၏။ 

            "သာဓကကိုထုတ်ဆောင်ရရင်--- ဘုရားရှင်လက်ထက်တော်က ဘုရားရှင်၏ဆွေတော်မျိုးတော်ထဲမှ တယောက်သောသူဟာ သရဏဂုံတည်တဲ့အတွက် သူ့ ကို သရဏဥပါသကာလို့ ခေါ်ကြသတဲ့---။
            အဲဒီသရဏဥပါသကာဆိုတာ သေအရက်ကို အင်မတန်သောက်တဲ့သူပဲ။ သောက်ဆို သေကာနီးဆဲဆဲတိုင်အောင်
သောက်တယ်။ အဲဒီသရဏဥပါသကာ သေသွားတော့ ဘုရားရှင်က နတ်ပြည်ကိုရောက်တယ်လို့  ဟောတော်မူတယ်။ အဲဒီတော့ ဘုရားရှင်၏ဆွေတော်မျိုးတော်တွေက ဘုရားရှင်က ကဲ့ရဲ့ပြစ်တင်ကြတယ်။ ဘယ်လိုကဲ့ရဲ့ပြစ်တင်ကြတုန်းဆိုတော့ "ဒီသေသောက်ကြူးဟာ လူမှန်းသူမှန်းသိကတည်းက သေသည်အထိသေအရက်ကို မပြတ်သောက်လာတာပဲ။ နတ်ပြည်ကိုရောက်တယ်ဆိုတာ ဒို့ တော့  မယုံဘူး"လို့ သူတို့ စုမိတိုင်းစည်းဝေးမိတိုင်း ပြောကြဆိုကြအပြစ်တင်ကြတယ်။
            ဒါနဲ့   မဟာနာမ်မင်းကကြားတော့ဘုရားရှင်ထံသွားပြီး"အရှင်ဘုရားအရှင်ဘုရားရဲ့ဆွေတော်မျိုးတော်
တွေက အရှင်ဘုရားကို ကဲ့ရဲ့ပြစ်တင်နေကြပါတယ်"လို့  လျှောက်ထားတယ်။
            ဘုရားရှင်က "ဘာကြောင့်တုံး"လို့ မေးတော်မူတော့ မဟာနာမ်မင်းက "ဒီသေသောက်ကြူးဟာ လူမှန်းသူမှန်း
သိတဲ့အခါကစပြီး သေခါနီးဆဲဆဲတိုင်အောင် သေအရက်ကိုသောက်လာခဲ့တယ်။ သူသေတော့ နတ်ပြည်ရောက်
တယ်လို့ အရှင်ဘုရားပြောတာကို ဘယ်သူမှမယုံကြဘူးဘုရား"လို့ လျှောက်ထားတယ်။
            ဒီတော့ ဘုရားရှင်က "အေး--သေတာနဲ့ တပြိုင်နက် သူဟာ သောတာပန်ဖြစ်သွားတယ်။ နတ်ပြည်ကို ရောက်သွားတယ်။ သေရည်သေရက်သောက်တဲ့အကုသိုလ်ကံဟာ သူ့ ကို မတားမြစ်နိုင်ဘူး။
            ဘာကြောင့်တုံးဆိုတော့ ဘုရား တရား သံဃာဆိုတဲ့ ရတနာသုံးပါးရဲ့ဂုဏ်တော်ကျေးဇူးတော်များက အတိုင်းမသိ ကြီးကျယ်မြင့်မြတ်တာကတကြောင်း၊ သူကလဲပဲ ရတနာသုံးပါးကို အသက်စွန့် ၍ ယုံကြည်ခြင်းငှါ စွမ်းနိုင်တဲ့ အဝေစ္စပသာဒဟုဆိုအပ်တဲ့  သဒ္ဓါတရားထားရှိတာကတကြောင်း၊ ဒီအကြောင်းများကြောင့် သေရည်သေရက်
သောက်တဲ့အကုသိုလ်ကံဟာ သူ့ ကို မတားမြစ်နိုင်ဘူး" လို့  မိန့် ကြားတယ်"

