မြန်မာဆရာတော်တပါးရဲ့ ပါဠိအဋ္ဌကထာတစောင်အကြောင်း

ခရစ်နှစ် ၁၉၃၆ (မြန်မာနှစ် ၁၂၉၇) မှာ အရှင်အာဒိစ္စဝံသရဲ့မြန်မာဘာသာရေး "ဘိက္ခုနီသာသနောပဒေသ"

စာအုပ်ထွက်တယ်။ (မေမြို့ မိုးကြည်၊ မြန်မာစာပေတိုက်ပွဲ)

နောက် ၆ နှစ်အကြာ ခရစ်နှစ် ၁၉၄၂ (မြန်မာနှစ် ၁၃ဝ၃)သထုံ၊ မင်းကွန်းဇေတဝန်ဆရာတော် (ဦးနာရဒ)ရဲ့ 

ပါဠိဘာသာရေး မိလိန္ဒပဥှာအဋ္ဌကထာစာအုပ်ရေးသားပြီးစီးတယ်။(ဓမ္မာစရိယဦးဋ္ဌေးလှိုင်၊ရဟန္တာနှင့်ပုဂ္ဂိုလ်ထူးများ) 

ခရစ်နှစ် ၁၉၄၈ (မြန်မာနှစ် ၁၃၁၁) မှာ ဟံသာဝတီပိဋကတ်စာအုပ်တိုက်က ပုံနှိပ်ထုတ်ဝေတယ်။

ဒီစာအုပ် ၂ ခုလုံး "ပွဲဆူ"တဲ့ စာအုပ်ဖြစ်ခဲ့တယ်။ စာအုပ်ထဲတင်ပြထားတဲ့ အတွေးအေခါ်၊ အယူအဆတွေက 

တမူထူးခြားနေတာမို့  ဗုဒ္ဓဘာသာစာပေလောကအတွင်း "ဂယက်ထန်မှု"တွေ ပြင်းပြင်းထန်ထန်ရိုက်ခတ်ခဲ့တာမို့ 

စာရေးသူတွေကို ပိုမိုကျော်ကြားစေခဲ့ပါတယ်။

အရှင်အာဒိစ္စဝံသရဲ့ "ဘိက္ခုနီသာသနောပဒေသ"ကို  ၁၉၉၅ လောက်က မိတ်ဆွေရဟန်းတော်တပါးပြလို့  ဖတ်ဖူးလိုက်တယ်။အခုချိန်မှာ အသေးစိတ်အချက်အလက်တွေ မမှတ်မိတော့ပါ။ မိတ်ဆွေနဲ့ လည်း ပြန်မတွေ့ ဖြစ်

တော့ဘူး။ ကော်ပီမိတ္တူကူးမထားလိုက်မိတာ "နာချက်"ကြီးလှတယ်။ အဲဒီစာအုပ်ကို အခုထိ တသသဖြစ်ဆဲ…..။

"ဘိက္ခုနီအရေးတော်ပုံ"ကတော့ အရှင်အာဒိစ္စဝံသက သူ့ ကို "ပကာသနိယကံ"ပြုတဲ့ တဖက်ပုဂ္ဂိုလ်ကြီးတွေကို တုံ့ ပြန်ထားတဲ့စာအုပ်ဖြစ်တယ်။ စာအုပ်ဆိုက်အတော်ကြီးတယ်။ ဘိက္ခုနီသာသနောပဒေသက ဆိုက်သေးတယ်။  အရှင်အာဒိစ္စဝံသရဲ့ အဆိုပါစာ ၂ အုပ်လုံး"ရှားပါးစာရင်းဝင်စာအုပ်"ဖြစ်သွားပြီ။ စာအုပ်မုဆိုးကြီးတွေက ရှာဖွေပြီး အွန်လိုင်းစာကြည့်တိုက်တွေပေါ်တင်ပေးနိုင်ရင်တော့ မဖတ်ဖူးသူတွေ ဖတ်ခွင့်ကြုံမယ်လို့ မျှော်လင့်မိပါတယ်။

(အမှန်အတိုင်းပြောရင် ဘိက္ခုနီသာသနောပဒေသကျမ်းကို www.scribd.com မှာတွေ့ တယ်။

 ဒါပေမယ့် မြန်မာစာမပေါ်လို့  ဖတ်မရဖြစ်နေတယ်။)

