Total Pageviews

Wednesday, March 13, 2013

အနယ်ထိုင်ချိန် မြင်မိတဲ့ကိုယ့်အရိပ်- ၂


အခန်း ၁၊ ရတနာလေး

ဘုန်းကြီးကို စီလုံကျွန်း၊ ဟေနေပေါလရွာမှာ ဒီဇင်ဘာ ၇ ရက် ၁၉၂၇ တွင်  မွေးဖွားသည်။ စီလုံကျွန်းကို ယခုအခါ သီရိလင်္ကာနိုင်ငံဟု လူသိများသည်။ သိရီလင်္ကာနိုင်ငံသည် အိန္ဒိယနိုင်ငံ၏အရှေ့ တောင်ဖက်ကမ်းခြေမှာရှိသည့် 
"မျက်ရည်စက်ပုံသဏ္ဌန်"ကျွန်းတခုဖြစ်သည်။ စိမ်းစိုနေသောတောတောင်များ၊ စပါးခင်း၊ ရာဘာခြံ များနှင့် လက်
ဖက်ပင်များစွာရှိသည့် သာယာလှပသောနေရာတခုဖြစ်သည်။

၁၉၂ဝ ပြည့်လွန်နှောင်းပိုင်းတဝိုက်လောက်က ရွာသိမ်ရွာငယ်လေးတခုသာဖြစ်သော ဟေနေပေါလရွာသည် မိသားစုဦးရေ ၄ဝ ခန့် အတွက် "အိမ်ဂေဟာ"ဖြစ်သည်။ အချက်အချာကျရာလမ်းမကြီးနှင့် အလှမ်းဝေးလွန်းလှ ပြီး စာသင်ကျောင်း၊ ရဲစခန်း၊ စာတိုက်၊ ဈေးဆိုင် နှင့် စားသောက်ဆိုင်များ မရှိသော အရပ်ဖြစ်သည်။တရွာလုံးတဲအိမ်စုစုလေးများသာရှိကာ 

ရွာမလှမ်းမကမ်းတွင် ရွာလူထုစုဝေးရာ ဗုဒ္ဓဘာသာဘုန်းကြီးကျောင်းရှိ၏။
ဟေနေပေါလရွာတွင် လျှပ်စစ်မီးသုံးစွဲသူ၊ ရေပိုက်မှရေကိုသုံးစွဲသူ တဦးတယောက်မျှမရှိ၊ သို့ သော် ရွာကိုဖြတ်စီး
သွားသော မြစ်ငယ်တခု ရှိလေသည်။ လက်ဖက်ခြံနှင့် အုန်းတောများကို ကွေ့ ဝိုက်လည်ကာဖောက်ထားသော
တောလမ်းကျဉ်းကျဉ်းပေါ်မှလမ်းလျှောက်လျှင် သုံးမိုင်လောက်အကွာမှာ အနီးဆုံးမြို့ ကြီးရှိသည်။ ဟေနေပေါလ
ရွာမှ မိုင်ဝက်ခန့် အကွာ ရွာနီးစပ်တရွာရှိနေသေး၏။

ဘုန်းကြီး၏ဇာတိနိုင်ငံမှလူများမှာ ဘုန်းကြီး၏"ဟေနေပေါလ ဂုဏရတန"ဟူသော သာသနာ့ဘောင်သုံးအမည်ကို ကြားဖူးကြပေမည်။ ဆင်ဟာလိလူမျိုးထုံးစံတခုမှာ သာသနာ့ဘောင်ဝင်လျှင် အမည်သစ်ယူရခြင်းဖြစ်၏။ သာသနာ့ဘောင်ရိုးရာအမည်မှာ ဘာသာရေးအဓိပ္ပါယ်ရှိသည်။ ပထမအမည်မှာ ဖွားရာအရပ်အမည်ဖြစ်သည်။
"ဟေနေပေါလ" မှာ ဘုန်းကြီးမွေးဇာတိအရပ်ကိုသိနိုင်အောင် ထည့်ထားခြင်းဖြစ်သည်။

ဘုန်းကြီးငယ်စဉ်က စီလုံကျွန်းသည် ဗြိတိသျှကိုလိုနီနယ်မြေတခုဖြစ်သည်။ဟင်းခပ်အမွှေးကြိုင်၊ လက်ဖက်၊ ရာဘာ၊တန်ဖိုးကြီးကျောက်မျက်ထွက်သောနေရာ၊ ဥရောပနှင့်တရုတ်အကြားကုန်သွယ်ရေးလမ်းကြောင်းဖြစ်သည့် ပိုးလမ်းမကြီးပေါ်ရှိပြီး  မဟာဗျူဟာအခင်းအကျင်းကျသောကြောင့် တန်ဖိုးထားခံရသောနေရာဖြစ်သည်။

နိုင်ငံလူထုအများစုမှာ လယ်သမားများဖြစ်လေရာ ဘုန်းကြီး၏မိသားစုမှာလည်း ခြွင်းချက်ထဲမပါဝင်လေခဲ့။ လယ်သမားများသည် မြေယာကျဉ်းကျဉ်းလေးတွင် စပါး၊ အုန်းပင်၊ ကော်ဖီ နှင့် အခြားကောက်ပဲသီးနှံစိုက်ပျိုးကြရ
သည်။ မြေယာများမှာ ကိုယ်ပိုင်ရှိသလို တခါတရံ ဗြိတိသျှပိုင်လယ်မြေများကို  ငှါးရမ်းရသည်။

ရွာသားတိုင်းအားလုံးလိုလို ဆင်းရဲသားများဖြစ်ကြသည်။ "ဖွတ်အဖေ"ခေါ်လောက်အောင် ဆင်းရဲကြသည်ပလေ။ သို့ သော် ဘဝအတွက် တည်ငြိမ်သော ယုံကြည်ချက်ကို ရွာသားများအား ထေရဝါဒဗုဒ္ဓဘာသာတရားတော်က ပေးအပ်ထားပေသည်။ "အကြောင်းအကျိုးနိယာမ"ဟူသော ကံတရားနှင့်အညီ ယနေ့ အခြေအနေသည် အတိတ်ဘဝပြုလုပ်မှု၏

အကျိုးဆက်ဖြစ်သည်။ ယနေ့ ပြုလုပ်မှုအကျိုးဆက်သည် အနာဂတ်ဘဝအခြေအနေဖြစ်မည်ဆိုသည်က

 ပိုအရေးပါသည်။ ထို ကြောင့် လက်ရှိဘဝမှာ ဆင်းရဲခက်ခဲသည်ကိုအလေးမထားဘဲ အကောင်းဆုံး
ဖြစ်အောင်ကြိုးစားပြီး ဆက်လုပ်သွားကြရမည်ဟု ယုံကြည်ကြသည်။