 
၂။
သံယုတ္တနိကာယ်၊ မဟာဝဂ္ဂသံယုတ်၊ သောတာပတ္တိသံယုတ်ပါဠိတော်တွင် ပဌမသရဏာနိသက္ကသုတ္တန်၊ ဒုတိယသရဏာနိသက္ကသုတ္တန်ဟု သရဏာနိသက္ကသုတ္တန် ၂ ရပ်လာသည်ကို တွေ့ ရ၏။ ယင်းသုတ္တန်တို့ တွင်
"သရဏာနိ သက္ကော "ဟူသော ပါဠိကို တွေ့ ရ၏။ သုတ္တန်လာပဓာနဇာတ်ဆောင်၏အမည်မှာ "သရဏာနိ" ဖြစ်၏။ သာကီဝင်မင်းမျိုးမင်းနွယ်ဖြစ်သောကြောင့် "သက္က"ဟု ထပ်ဖြည့်ပုဒ်လိုက်ထား၏။ သရဏာနိ-ဟု အမည်တူရှိကလည်း သက္က-ပုဒ်ဖြင့် ခွဲခြားနိုင်ပေလိမ့်မည်။ ထို့ ကြောင့် ဆဋ္ဌသံဂါယနာမူမဟာဝဂ္ဂသံယုတ်မြန်မာပြန်၊ 
သရဏာနိသက္ကသုတ္တန်များ -စာမျက်နှာ ၃၂၉၊ ၃၃၁ တွင် "သရဏာနိသာကီဝင်"ဟု အတိအကျဘာသာပြန်ဆိုထားသည်။
တောင်ပုလုတောရကမ္ဘာအေးဆရာတော်အရှင်နန္ဒိယပြောသလို "သရဏ"မဟုတ်ချေ--။ သရဏဂုံတည်သော
ကြောင့် "သရဏ"မည်၏ဆိုခြင်းမှာလည်း ဟောပြောသူ၏ အတွေးအကြံ၊ ယူဆချက်မျှသာ ဖြစ်၏။ သက်ဆိုင်ရာ ထေရဝါဒပိဋကတ်စာပေများတွင် "သရဏာနိ"ခေါ်တွင်ရခြင်း၏အကြောင်းပြချက်မရှိပါချေ--။
 
၃။
သရဏာနိ သာကီဝင်၏ဆန့် ကျင်ဘက်စရိုက်သဘော ၂ မျိုးကို ပါဠိတော်၌ "သရဏာနိ သက္ကော သိက္ခာဒုဗ္ဗလျ မာပါဒိ၊ မဇ္ဇပါနံ အပါယိ= သရဏာနိ သာကီဝင်သည် အကျင့်သီလပိုင်း၌ အားနည်း၏၊ သေရည်သေရက်ကို သောက်လေ့ရှိ၏"ဟု သရုပ်ဖော်ထား၏။ အမှောင်စရိုက်ဖြစ်၏။

အခြားတဖက်တွင် "သရဏာနိ,မဟာနာမ, သက္ကော ဒီဃရတ္တံ ဥပါသကော ဗုဒ္ဓံ သရဏံဂတော၊ ဓမ္မံ သရဏံ ဂတော၊ သံဃံ သရဏံ ဂတော= မဟာနာမ်, သရဏာနိ သာကီဝင်သည်ရှည်မြင့်စွာသော ကာလပတ်လုံး ဘုရားကို ကိုးကွယ်ဆည်းကပ်၏၊ တရားတော်ကို ကိုးကွယ်ဆည်းကပ်၏၊ သံဃာကို ကိုးကွယ်ဆည်းကပ်၏"ဟု ရတနာ ၃ ပါးအပေါ် ကြည်ညိုလေးစားတတ်ပုံကိုလည်း သရုပ်ဖော်ထား၏။ အလင်းစရိုက်ဖြစ်၏။ 

သရဏာနိသာကီဝင်သည် သေဆုံးခါနီး တရားနှလုံးသွင်းအားထုတ်၍ သောတာပန်အရိယာအဆင့်သို့ ဆိုက်ရောက်ကြောင်း 
" သရဏာနိ,မဟာနာမ, သက္ကော မရဏကာလေ သိက္ခာယ ပရိပူရကာရီ=  မဟာနာမ်,သရဏာနိ သာကီဝင်သည် သေခါနီး၌ အကျင့်သိက္ခာကို ဆောက်တည်ပြီးသူဖြစ်၏"ဟု သရဏာနိသက္ကသုတ္တန်တို့  ဆိုကြ၏။
မည်သူဟောအပ်သော မည်သည့်တရားကို ကြားနာရသောကြောင့် သောတာပန်ဖြစ်ကြောင်း ပါဠိအဋ္ဌကထာဋီကာတို့  တိတိကျကျပြဆိုခြင်းမရှိချေ---။