အသောကကျောက်စာတော်စာအုပ်ကိုလည်း သူများဆီမှာ ဖတ်ဖူးတယ်။ ဦးရွှေအောင်စာအုပ်တွေမှာ

ကြိုကြားကိုးကားပြတာတော့ တွေ့ မိရဲ့….။

အခုပြောချင်တာက အရှင်အာဒိစ္စဝံသစာအုပ်အကြောင်းသက်သက်တော့မဟုတ်ဘူး။ သထုံ၊မင်းကွန်းဇေတဝန်

ဆရာတော်ရဲ့စာ ၁ အုပ်အကြောင်းကိုပါ ပြောချင်တာပါ။

သထုံ၊ မင်းကွန်းဇေတဝန်ဆရာတော်လို့ ပြောရင် အချို့က အဆက်အစပ်ဝေးလို့  မသိတသိဖြစ်နေတတ်ကြ

တယ်။ မဟာစည်ဆရာတော်ရဲ့ ဝိပဿနာဆရာလို့ ပြောလိုက်မှ ကွင်းဆက်မိပြီး နားလည်သွားတယ်။

ပရိယတ်၊ ပဋိပတ်စွယ်စုံထက်မြက်ကျွမ်းကျင်တဲ့ မင်းကွန်းဇေတဝန်ဆရာတော်ဟာ ရဟန်းငယ်ဘဝကတည်းက "အဋ္ဌကထာ"ရေးသားပြုစုဖို့ ရည်မှန်းချက်အားသန်ခဲ့ပါသတဲ့…….။ အကြောင်းက လယ်တီဆရာတော်ကြီးရဲ့ "ပရမတ္ထဒီပနီ"ဂယက်ထတော့ "ငါသာဆို အဋ္ဌကထာပဲရေးမယ်"လို့အကြံပေါက်ခဲ့ပါသတဲ့……။

(ရဟန္တာနှင့်ပုဂ္ဂိုလ်ထူးများ)

 

အရွယ်တော်ရတဲ့အခါ ပေဋကောပဒေသအဋ္ဌကထာနဲ့  မိလိန္ဒပဥှာအဋ္ဌကထာ ၂ စောင်ကို ရေးသားပါတယ်။

 ပေဋကောပဒေသအဋ္ဌကထာကို ရသေ့ကြီးဦးခန္တီက မန္တလေးတောင်ခြေ၊ စန္ဒမုနိဘုရားအတွင်း ပဉ္စမ

သင်္ဂါယနာတင်ကျောက်စာများနှင့်အတူ ကျောက်ထက်အက္ခရာတင်ခဲ့ပါတယ်။ ကျောက်စာရေ ၂၈ ချပ်ရှိတယ်။ အဋ္ဌကထာနိဿယကိုလည်း ကျမ်းပြုဆရာတော်ကိုယ်တိုင်ရေးသားခဲ့ရာမှာ ပထမအုပ်၊ဒုတိယအုပ်၊

တတိယအုပ်လို့ ၃ တွဲရှိတယ်။ (ရဟန္တာနှင့်ပုဂ္ဂိုလ်ထူးများ)

ရည်ညွှန်းပါအဋ္ဌကထာ ၂ စောင်အပြင် ကျမ်းစာပေါင်း ၂၂ ကျမ်းရေးသားပြုစုတော်မူခဲ့ပေမယ့် ဆရာတော်ကြီးက

"တို့ ရေးတာ ၂ ကျမ်းပဲ"လို့  ပြောဆိုလေ့ရှိတယ်။ ဓမ္မာစရိယဦးဌေးလှိုင်က မှတ်ချက်ပေးထားတယ်။ "ဒါပေမယ့် ပါဠိအရေးအသားတော့ သိပ်အဆင့်အတန်းမမြင့်လှဘူး"…တဲ့ ။ (ရဟန္တာနှင့်ပုဂ္ဂိုလ်ထူးများ)

အခြားမှတ်တမ်းတခုမှာ ဆရာတော်ရေးသားပြုစုတာ ၂၅ ကျမ်းလို့  ဆိုပါတယ်။

အရှင်အာဒိစ္စဝံသလက်ရာစာပေတွေကို မြန်မာနိုင်ငံ၊ သာသနာရေးဆိုင်ရာတွေက ပိတ်ပင်တားမြစ်ထားပုံရတယ်။ အရှင်အာဒိစ္စဝံသစာတွေကို နောင်လူတွေ ဖတ်ခွင့်၊ ထုတ်ဝေခွင့် ပြုတာမတွေ့ ရဘူး။ အလားတူ မင်းကွန်းဇေတ

ဝန်ဆရာတော်ရဲ့ အဋ္ဌကထာတွေကိုလည်း သက်ဆိုင်ရာတွေကပိတ်ပင်ထားလို့ ဆက်လက်ထုတ်ဝေခွင့်

မရကြတော့ဘူး။ ထုတ်ဝေခွင့်လည်းမရ၊ နောင်လူတွေလည်း သိခွင့်မရတော့ရင် ဒီကျမ်းတွေဟာ ကွယ်ပျောက်သွားဖို့ လမ်းသာရှိတော့တယ်။ ဒီလိုတွေးမိပေမယ့် ကံကောင်းချင်တော့ မိလိန္ဒပဥှာအဋ္ဌကထာကို

မြန်မာအက္ခရာကနေ ရိုမန်အက္ခရာသို့  ဖလှယ်ထားတဲ့စာအုပ်ကို လက်ခံရရှိခဲ့တယ်။

ရိုမန်အက္ခရာသို့ ပြောင်းလဲသူက သက္ကဋနဲ့ ပါဠိပညာရှင် မဒါ(ဗ်) အမ် ဒေ့(ရှ်)ပန်ဒေး ( Madhav M. Deshpande)

ဖြစ်ပါတယ်။ ၁၉၆၈ မှာ ပါမောက္ခ ပီ.ဗီ ဘားပတ် (P.V. Bapat) က မြန်မာမူပါဠိစာအုပ်ကို ပန်ဒေးကို ပေးခဲ့တယ်။

ပန်ဒေးရဲ့ နိဒါန်းမှာ မင်းကွန်းဇေတဝန်ဆရာအကြောင်း၊ မိလိန္ဒပဥှာအဋ္ဌကထာကြောင့် ပွဲဆူတဲ့အကြောင်း ဖော်ပြတယ်။ ပိုစိတ်ဝင်စားစရာကောင်းတာက ၁၉၄၉၊ နိုဝင်ဘာ ၆ နဲ့  ၁၃ ရက်အကြားထုတ်ဝေတဲ့ ဟံသာဝတီသတင်းစာပါ

 သတင်းတခုကို မူရင်းမြန်မာဘာသာအတိုင်း ဖော်ပြတယ်။ မြန်မာကျောင်းသားတယောက်အကူအညီနဲ့  အင်္ဂလိပ်ဘာသာပြန်မူကိုလည်း ဖော်ပြထားတယ်။ 

အခု ဟံသာဝတီသတင်းစာမြန်မာဘာသာမူကို တင်ပြပေးပါမယ်။

မိလိန္ဒပဥှာအဋ္ဌကထာအတွက် ဂယက်သံ

အထူးဂရုပြု၍ သုံးသပ်တော်မူကြပါဆိုခြင်း

တန်ဆောင်မုန်းလဆန်း ၁၁ ရက်နေ့ ကမာရွတ်ရွာမကျောင်းဆရာတော် ဦးအာဒိစ္စကျောင်းတိုက်၊ ကထိန်ပွဲသို့ ကြွရောက်တော်မူကြကုန်သော ပဋ္ဌမကျော် အဂ္ဂမဟာပဏ္ဍိတဘွဲ့ ရတော်မူသော ကျိုက္ကလားဆရာတော်၊ ဝိနည်းငါးကျမ်းပြန်ကမာရွတ်ရွာမဆရာတော်အစရှိသော ၅၅ ပါးသော သံဃာတော်တို့ သည်၊သံဃထေရ်ဖြစ်တော်မူသောတောင်လုံးပြန်ပိဋကတ်တိုက်ကျောင်းဆရာတော်

ဘုရားကြီးအား သဘာပတိတင်မြှာက်၍၊ ဟေမာဂနိုင်ဆရာတ်ေအား အကျိုးဆောင်တင်မြှောက်ပြီးလျှင်

 အောက်ပါအဆိုများကို စည်းဝေးဆုံးဖြတ်တော်မူကြကြောင်း။

  

ကြောင့်ကျကင်းလျက်မနေအပ်

သထုံမင်းကွန်းဆရာတော်ဘုရားကြီးရေးသား၍ အင်းစိန်မြို့  မင်းကွန်းဇေတဝန်ဆရာတော်

 ပြင်ဆင်ထုတ်ဝေသော မိလိန္ဒပဥှာအဋ္ဌကထာကို ဖတ်နာဆွေးနွေးတော်မူကြရာ ၄င်းစာအုပ်တွင် ကထိန်နုတ်ခြင်းနှင့်စပ်၍ ၊ အစဉ်မပျက်လေ့ကျင့်စဉ်များအတိုင်းဆိုလျှင် ပါပဘိက္ခူချည်း ဖြစ်နေကြ၏။ သံဃာအားရည်ညွှန်း၍လှုသမျှ အကာလသင်္ကန်းချည်းဖြစ်သည်သာမက ခင်းပြီးအာနိသင်ရသည်ဟု 

အယူရှိသော ရဟန်းတော်ဟူသမျှတို့ မှာ ပါရာဇိကအစရှိသော အာပတ်အများသင့်ကြောင်း။

မာတုကာမကို ယခုလက်ရှိဘိက္ခုသံဃာတော်များက ဉတ္တိစတုတ္ထကမ္မဝါစာဖြင့် ပဉ္စင်းခံပေးအပ်ကြောင်း၊ 

အစရှိသော သာသနာတော်ကို ချောက်ချားစေသော ဝါဒတို့ ကို သိတော်မူကြသဖြင့် ၊ သာသနာတော်

ထမ်း ရဟန်းဟူသမျှ ကြောင့်ကျကင်းလျက် မနေအပ်သင့်ကြောင်း၊ အားလုံးသဘောတူဆုံးဖြတ်

တော်မူကြပြီးလျှင်  သာသနာတော်ဆိုင်ရာ ရဟန်းရှင်လူတို့ အား ၊ အဆိုပါအဋ္ဌကထာစာမျက်နှာ ၁၉၅။ 

၂ဝဝ။ ၂၂၈။ ၂၈၁။ ၂ဝ၃။၂၇၆။၇၇။ တို့ ကို အထူးဂရုပြု၍ သုံးသပ်ကြည့်ရှုတော်မူကြမည့်အကြောင်း သတင်းစာမှ တောင်းပန်နှိုးဆော်ရန် အကျိုးဆောင်အား တာဝန်လွှဲတော်မူကြကြောင်း။

တောင်းပန်နှိုးဆော်ချက်

အထက် အဆိုပါအချက်တို့ ကို သုံးသပ်လေ့လာတော်မူကြပြီးသော သံဃာတော်အရှင်မြတ်တို့ သည် မိမိတို့ သဘောဆန္ဒတို့ ကို ကမာရွတ်ရွာမကျောင်းသို့  စာရေးပေးတော်မူကြပါရန်တောင်းပန်ပါကြောင်း၊ သံဃာတော်များ ဆန္ဒအရ အထက်ပါသာသနာတော်ကို ချောက်ချားစေမည့် ဝါဒထူးတို့ ကို သုတ်သင်ရန် သင့် မသင့်  ဆွေးနွေးဆုံးဖြတ်တော်မူကြရန် ဖြစ်ပါကြောင်း။

အင်းစိန်မြို့

ဟေမာဂနိုင်ကျောင်း

"ဆရာတော်"

သည်လို သတင်းစာပါအသံတွေကို မင်းကွန်းဇေတဝန်ဆရာတော်ဘုရားကြီးအနေနဲ့  သက်ဆိုင်ရာတပည့်တပန်း

တွေလျှောက်ထားအသိပေးလို့ ၊ မေးမြန်းလို့  သိတော်မူတဲ့အခါ ………………

"တို့ က အလွတ်ရေးတာမဟုတ်ဘူး။ "အနုဇာနာမိ ဘိက္ခဝေ ဘိက္ခူဟိ ဘိက္ခုနိယော ဥပသမ္ပာဒေတုံ"

စူဠဝါပါဠိတော်နှင့်အဋ္ဌကထာကို အားကိုးပြီး ရေးတာ။ အဲဒီအဖွင့်မှာလာတဲ့ အနုပညတ်သည် ဘုရားရှင်ပညတ်တော်မူသော အခါမှစ၍ သာသနာငါးထောင်အတွင်းမပျက်စီးနိုင်သဖြင့် ဧကတော

သံဃာခေါ်တဲ့ ရဟန်းယောက်ျားများက ဘိက္ခုနီမ ဖြစ်အောင် ပဉ္စင်းခံပေးနိုင်တယ်လို့  တို့ ကရေးတာ။  အရေးကြီးတာက ဘုရားရှင်ခွင့်ပြုတော်မူသော အနုပညတ် ပျက်-မပျက်ဘဲ။အနုပညတ်ပျက်လျှင် ဘိက္ခုနီမ လုပ်မပေးနိုင်ဘူး။ အနုပညတ်မပျက်လို့  လုပ်ပေးနိုင်တယ်မှတ်ရမယ်" ……………..

လို့  ပါဠိတော် အဋ္ဌကထာတွေကို ရွတ်ပြပြီးရှင်းပြဖြေဆိုခဲ့ပါတယ်။  (ရဟန္တာနှင့်ပုဂ္ဂိုလ်ထူး)

ကထိန်ကိစ္စမှာလည်း "ဣမံ ကထိနစီဝရံ သံဃဿ ဒေမ" ဆိုတဲ့အစဉ်အလာ ဆိုပုံမှာ "သံဃဿ"ဆိုတဲ့ ရည်ညွှန်းချက်ထည့်ပြီး လှုရင် ကထိန်မမည်တဲ့အကြောင်း မင်းကွန်းဇေတဝန်ဆရာတော်ကြီးက ရေးသားပါတယ်။

 မိလိန္ဒအဋ္ဌကထာပါဠိ ကထိန်ခန်းကို ဆရာတော်ကြီးကိုယ်တိုင်နိဿယရေးပြီး "ကထိန်ခန်းနိဿယ"

စာအုပ်ကို ပုံနှိပ်ဖြန့် ဝေခဲ့ပါသေးတယ်။ (ရဟန္တာနှင့်ပုဂ္ဂိုလ်ထူး)

ဒါတွေဟာ မိလိန္ဒပဥှာအဋ္ဌကထာဆရာဘက်က ပြန်လည်တုံ့ ပြန်ရှင်းလင်းချက်လို့  ယူဆနိုင်ပါတယ်။ ဒီအဋ္ဌကထာမထုတ်ခင်ကတည်းက တပည့်တပါးဖြစ်တဲ့ မဟာစည်ဆရာတော်က အကျိုးထက်အပြစ်သာများမယ်၊ သာသနာအတွက်လည်း အလွန်ကျေးဇူးများမယ်လို့  ယုံကြည်တော်မမူတာကြောင့်လားမဆိုနိုင်၊ ပုံနှိပ်ထုတ်ဝေဖို့  သဘောမတူခဲ့ဘူးလို့ သိရပါတယ်။

အခြားတဘက်မှာလည်း ဆရာတော်ကြီးကို ကြည်ညိုလေးစားတဲ့တပည့်တွေက စာအုပ်ကို ထုတ်ဝေလိုကြတယ်။

ဓမ္မာစရိယဦးဌေးလှိုင်ပြောတာက "သဒ္ဓါလွန်ပြီးစာအုပ်ရိုက်ကြလို့  မလိုလားအပ်တဲ့ ပြဿနာတွေ ပေါ်တယ်"ဆိုပါတယ်။

အဋ္ဌကထာမရှိသေးတဲ့ မိလိန္ဒပဥှာပါဠိတော်အတွက် အဋ္ဌကထာရေးပြုဖို့  မိုးညှင်းဆရာတော်ကြီးက ကျမ်းပြုဆရာတော်ကို တောင်းပန်လျှောက်ထားတယ်လို့ သိရပါတယ်။ အဲဒီမိလိန္ဒအဋ္ဌကထာကို ၃ နှစ်ကြာအောင် ပြုစုခဲ့ရတယ်။

အခုအချိန်မှာ မြန်မာနိုင်ငံ၊ ပါဠိစာပေလောကမှာတိမ်မြုပ်နေတဲ့ အဋ္ဌကထာစာမူတစောင်ဟာ မြန်မာပြည်ပြင်ပမှာ "ပြည်ပရောက်မြန်မာတယောက်ဘဝ"နဲ့  အသက်ရှည်ရပ်တည်နေသေးတယ်ဆိုတာ စာပေလေ့လာသူများကို အသိပေးပြောကြားလိုပါတယ်။

အမရဒီပ

ဇူလိုင် ၉၊ ၂ဝ၁၂