အမှန်စင်စစ် ဘုန်းကြီးသိတတ်စကတည်းက ဗုဒ္ဓတရားတော်များ ထိုးဖောက်စိမ့်ဝင်နေသည်ပဲ။ တရွာလုံး၏
စုဝေးရာ"ပုဏ္ဏားတိုင်"သည် ဘုန်းကြီးကျောင်းဖြစ်သည်။ ရွာသားများသည် ဘုန်းကြီးထံသို့  သာရေးအတွက်
ဖြစ်ဖြစ်၊ နာရေးအတွက်ဖြစ်ဖြစ် တရားနာ၊ ပရိတ်ရွတ်ကိစ္စအတွက် ပင့်လျှောက်ရန် ရောက်ကြသည်ချည်းဖြစ်၏။
ရွာဘုန်းကြီးသည် ဆရာလိုတမျိုး၊ ဓမ္မကထိကလိုတဖုံ၊ အကြံပေးဉာဏ်ပေးလိုတသွယ် ၊ ရံဖန်ရံခါ ဆေးဆရာ
လိုတနည်း စီမံကွပ်ကဲပေးပါသည်။ ရွာသားများသည် နေ့ ညအချိန်မရွေး ဘုန်းကြီးနှင့်အတူ နေ့ စဉ်ဝတ်ရွတ်၊
ဝတ်တက်ပြုရသည်ကိုလည်း သဘောကျနှစ်သက်ကြသည်။ သို့ ဖြစ်ပေရာ ဘုန်းကြီးကျောင်းသည် တံခါးမရှိ၊ ဓားမရှိ အမြဲလိုလို လူဝင်လူထွက်မပြတ်ရှိနေပါသည်။

လပြည့်-လကွယ်-လဆန်း-လဆုတ် တလ လေးကြိမ်လုံးပင် ရွာသားများသည် ဘုန်းကြီးကျောင်းမှာ ၂၄ နာရီ တနေ့ လုံးအချိန်ကုန်ကြသည်။ အလွန်အေးအေးလူလူရှိလှ၏။ အချို့  တရားထိုင်၊ အချို့ စင်္ကြန်လျှောက်၊ အချို့  ဗောဓိညောင်ပင်အနားမှာ ဘုရားစာရွတ်ကြသည်။ ထိုင်သူထိုင်၊ ကွန်ကရိအခင်းအေးအေးပေါ်တုံးလုံးလျောင်းကာ
 "ငြိမ့်"သူ ငြိမ့် နေသည့် ဓမ္မာရုံထဲမှာ ရဟန်းများနှင့် လူဥပါသကာများက အလှည့်ကျ တရားဟောကြသည်။
ဘုန်းကြီးငယ်စဉ် ယင်းတရားပွဲအတွင်း အမေ့ရင်ခွင်ပေါ် တရေးလောက်မှေးစက်အိပ်ပျော်ခဲ့ဖူးသည်ကိုလည်း အမှတ်ရမိပါသည်။
ဘုန်းကြီး၏မယ်တော်အမည်မှာ " ဟေရတ် -မုဒီယန်ဆေလာဂီ -လောကူမေနီကီ"ဖြစ်သည်။ အမည်အစ နှင့်အလယ်အဓိပ္ပါယ်မှာ "အထက်တန်းစား (ရွှေ) ပုဂ္ဂိုလ်" ဟုဆိုလိုပြီး နောက်ဆုံးစာလုံးမှာ "မဟာကျောက်မျက်ရတနာ"ဟု ဆိုလိုပါသည်။ 

ထိုစဉ်က စီလုံကျွန်းရှိ အမျိုးသမီးများသည် အိမ်ထောင်ကျသောအခါ သူတို့ ၏ အလယ်နာမည်ကို ဆက်လက်သုံးပိုင်ခွင့်ရှိသည်။

ဖခမည်းတော်၏အမည်မှာ "ဧကနာယက- မုဒီယန်ဆေလာဂီ- ပဉ္စိဘဏ္ဍ" ဖြစ်သည်။ သူ၏အစနှင့်အလယ်နာမည်
ကို အကြမ်းဖျင်းဘာသာပြန်လျှင် "အထက်တန်းစားပုဂ္ဂိုလ်" ဖြစ်ပြီး နောက်ဆုံးအမည်မှာ "ရတနာ"ဟုဆိုလိုသည်။
ဖခင်ထံမှအမွေရထားသောမယ်တော်၏အလယ်အမည်"မုဒီယန်ဆေလာဂီ"သည်သူမခင်ပွန်း၏အလယ်အမည်နှင့် အမှတ်မထင် တိုက်ဆိုင်စွာတူညီနေသည်။

မွေးချင်း ၇ ယောက်အနက် ဘုန်းကြီးသည် ၆ ဦးမြောက်ဖြစ်၏။ မယ်တော်အသက် ၃၇ မှာ ဘုန်းကြီးကို ဖွားမြင်သည်။ ဘုန်းကြီးထက်အကြီး အကို ၂ ယောက်၊ အမ ၃ ယောက် ရှိသည်။ အမ ၃ ယောက်ထဲက တယောက်မှာ အရွယ်ရောက်၍ ဘုန်းကြီးမမွေးခင်ခပ်စောစောကတည်းက အိမ်ထောင်ကျကာ ခင်ပွန်းသည်နောက်သို့  ပါသွားသည်။ 

ဘုန်းကြီးမွေးပြီးနောက် ထိုအမကြီးမှ သမီး ၂ ယောက် မွေးသည်။ သို့ သော် ၁ ယောက်မှာ အဖတ်မတင်၊ မွေးကင်းစမှာပင် ဆုံးပါးရှာသည်။

ဘုန်းကြီးကို ဆန်နှင့်အုန်းသီးကိုအခအဖြစ်ယူသည့် ဝမ်းဆွဲလက်သည်က မွေးပေးသည်။ ပြတင်းပေါက်မရှိ၊ မှုန်မှုန်ဝါးဝါးအလင်းရောင်ရှိသည့် အိမ်ပေါ်မှာ ဘုန်းကြီးသည် ဤလောကသို့ ဝင်ရောက်လာခဲ့သည်။ မယ်တော်သည် သားဖွားခါနီးတွင် ကြမ်းပြင်ပေါ် ဖြန့် ခင်းထားသော အုန်းကျောဖျာပေါ် ဆောင့်ကြောင့်ထိုင်လိုက်၊ လဲအိပ်လိုက်လုပ်နေသည်။ ဝမ်းဆွဲလက်သည်က ထုံးစံအတိုင်း အိမ်ခေါင်ထုပ်တန်းပေါ် ကြိုးတချောင်းချည်တုပ်လိုက်ကာ ကြိုးစကို မယ်တော့်ဖျာတည့်တည့်ချလိုက်သည်။ အပြင်းအထန်နာကျင်၍ သည်းမခံနိုင်ဖြစ်လာလျှင် မယ်တော် ကြိုးစကိုဆွဲနိုင်ရန်ဖြစ်သည်။ သည်နည်းဖြင့် မယ်တော်သည် ကလေး ၈ ယောက်ဖွားမြင်ပြီးခဲ့ပြီ။

မွေးဖွားပြီးနှစ်ပတ်အကြာ ဘုန်းကြီးလောင်းလျာ"ကလေးပေါက်စ"သည် ကျန်းမာရေးကောင်းသည်။ အသက်ရှင်မည်လက္ခဏာရှိသည်ဟုယူဆသော ဖခင်သည် ရွာနီးစပ်က ရွာလူကြီးထံသို့ သွားလေသည်။ ဖွား၊သေစာရင်းကို မိမိရပ်ရွာလူကြီးထံမှာ တရားဝင်မှတ်ပုံတင်နိုင်သည်။ သို့ သော် ဟေနေပေါလလို ရွာငယ်မှာ ရွာလူကြီးမရှိ၊ ထို့ ကြောင့် ဖခင်သည် မိုင်ဝက်ခရီးအနီးဆုံး "ဒေဟီဒေနီယရွာ"သို့ လမ်းလျှောက်ရခြင်းဖြစ်၏။ ဖခင်သည် ဒေဟီဒေနီယရွာလူကြီးထံမှာ သူ၏တတိယမြောက်သားငယ်အမည်ကို ပြောရလေသည်။ သားအမည်ကား….."ဧကနာယက-မုဒီယန်ဆေလာဂီ- ဥက္ကုဘဏ္ဍ"…။

"ဥက္ကု"ဟူသည် "သေးသော၊ငယ်သော" နှင့် "ဘဏ္ဍ"မှာ "ရတနာ"ဟု အဓိပ္ပါယ်ရှိလေသည်။ "ဥက္ကုဘဏ္ဍ"မှာ ကလေးကိုကြင်နာမှုပြသရန်လူကြီးများ ချစ်စနိုးခေါ်သောအမည်ဖြစ်သည်။ ကလေးကိုခေါ်သောအမည်ဖြစ်သော်
ငြား အရွယ်ရောက်ပြီးသူကိုလည်း ခေါ်နိုင်သည်။

အသက်ကြီးလာသော်လည်း "လူကလေး"ဟုဆိုလိုသည့် "ကုဒဘဏ္ဍ"အမည်ကို ခေါ်ရန် မိဘများက ဆုံးဖြတ်ခဲ့သည်။ မိသားစုထဲမှာ ဘုန်းကြီးသည် နောက်ဆုံးသားဖြစ်သောကြောင့်ဟု နားလည်မိပါသည်။ သို့ သော် တရားဝင်အမည်အစား ယင်းအမည်ခေါ်နေခြင်းအကြောင်း မည်သည့်အခါမှ မမေးမြန်းမိပါ။

ဖခင်သည် ပေ ၄ဝ-ပေ ၃ဝ အိမ်ကို ကိုယ်တိုင်ဆောက်သည်။ ကောက်ရိုး၊ အုန်းလက်ခြောက်၊ သံတိုသံစသုံးကာ အမိုးမိုးသည်။  ရွံမြေစေးကို အိမ်နံရံလုပ်ကာ ဝါးခြမ်းပြားနှင့် အခိုင်အမာထပ်ပိုးသည်။ အိမ်ရှေ့ ၊ အိမ်နောက်
တလျှောက် အောက်ခြေတဝက်လောက်ကို ရွံစေးမြေနံရံ၊ အပေါ်တဝက်လောက်ကို သစ်သားမျက်ကွက်နှင့်
ဝရန်တာအပွင့် လုပ်လိုက်သည်။

ရွာရှိအခြားအိမ်များနှင့်ယှဉ်ကြည့်လျှင် ဘုန်းကြီးတို့ အိမ်မှာ နေရာအတော်ကျယ်ဝန်းသည်။ အခန်း ၂ ခန်းရှိ
သည်။ တခန်းက သေးသေးမှောင်မှောင် မီးဖိုချောင်၊ အခြားတခန်းက ဖခင်၏ စာရွက်၊ စာအုပ်နှင့် တန်ဆာပလာ
များ ထည့်သိမ်းသောအခန်းဖြစ်သည်။ ပရိဘောပစ္စည်း နည်းနည်းပါးပါးရှိသည်။ အကြမ်းထည်အသေးစား
သစ်သားခုံရှည်များနှင့် သစ်မာသားကို မြောင်းပေါ်အောင်အချောသတ်ထားသော ကုလားထိုင်တလုံးတို့ မှာ အိမ်တွင်းဖြစ်ပစ္စည်းများသာဖြစ်ကြ၏။ ထမင်းစားသောက်ပြီးနောက် ဖခင်သည်  ထိုကုလားထိုင်မြင့်မြင့်ပေါ်
ထိုင်ကာ ဆေးလိပ်သောက်၊ကွမ်းဝါးနေရင်း ဘုန်းကြီးတို့ ညီအကိုမောင်နှမတစုအား ပုံပြင်ပြော၊ ဆုံးမစကားပြော
သည်ကို ဘုန်းကြီးမှတ်မိနေသေး၏။ မိခင်က ခုံရှည်တခုပေါ်ထိုင်သည်။ အဖေထိုင်သည့် ကုလားထိုင်မှာမည်သည့်
အခါမျှမထိုင်ပါ။ ကလေးများကား ကြမ်းပြင်ပေါ် ထိုင်ကြသည်။

အိမ်ကြမ်းပြင်မှာ ရွံ့မြေစေးဖြင့် လုပ်ထားသည်။ မိခင်နှင့်အမများသည် သူတို့ လက်ဖဝါးပြင်ကိုသုံးကာ ကြမ်းပြင်ကို နွားချေးအသစ် မကြာခဏသုတ်လိမ်းကြသည်။ ကျွဲနွားမစင်သည် ပိုးသတ်ဆေးတမျိုးဖြစ်၏ဟု ယူဆကြသည်။ လိမ်းကျံထားသောနွားချေးအနံ့ မှာ လတ်ဆတ်သစ်လွင်နေ၏။ ဘုန်းကြီးတို့ သည် ကြမ်းပြင်ပေါ် ခြေဗလာဖြင့် နေ့ တိုင်း နင်းခဲ့ကြသည်။

(ဘုန်းကြီးတို့ အိမ်မှာ) အိပ်ရာ ၂ ခုသာရှိသည်။ ကြမ်းရှရှသစ်သားခုံတခုစီမှာ အုန်းသီးခွံအခြောက်များသွတ်ထည့်
ထားသော အဝတ်အိတ်ကြမ်းတလုံးစီကို တင်ထားရုံသာသာ..။ ယင်းမွေ့ ယာများသည် ကျောက်ဖျာနှင့်နှိုင်းစာ
သော် မဆိုစလောက် အိစက်ညက်ညောပါပေသည်။ အကိုကြီး "တိကိရိဘဏ္ဍ"သည် တဲအိမ်အရှေ့ဖက်
ဝရန်တာရှိ အိပ်ရာမှာ အိပ်သည်။ အခြားအကိုတယောက်နှင့် ဘုန်းကြီးမှာ သူ့ အနီးကြမ်းပြင်ပေါ် အိပ်ကြသည်။

အနောက်ဖက်ဝရန်တာရှိ နောက်အိပ်ရာတခုမှာ ဖခင်၏စက်မွေ့ ရာဖြစ်သည်။ မိခင်သည် ဖခင်နှင့်အတူ အိပ်စက်
သည်ကို ဘုန်းကြီး လုံးဝမမြင်ဖူးပါ။ မိခင်သည် သမီးများနှင့်အတူကြမ်းပြင်ပေါ်အိပ်သည်။ မိဘနှစ်ပါး အချင်းချင်း
နမ်းရှုပ်ကြ၊ ပွေ့ ဖက်ကြသည်ကို တရံတဆစ်မျှ မမြင်ဖူးပါ။ သူတို့ နှစ်ဦး တိုးတိုးတိတ်တိတ်နှစ်ကိုယ်ကြားစကား
ပြောကြသည်ကိုလည်း မမြင်ဖူးခဲ့ပါ။

သို့ ပေငြား မိဘနှစ်ပါးသည် ဗုဒ္ဓသာသနာတော်အပေါ် နက်ရှိုင်းစွာယုံကြည်မှုကိုကား မျှဝေခဲ့ကြသည်။ မနက်တိုင်း မိဘတို့ ၏ ဘုရားစာပါဠိရွတ်ဆိုသံများသည် အိပ်ရာနှိုးအချက်ပေးတေးသံအဖြစ် သားသမီးများကို အိပ်ရာမှ နိုးထစေခဲ့သည်။ ဤကဲ့သို့  နေ့ စဉ်အမြဲဝတ်တက်သံများသည် ကလေးများအတွက် ညမှာလည်း "သားချော့တေး" ဖြစ်ရပြန်၏။ ဘုန်းကြီးတို့ လို ကလေးများအတွက် ကကြီးခခွေးပင်မသင်ရသေးသော်လည်း ပါဠိစာပိုဒ်များကို နုတ်တိုက်ဆိုနိုင်သည်။ "ကမ္မ၊ ဇာတိ" ဆိုသော စကားလုံးတို့ ၏အဓိပ္ပါယ်ကိုလည်း နားလည်
ခဲ့ကြသည်။

မိဘနှစ်ပါးသည် သူတို့ အလုပ်များကို တဗျစ်တောက်တောက်လုပ်ကာဆူပူခြင်းမျိုးမရှိဘဲ နေ့ စဉ်ရက်ဆက် လုပ်ခဲ့ကြသည်။ မနက်စောစောမှာ ဖခင်သည် စပါးခင်း သို့ မဟုတ် ရာဘာခြံကလေးဆီ အလုပ်သွားသည်။ မိခင်က အိမ်မှာ အိမ်မှုကိစ္စလုပ်၊ ကလေးထိန်းရင်း အိမ်မှာ ကျန်ခဲ့သည်။ ဖခင်အလုပ်မှအိမ်ပြန်ရောက်သည်နှင့် မိခင်က ဖခင်အတွက် နေ့ လယ်စာအဆင်သင့်ပြင်ဆင်ပြီး ဖြစ်သည်။

ဘုန်းကြီး၏မိဘနှစ်ပါးသည် ဆင်ဟာလိဘာသာကို ရေးနိုင်၊ ဖတ်နိုင်ကြသည်။ ဤကိစ္စသည်လည်း ရွာမှာ
သာမက စီလုံကျွန်းမှာပင် ရှားရှားပါးပါးကိစ္စဖြစ်သည်။ ဖခင်သည် စာတတ်ပေတတ်တယောက်ဖြစ်သောကြောင့်
ရွာဂုဏ်ဆောင်တယောက်၊ "ကိုစည်းကမ်းကြီး"တယောက်အဖြစ်လည်း လူသိများပေရာ ဟေနေပေါလရွာမှာ အရပ်က လေးစားသူတယောက်ဖြစ်သည်။

အငြင်းပွားကိစ္စဖြေရှင်းရန် အခြားတရွာသားများပင် ဖခင်ဆီရောက်လာတတ်သည်။ ယင်းသို့ ဖြစ်သော်လည်း ဖခင်သည် သူ့ မိသားစုနှင့်ပတ်သက်လာလျှင် "ကြောက်စရာလန့် စရာကောင်းသူ"ဖြစ်နေပါသေးသည်။ တခါတလေ သူသည် မိခင်နှင့် ကောက်ကာငင်ကာ ရန်ထဖြစ်တတ်သည်။ မည်သည့်အကြောင်းမှန်းတော့ ဘုန်းကြီး မမှတ်မိတော့ပါ။ သူ့ ဒေါသကို အကြမ်းနည်းနှင့်ပြတတ်သည်။ ထစ်ခနဲစိတ်တိုတိုင်း သားသမီးများကို
 နာနာကျင်ကျင်ရိုက်တတ်သည်။ တခါတလေ မိခင်ကိုပင် ရိုက်နှက်တတ်သည်။ မိခင်ကိုရိုက်နှက်နေချိန်တွင်
 ဘုန်းကြီးတို့ ညီအကိုမောင်နှမတစု ပုန်းနေခဲ့ရသည်။ အသံမထွက်ရဲခဲ့ပါ။ သူ့ ဒေါသ ဘုန်းကြီးတို့ ကလေးတစု
ဘက်ဆီသို့ မြှားဦးလှည့်လာမှာ ကြောက်ရွံ့သောကြောင့် ဖြစ်ပါသည်။ 

(ဆက်လက်ဖော်ပြပါမည်။)

Bhante Henepola Gunaratana ၏ Journey to Mindfulness ကို ဘာသာပြန်သည်။

အမရဒီပ
မတ်လ ၁၃၊ ၂ဝ၁၃


Saturday, March 9, 2013

အနယ်ထိုင်ချိန် မြင်မိတဲ့ကိုယ့်အရိပ်- ၁ (နိဒါန်း)



ရဟန်းဟူသည် အတ္တဆန်မှုကိုပယ်ဖြတ်ရေးအတွက် အားစိုက်ရ၏။ အတ္တကိုဖော်ကျူးအမွှမ်းတင်ရေးအတွက် လုံ့ 
လမစိုက်သင့်ပါချေ။ သို့ ဖြစ်ပေရာ ရဟန်းတပါးဖြစ်ပါလျှက် "ကိုယ်တိုင်ရေးအတ္ထုပ္ပတ္တိ"တစောင် ရေးထုတ်ခြင်းမှာ
 လျော်ကန်ကောင်းမြတ်သော အလေ့အထမဟုတ်ပါ။ ကမ္မဋ္ဌာန်းတရားနှင့်သတိစွဲထုံမှုတို့ ကြောင့် စွဲလန်းမက်မော
မှုများ ပါးလျားသင့်ပါပြီ။ အတ္တဆန်မှုတွေကို လျော့ချသင့်ပါပြီ။ သို့ ကလောက် အသိကြီးကျယ်သူကြီးဖြစ်နေပါ
လျှက် ကိုယ့်အကြောင်းကိုယ် စာတစောင်ပေတဖွဲ့ ဘာကြောင့်ရေးပြရသနည်း..။

"ကိုယ်ရေးသမိုင်း" ရေးသားမည့်စိတ်ကူးကို တရားစခန်းပွဲများမှ ထူးထူးဆန်းဆန်းရခဲ့၏။ စာရွက်ငယ်ပေါ်မေးခွန်း
ရေးပြီး စာတိုက်ပုံးမှာထည့်ထားကြဖို့ တရားစခန်းပွဲတိုင်းလိုလိုမှာ ယောဂီများအား ဖိတ်ခေါ်ခဲ့၏။ ညနေပိုင်း ပုံမှန်
တရာားပွဲအပြီး စာတိုက်ပုံးထဲမှ မေးခွန်းလွှာများကိုဆွဲထုတ်ကာ မေးမြန်းစုံစမ်းလေသမျှ ဖြေကြားခဲ့၏။

ယောဂီများကား ကမ္မဋ္ဌာန်းတရားအကြောင်းသိလို၊နားလည်လိုကြ၏။ စခန်းပွဲမှာ ထူထောင်ခဲ့ရသော သူတို့ ၏
အရှိန်အဟုန်ကို မည်သို့ ဆက်ထိန်းရမည်နည်း..။ ငြိမ်ငြိမ်သက်သက်မထိုင်နိုင်ဘဲ ပြဿနာဝင်လာသော် ဘာလုပ်
ရမလဲ…။ အနီးအနားမှာ ဆရာကောင်းမရှိခဲ့လျှင်မည်သို့ မည်ပုံအားထုတ်ရမည်နည်း.. မေးခွန်းများ။ တခါတရံ တယောက်ယောက်က ဘုန်းကြီး၏ဘဝဇာတ်ကြောင်းကို မေးခွန်းထုတ်၏။

"ရဟန်းဖြစ်တာဘယ်လောက်ကြာပြီလဲ"
"သီရိလင်္ကာမှာ ရဟန်းဖြစ်ရတာ ဘယ်လိုနေလဲ၊ ဘယ်လို ကြီးပြင်းလာခဲ့ရလဲ"
"အာရုံဆွဲဆောင်မှုတွေပြည့်နှက်နေတဲ့ ဒီကမ္ဘာကြီးမှာ ရဟန်းဝိနည်းကို ဘယ်လိုစောင့်စည်းခဲ့ရလဲ"

ဤပုံဤနည်းမေးခွန်းများကို ဖြေကြားရလေတိုင်း ရောက်တတ်ရာရာ ပြောဖြစ်ခဲ့၏။ ဘုန်းကြီး၏ဘဝဇာတ်စုံအဖုံဖုံ
ကို ကြားရသူယောဂီတို့  သဘောကျနှစ်ခြိုက်ပုံပေါ်၏။ အမြဲလိုလိုတိတ်ဆိတ်နေတတ်သည့် ယောဂီဆောင်မှာ ရယ်သံများနှင့် ဖုံးလွှမ်းနေတတ်၏။ ယောဂီတို့ က "အရှင်ဘုရား..အရှင်ဘုရားအကြောင်း စာရေးပါလား" ဟုမကြာမကြာ တိုက်တွန်းကြ၏။

ဘာသာရေးနယ်က အမျိုးသား၊ အမျိုးသမီးတို့ ၏ဘဝဖြစ်ရပ်အကြောင်း တအုပ်စနှစ်အုပ်စဖတ်ဖူး၏။ ထိုစာအုပ်များ၏ပဓာနကျောရိုးမှာ ရင်သပ်ရှုမောအံ့သြဘနန်းဖြစ်ဖွယ်ရာနှင့် တန်ခိုးပြာဋိဟာအခန်းတို့ က အမြဲလိုလိုဖြစ်နေတတ်၏။ ယင်းအခန်းများပင် အဓိကလွှမ်းမိုးနေ၏။

"လျှုို့ ဝှက်ဆန်းကြယ်ဂမ္ဘီရဆန်ဆန်"စာအုပ်မျိုးကိုဖတ်ပြီး စာဖတ်သူတယောက်က  "ဘာသာရေးနယ်က ပုဂ္ဂိုလ်ဟူသည် သာမန်လူတွေနှင့် မိုးနှင့်မြေလိုအလွန်ကွာခြားပါကလား"ဟု ကောက်ချက်ချသွားတတ်သည်။

ဘုန်းကြီး၏ကိုယ်ရေးစာအုပ်အတွက်မူ "ဂမ္ဘီရဆန်ဆန်တန်ခိုးပြခန်းမျိုး"မပါဝင်ကြောင်း အခိုင်အမာပြောလို၏။ ဘုန်းကြီးဘဝတလျှောက်လုံး သာမန်ပုဂ္ဂိုလ်သာ ဖြစ်နေခဲ့သည်။ "ကြိုးစားရင် တိုးတက်ကြီးပွားမည်"၊ သဘာဝလွန်
တန်ခိုးနှင့်မသက်ဆိုင်ကြောင်း နားလည်ထားပါ၏။ တကယ်တမ်းအားဖြင့် ဘုန်းကြီး၏ဘဝသည် စာဖတ်သူတို့ ဘ
ဝနှင့် မနီးယိုးစွဲသာဖြစ်ပါ၏။

မည်သို့ ဆိုစေ,ယောဂီများ အဘိယာစကပြုထားသော ကိုယ်ရေးစာအုပ်ရေးသားရန် တွန့် ဆုတ်နေခဲ့သည်။
"အတ္ထုပ္ပတ္တိရေးသားခြင်းသည် အတ္တနယ်ပယ်အတွက် လေ့ကျင့်ခန်းတခုများဖြစ်လေမလား"ဟု စိတ်မလုံမလဲဖြစ်
ခဲ့သည်။ "သည်လောက်အသက်အရွယ်ကြီးတာတောင် ကိုယ့်အတွက်လောက်သိနေတုန်းပဲ၊ အသက်ကြီပြီး "အချိန်မစီးသေးသူ"ဟု အထင်ခံရမှာ စိုးရိမ်မိခဲ့သည်။

"မဟုတ်တာ….၊ အရှင်ဘုရားရဲ့ကိုယ်ပိုင်အတွေ့ အကြုံဇာတ်လမ်းကိုပြောပြတာကလဲ  တရားတပုဒ်ဟောပြတာပါပဲ
လေ…"
မိတ်ဆွေတဦးက ဘုန်းကြီးကို ပြောဖူးသည်။ ဘုန်းကြီးကိုယ်တိုင်လည်း သည်လိုပင် တွေးမြင်မိပါ၏။ ဘုန်းကြီးကဲ့
သို့ သာမန်လူတဦးကို ချမ်းမြေ့သာယာမှု၊ ပြည့်ဝမှုဟူသော ဘဝမြင့်မားမှုရအောင် လမ်းညွှန်တော်မူခဲ့သော
 မြတ်စွာဘုရား၏ဒေသနာများသည် ရခဲစွာသော ဒုလ္လဘဟောပြောချက်များဖြစ်ကြောင်း သက်သေပြခွင့် ရခြင်းပင်ဟု နားလည်ခဲ့ပါသည်။

မြတ်စွာဘုရား၏ ဓမ္မကို ကာကွယ်စောင့်ရှောက်ရန် ရဟန်းတော်တပါးအနေဖြင့် ဘဝကို မြုပ်နှံရင်းနှီးထား၏။ ဓမ္မကလည်း ရဟန်းတော်ကို ပြန်လည်ကာကွယ်စောင့်ရှောက်ခဲ့ကြောင်းဘုန်းကြီးသိခဲ့ရပြန်၏။ ယင်းကား ဘုန်းကြီး၏ အသက် ၇၅ နှစ်တာအတွင်း ရခဲ့သော အတွေ့ အကြုံဖြစ်ပါသည်။ ဤသည်ပင်လျှင် ဟိုတစ၊ သည်တစပြောပြနေသည့် ဘုန်းကြီးဘဝဇာတ်ကြောင်းကို စာဖတ်သူများအား မျှဝေရခြင်း၏ လိုရင်းအနှစ်ချုပ် ဖြစ်ပါ၏။

နမူနာတခု ရိုးသားပွင့်လင်းစွာပြောပြပါမည်။ စိတ်ကြီးဝင်ခဲ့မိသည့်အတွက် ဒုက္ခအကြီးအကျယ်ကြုံခဲ့ပုံအကြောင်း အရိုးခံစိတ်ဖြင့်ပြောလို၏။ ရဟန်းပျိုဘဝ သာသနတက္ကသိုလ်နေစဉ်က ဘုန်းကြီးသည် အခြားစာသင်သားများအ
ပေါ် သူလျှိုလုပ်ခဲ့သည်။ သူတပါးအပြစ်ကို အတင်းပြောသည်။ ထိုကိစ္စကြောင့် ပြဿနာတက်ခဲ့ရသည်။

အရင်းစစ်လျှင်  ဘုန်းကြီး၏အကြီးမားဆုံးအားနည်းချက်မှာ သူတပါးအပြစ်ကိုရှာတတ်၊ ကြည့်တတ်ခြင်းပင်ဖြစ်
ကြောင်း ပြောလိုပါ၏။ "ပါးပါးလေးဖြစ်စေဦးတော့"..ကိလေသာထုထည်မြင့်တက်မှုကား လမ်းကြောင်းတွင်နေမှု
နှင့် အမှားများစွာကိုဖြတ်သန်း၍ နှစ်ကာလများစွာ ကြာမြင့်နေပြီ။ ပစ္စုပ္ပန်တည့်တည့်မှာပင် မကြာခဏဆိုသလို ကိလေသာနှင့် နပန်းလုံးနေရဆဲပင်..။

နည်းနည်းဖြစ်စေ၊ များများဖြစ်စေ ဘုန်းကြီးအနေဖြင့် အခုလိုရင်ဖွင့်လိုက်ရသည်ကို ကျေနပ်ဝမ်းမြောက်မိ၏။ ယခုအခါ ဘုန်းကြီးအနေဖြင့် "လူဟူသည်လူပါပဲ"ဟု အရှိအတိုင်းလက်ခံနိုင်စွမ်းများစွာ ရှိလာသည်။ အကျိုးဆက်အားဖြင့် ဘုန်းကြီး၏ဘဝ (သူတို့ ဘဝကိုမဆိုလို) သည်လည်း အတိုင်းထက်အလွန် ပြေပြစ်ချောမွေ့ 
လာသည်။

ဆန့် ကျင်ဘက်ဝိရောဓိအအုံအကျင်းများဆီသို့ ပြေးဝင်ခြင်း၊ သို့ မဟုတ် ယင်းအရာများကိုရှာနေခြင်းထက်
စွန့် လွှတ်ရမှန်းဗုဒ္ဓတရားတော်များမှတဆင့် ဖြည်းဖြည်းချင်း နားလည်လာ၏။ မှန်၏။ ဆန့် ကျင်ဘက်ဝိရောဓိကို စွန့် လွှတ်လိုက်ခြင်းက ဘဝကို အတိုင်းမသိ ငြိမ်းချမ်းစေပါ၏။

ဗုဒ္ဓဒေသနာ နှင့်ဝိပဿနာအကူအညီဖြင့် ဘုန်းကြီးသည်မိမိကိုယ်မိမိ သိသာထင်ရှားစွာ ပြောင်းလဲနိုင်စွမ်းရှိလာ
သည်။ ဘုန်းကြီးအပေါ် လုပ်ချင်သလိုလုပ်၊ ထင်ချင်သလိုထင်ခဲ့သူများကို အလွယ်တကူ ခွင့်လွှတ်နိုင်ခဲ့၏။ 
ဤစွမ်းရည်သည် အလိုအလျောက် ခြေထောက်ပေါက်ကာ ရောက်လာသည်ကား မဟုတ်ပါချေ။ ဤသို့ ဖြစ်လာ
အောင် တရားဓမ္မအလုပ်ကို အချိန်ကြာမြင့်စွာ ခက်ခက်ခဲခဲ အားထုတ်ကြိုးစားခဲ့ရသည်။
သို့ သော် မခံချင်စိတ်၊ တင်းတိမ်ရောင့်ရဲမှု၊ ဆုံးဖြတ်ချက်တို့ သည် ကျင့်ကြံရာတွင် အောက်ခံမြေဆီလွှာဖြစ်၏။
"ရဟန်းဖြစ်ကာမတ္တ" ဖြင့် ချက်ချင်းလက်ငင်း ကိလေသာကုန်ခမ်းသည်မဟုတ်၊ လောကီဆိုင်ရာပတ်သက်မှုများ
နှင့် ပြတ်စဲသွားသည်မဟုတ်။ ဘုန်းကြီးဝင်ရောက်ခဲ့သော "မြင့်မြတ်သောသာသနာလောက"မှာပင် မနာလိုမှုများ၊
 နောက်ကျောကိုဓားနှင့်ထိုးမှုများ၊ ဂမူးရှုးထိုးတဇွတ်ထိုးလုပ်မှုများ နှင့် ခက်ထန်ကြမ်းတမ်းမှုများမှာဘုန်းကြီးမှာရော
 အခြားသူများမှပါ ရှိနေကြောင်း ဤစာအုပ်တွင် ထပ်တလဲလဲတွေ့ ရပေလိမ့်မည်။

ရှေးဟောင်းနှောင်းဖြစ်များကို ပြန်ပြောင်းသုံးသပ်မိသည်။ ရလာဒ်ကောင်းပေါ်ထွက်ရေးအတွက် ဦးတည်ပေးခဲ့
သော အရာခပ်သိမ်းကို ဘုန်းကြီးပြန်မြင်ယောင်မိသည်။ နာကျင်မှုအပြည့်ဖြစ်နေသည့် လူနှင့်ပတ်ဝန်းကျင်တို့ မှာ ဘုန်းကြီးလျှောက်လှမ်းသင့်သော လမ်းမှန်သို့ တွန်းပို့ ပေးကြသူ ဆရာများပင် ဖြစ်ကြ၏။ ရွှင်လန်းသုခနှင့်ပြည့်စုံ
သူဖြစ်ဖို့ ထိုလမ်းမှန်သည် ဘုန်းကြီးလေ့လာသင့်သောအရာဖြစ်သည်ဟုလည်း ထိုဆရာတို့ က ညွှန်ပြခဲ့ကြသည်။

ထိုအချိန်ထိုကာလက ဖြစ်ရပ်များစွာတို့ မှာ စိုးထိတ်ကြောက်ရွံဖွယ်နှင့် ကံဆိုးမိုးမှောင်ကျမှုများဖြစ်ခဲ့သော်ငြား မိမိဘဝဖြစ်စဉ်၏ အကြောင်းနှင့်အကျိုး ဆန်းကြယ်မှုအတွက် နောက်ကြောင်းပြန်ကြည့်မိတိုင်း ဘုန်းကြီး အံ့သြဝမ်းမြောက်မိပါ၏။ ဘခင်ကြီးသည် စည်းကမ်းတင်းကျပ်သူတဦးမဟုတ်ခဲ့လျှင် အိမ်မှထွက်ပြေးကာ ဘုန်းကြီးကျောင်းမှာ ကိုရင်၊ ရဟန်းမဖြစ်ခဲ့ပေရာ..။ ဆရာတော်များက ဘုန်းကြီးကို ပြင်းထန်စွာဒဏ်မပေးခဲ့လျှင် သာသနာပြုကျောင်းသို့  မထွက်ခွါဖြစ်ခဲ့ပေရာ..။ မှတ်ဉာဏ်ပျောက်ဆုံးပြီး ကုသဖို့ မလိုအပ်ခဲ့လျှင် တရားအားထုတ်ဖို့  လုံးဝစိတ်မဝင်စားခဲ့ပေရာ..။  

 အိန္ဒိယနိုင်ငံတွင် ဇာတ်နိမ့်များနှင့်အတူ အလုပ်လုပ်စဉ် ကျန်းမာရေး မချွတ်ယွင်းခဲ့လျှင် မလေးရှားနိုင်ငံသို့  မထွက်ခွါခဲ့ပေရာ..။ မလေးရှားမှာ ဗီဇာသက်တမ်းတိုးခွင့်ရခဲ့လျှင် အမေရိကန်နိုင်ငံသို့  စွန့် စွန့် စားစား မလာရောက်ခဲ့ပေရာ..။  ဝါရှင်တန် ဗုဒ္ဓဝိဟာရမှာ ခါးသီးစိတ်ပျက်စရာများမရှိခဲ့လျှင် ဘာဝနာရိပ်သာကို အစမပျိုးဖြစ်ပေရာ…။ သို့ သော် ထိုအရာအားလုံးဖြစ်ခဲ့လေသည်။ ထိုဖြစ်ခဲ့သမျှ အရာအားလုံးအတွက်လည်း ဘုန်းကြီးကျေနပ်ဝမ်းမြောက်ပါသည်။

ထိုသို့ ဝမ်းမြောက်မိသည့်တိုင်.. အချို့ဖြစ်ရပ်များကို ပြန်လည်ရေးပြဖို့ ၊ အတိတ်၏နာကျည်းခံပြင်းချက် နှင့် ဆန့် 
ကျင်ဘက်ဝိရောဓိဖြစ်စဉ်မှတ်သားထားသမျှကို အသစ်ပြန်-သဖို့  နစ်နစ်နောနော နာကျင်ခံစားရပါသည်။ စိတ်ခွန်အားများ ကြိမ်ဖန်များစွာပျောက်ကွယ်လုနီးနီးဖြစ်ခဲ့သည်။ ဤစာအုပ်ကိုရေးသားရန်စိတ်ကူးကိုပင် စွန့် လွှတ်လိုစိတ်ဖြစ်ခဲ့သည်။ ယင်းသို့ စိတ်ထွေပြားနေခိုက် "သေလူတွေသာ အမှန်အတိုင်းပြောကြတယ်"ဟူသောမက်တွိန်း၏စကားတခွန်းကို
 အမှတ်ရနေမိပြန်၏။

တခါတရံ "ရုပ်ပျက်ဆင်းပျက်အမှန်တရားများ"အကြောင်း ဘုန်းကြီးစဉ်းစားမိ၏။ အကယ်၍ ထိုအရာများကို မခြွင်းမချန်ရေးပြလိုက်လျှင် အားနည်းချက်နှင့် ချွတ်ယွင်းချက်များကို ကိုယ်တိုင်ဝန်ခံလိုက်သလိုဖြစ်မည်ကိုလည်း စိုးရိမ်ပါသည်။ သို့ သော် အမှန်တရားကို ဖုံးကွယ်ထားလိုက်ပြန်ကလည်း လိပ်ပြာမသန့် ဖြစ်ပြန်မည်။

ထို့ ပြင် လွန်ခဲ့သောဆယ်နှစ်ခန့် က ဘုန်းကြီးအပေါ် မခြေမငံလုပ်ခဲ့သူများကို ဖော်ထုတ်ပြလျှင်၊ ဖြစ်ပွားခဲ့သော
 အခြေအနေနှင့် စိတ်မချမ်းသာဖွယ်စကားများကို ရေးပြခဲ့လျှင် ထိုသူတို့ မှာကိုယ့်ကိုကိုယ်ကာကွယ်နိုင်စွမ်း
မရှိတော့သည်အအတွက် ဘုန်းကြီးမှာ ရဟန်းမပီသရာရောက်ပေတော့မည်။

ဆန့် ကျင်ဘက်ဝိရောဓိအကြောင်းအရာများအား ပွင့်ပွင့်လင်းလင်းပြောဆိုသည်ကို ရိုးရာဓလေ့ထုံးစံက မချီးမွမ်း
သည်ကလည်း  ဘုန်းကြီးအနေဖြင့် စိတ်မသက်မသာဖြစ်စရာ အကြောင်းတချက်ဖြစ်နေပြန်၏။ ကနဦးစာမူကြမ်း
ကို ဘုန်းကြီး၏ ဆင်ဟာလီလူမျိုးတူတော်မောင်များ ဝိုိင်းဖတ်ကြစဉ် သူတို့ အံ့အားသင့်သွားကြပြီး ဝိုင်းပြောကြ၏။
"လူတွေကို ဒီအတိုင်းပြောလို့ မရဘူးနော်၊ ပြီးပြီးသားအဟောင်းတွေကို ဘာလို့ အသစ်ပြန်လုပ်ချင်နေတာလဲ၊
ဒီဟာတွေက ပြဿနာတက်အောင်လုပ်နေတာသက်သက်ပဲ.. "

သီရိလင်္ကာနိုင်ငံသားတို့ သည် ရဟန်းတော်များ၏အမှား၊ အကျင့်ချွတ်ယွင်းမှုအကြောင်းပြောလျှင် နားမထောင်လို
ကြချေ။ သူတို့ ရှိခိုးရိုသေနေသူတဦးကို "သူတော်စင်"တဦးအဖြစ်သာ  ယူဆလိုကြသည်။အာရှတိုက်ရှိဗုဒ္ဓဘာသာ
ရဟန်းကျောင်းနှင့် လူဝတ်ကြောင်များအကြားက ဘာသာရေးဆိုင်ရာအကျိုးစီးပွားမှာ ရဟန်းမြတ်ကို လှုဒါန်းခြင်း၊
 ထောက်ပံ့ခြင်းဖြင့် ကောင်းမှုကုသိုလ်ရယူခြင်းပင်ဖြစ်ပေသည်။ရဟန်းအပေါ်အကော်ရော်မှန်အပူဇော်ခံထိုက်သည်
ထက် အခြားအရာကိုရှာဖွေခြင်းမှာ လူဝတ်ကြောင်၏တာဝန်ကို နှောင့်ယှက်ရာရောက်သည်။

သို့ သော် အနောက်တိုင်းယဉ်ကျေးမှုတွင် အမှန်တရားသည်  အမြင့်ဆုံးဆုဖြစ်သည်။ ထို့ ကြောင့် အမှောင်ပိုင်း
မပါဘဲ ဘုန်းကြီး၏ဘဝဇာတ်စုံကို ပြောရန်မဖြစ်နိုင်ပါ။ ပြောခဲ့လျှင်လည်း "ဖုံးကွယ်ထားသော မူ"တခုသာဖြစ်နိုင်
ပြီး မရိုးသားရာရောက်ပေသည်။ မိမိကိုယ်မိမိ အခက်အခဲမျိုးစုံကို ရုန်းကန်လှုပ်ရှားခဲ့ရခြင်းမရှိ၊ ချွတ်ယွင်းချက်မရှိ ကြောင်းသရုပ်ဖော်လိုက်လျှင် ဘုန်းကြီး၏ဘဝထုပ္ပတ်သည် ဘဝနှင့် လေးနှင့်မြားသဖွယ်
ဆက်စပ်လျက်ရှိသော ဓမ္မတန်ဖိုးကို ဖော်ပြနိုင်စွမ်းရှိမည်မဟုတ်တော့ပါချေ။

ဗုဒ္ဓဖော်ထုတ်ပြသော ပထမသစ္စာတရားမှာ ဘဝမှာပါဝင်သည့် ဆင်းရဲခြင်းပင်ဖြစ်သည်။ ဘုန်းကြီးတို့ သည် ဆင်းရဲဒုက္ခကို ရှောင်တိမ်းမရနိုင်။ ဘုန်းကြီးတို့ အတွက် ရွေးချယ်စရာမှာ ဆင်းရဲခြင်း၏အကြောင်းဇာစ်မြစ်
 လောဘ-ဒေါသ-မောဟကိလေသာများကို ကျော်လွှားဖြတ်ကျော်နိုင်ရန် အားထုတ်လုပ်ဆောင်ကြရုံသာ ဖြစ်ပါ၏။
ကိလေသာများကို ကျော်လွှားဖြတ်ကျော်ရေးသည် တသက်တာအထူးတာဝန်ဖြစ်ကြောင်း ဘုန်းကြီး၏ ရိုးစင်းလှ
သောဘဝဇာတ်စုံက ထင်ရှားပြပါလိမ့်မည်။ ဆင်းရဲဒုက္ခမြစ်ဖျားခံရာကိလေသာတို့ သည် မည်မျှအားကောင်းပါစေ၊ ဤဘဝမှာ ကျော်ဖြတ်နိုင်မည်ဟု မျှော်လင့်မိပါကြောင်း ဘုန်းကြီး၏စာအုပ်မှာ သရုပ်ဖော်ထားပါ၏။

အမရဒီပ
မတ်လ ၉၊ ၂ဝ၁၃

Bhante Henepola Gunaratana ၏ Journey to Mindfulness မှ Preface ကို ဘာသာပြန်သည်။