 
၎။
တင်ပြရှင်းလင်းခဲ့ပြီးသည့်အတိုင်း သရဏာနိသာကီဝင်သည် လှေနံနှစ်ဘက်နင်းသူပမာ တဘက်က အရက်ကြိုက်၏။ တဘက်က ဘုရား တရားသံဃာကြည်ညို၏။ အရက်သမားသောတာပန်ဖြစ်သည်ကို ဆွေမျိုးများက အယုံအကြည်မရှိကြချေ--။
လူတို့ ၏ သာမန်သီလပျက်စီးမှုသည် မဂ်တားဖိုလ်တားဖြစ်ရလောက်အောင် အန္တရာယ်မကြီးမားကြောင်း အရက်မူးသော သန္တတိအမတ်ကြီး ရဟန္တာဖြစ်မှု၊ တံငါသည်အရိယ သောတာပန်ဖြစ်မှု၊ တရားပွဲမှာ တရားနာသူများထံမှ ခါးပိုက်နှိုက်သောသူခိုး သောတာပန်ဖြစ်မှုဖြစ်ရပ်များကို ထောက်ဆကာ သိနိုင်ပေသည်။ထို့ အတူ သရဏာနိသာကီဝင် အရက်ကြိုက်တတ်ခြင်းသည်လည်း မဂ်တားဖိုလ်တားဖြစ်နိုင်စရာ အန္တရာယ်မရှိပါချေ--။
တောင်ပုလုတောရကမ္ဘာအေးဆရာတော်အရှင်နန္ဒိယက သရဏာနိသာကီဝင် သောတာပန်ဖြစ်၊နတ်ပြည်ရောက်သွား
သည်နှင့်ပတ်သက်၍ (၁) ရတနာ ၃ ပါး၏ဂုဏ်ကျေးဇူးကြီးမားသောကြောင့်လည်းကောင်း၊ (၂) သရဏာနိ သာကီဝင်က
 ရတနာ ၃ ပါးကို မတုန်မလှုပ်ကြည်ညိုသော (အဝေစ္စပသာဒသဒ္ဓါ)ကြောင့်လည်းကောင်း အရက်သောက်သည့်အကုသိုလ်ကံကို တားမြစ်နိုင်သည်ဟု ဗုဒ္ဓရှင်တော်ကိုယ်တော်တိုင်က ပြောခဲ့လေဟန် အကြောင်းပြထား၏။ 

ယင်းဟောပြောချက်အကြောင်းအရာ သရဏာနိသက္ကသုတ် ၂ ခုလုံးတွင် ပါဝင်သည်ကို မတွေ့ ရပါ--။
ရတနာ ၃ပါး၏ဂုဏ်တော်ကြီးမားသောကြောင့် အရက်သောက်သည့်အကုသိုလ်ကံကို တားမြစ်နိုင်သည်ဟု ဆိုခြင်းကား မူရင်းသုတ္တန်အဆိုတွင်မပါဝင်ဘဲ ဆန့် ကျင်ဘက်ဖြစ်နေ၏။ အရက်သောက်ချင်သလောက်သောက် ရတနာ ၃ ပါးကို 
ကြည်ညိုရင် ရတနာ ၃ ပါးဂုဏ်စွမ်းအားတို့ ကထိုသူ့ ကို ကယ်တင်လိမ့်မည်ဟူသော အဓိပ္ပါယ်ကို ဆောင်နေ၏။
အလွန်အကျွံ ချီးမွမ်းခန်းဖွင့်လွန်း၏။ ထေရဝါဒပိဋကတ်စာပေနှင့်မညီသည့်အတွက် မှန်ကန်သော အကြောင်းပြ
ချက်ဖြစ်မလာဘဲ စည်းလွတ်ဘောင်လွတ်စကားသာ ဖြစ်နေပါ၏

အချုပ်အားဖြင့် တောင်ပုလုတောရကမ္ဘာအေးဆရာတော်အရှင်နန္ဒိယသည်သရဏဂုံတည်ခြင်းအကျိုးတရားကို
 ဟောသည်ဆိုသော်လည်း ဘုရားရှင်မဟောပြောသည်ကို ဘုရားရှင်ဟောပြောသည်ဟု စကားခံကာ သူပြောချင်သော သူ့ အယူအဆကို "ကျမ်းဂန်လွတ်" ပြောဟောခဲ့ခြင်းမျှသာဖြစ်ကြောင်း လေ့လာတွေ့ ရှိရပါ၏။ 
သရဏဂုံနှင့် ပတ်သက်ရင် ပိဋကတ် ၃ ပုံအောင် ဓမ္မကထိကဆရာတော်တပါးထက်ပင် စုံလင်အောင်
 ဟောပြနိုင်ခဲ့သည်ဟူသောအချက်မှာလည်း "အမှန်စကားလား"၊ "အကြွားစကားလား" သံသယဖြစ်ဖွယ်ပင်--။

 အမရဒီပ
၎-၁၈-၂ဝ၁၂





No comments: