တုံ ၃ တုံနဲ့ ငါ့လှေငါထိုးမောင်ဒယ်အိုးခရီးသွားခြင်း

၁။

အင်တာဗျူးစကားပြောခန်းတခုမှာ တွေ့ မိတဲ့စကားကို ကောက်နုတ်ဖော်ပြပါရစေ….။

"သံဃာတော်တစ်ပါးအနေဲ့ ဝါတွင်းကာလမှာ ခရီးရက်ရှည်သွားတာနဲ့ ပတ်သက်ပြီး လျှောက်ထားကြည့်တော့

လည်း တုံ(၃) တုံနဲ့ ညီရင် ဘုန်းကြီးတပါးခရီးသွားနိုင်ကြောင်း ၊ တုံ (၃) တုံဟူသည် ဖူးမျှော်ပူဇော်ရန် ၊ တရားတော်များကိုနာယူရန် ၊ လှုဖွယ်ဝတ္ထုအစုစုကို လှုဒါန်းရန်ဆိုတဲ့ အချက်သုံးချက်ပင်ဖြစ်ကြောင်း

ဒယ်အိုးဆရာတော်ဥူးသုမင်္ဂလမှ မိန့် ဆိုခဲ့ပါသည်"

အပြည့်အစုံကြည့်လိုသူများ http://luthuorthan.blogspot.com/2012/08/blog-post_6600.html မှာ ကြည့်

နိုင်ပါတယ်။ ပြောသူကတော့ အထက်ကောက်နုတ်ချက်မှာပါတဲ့အတိုင်း ဘယ်သူဖြစ်တယ်ဆိုတာ ထပ်ပြောစရာ လိုမယ်မထင်ပါ။

တုံ ၃ တုံဆိုတာက ပုရိမဝါဖြစ်စေ၊  ပစ္ဆိမဝါဖြစ်စေကပ်ပြီးသော ရဟန်းတော်တပါးဟာ အထူးအခြေအနေများ

 ပေါ်ပေါက်လာရင် ဝါပန်ပြီး ၇ -ရက် ခရီးသွားခွင့်ရပါတယ်။ အထူးအခြေအနေဆိုတာကတော့ (က) ဒါတုံ= အလှုအတန်းကိစ္စ (ခ)သောတုံ= တရားနာယူလိုခြင်းကိစ္စ (ဂ) ပဿိတုံ= မျက်နှာတော်ကို ဖူးမြင်လိုခြင်းကိစ္စ

တို့ ဖြစ်ပါတယ်။ ဒီကိစ္စ ၃ ထဲက တမျိုး မျိုးပေါ်လာရင် ပုရိမဝါဖြစ်စေ၊ ပစ္ဆိမဝါဖြစ်စေ ဝါဆိုထားတဲ့ ရဟန်းတော်ဟာ (၇-ရက်အတွင်း ဝါဆိုတဲ့နေရာကို ပြန်လာမယ်) ဆိုတဲ့ စကားမျိုးကို နုတ်ဖြင့်ရွတ်ဆိုပြီးဖြစ်စေ၊စိတ်ဖြင့်နှလုံး

သွင်းပြီးဖြစ်စေ ဝါပန်ရပါတယ်။ ဝါပန်ပြီး ၇- ရက်ခရီးထွက်ခွင့်ပြုရပါတယ်။ ၇-ရက်ဆိုလို့ ကျောင်းပြင်ပမှာ 

၇-ရက်နေရမယ်ဆိုလိုတာမဟုတ်ပါ။ အပြင်မှာ ၆ ရက်သာ အတိအကျနေခွင့်ရတယ်။ ၇ -ရက်မြောက်အရုဏ်

ကိုတော့ နေရင်းကျောင်းမှာသာ တက်စေရတယ်။

 ဒီနေရာမှာ ဝါပန်တယ်၊ ဝါပန်တယ်ဆိုတာကို ထပ်တလဲလဲပြောနေရတာ အကြောင်းရှိပါတယ်။

အကြောင်းကတော့ တုံ (၃) တုံနဲ့ ညီရင် ဝါတွင်း ၃ လလုံး ဘုန်းကြီးတပါးခရီးသွားနိုင်တယ်လို့  မောင်ဒယ်အိုး

 အမှားတွေပြောနေလို့ ပါပဲ။ အမှန်ကတော့ တုံ (၃) တုံနဲ့ ညီရင် ဝါဆိုတဲ့နေရာက ပြင်ပကို အတိအကျ ၆ ရက်သွား၊ ၇-ရက်မြောက်အရုဏ်တက်အမှီ နေရင်းကျောင်းကို ပြန်ရောက်ရမယ်လို့ ဝိနည်းကျမ်းတွေမှာ ဆိုထားတာပါပဲ။

၂။

တုံ (၃) တုံနဲ့ ညီရင် ဝါတွင်း ၃ လလုံး ဝါပန်တာမလုပ်ဘဲ ဘုန်းကြီးတပါးခရီးသွားနိုင်တယ်ဆိုတဲ့ မောင်ဒယ်အိုးရဲ့ ဝိနည်းအသိမှားကို သိပြီးနောက် သူ့ ခရီးစဉ်တွေကို အင်တာဗျူးဆောင်းပါထဲပါတဲ့အတိုင်း သတိပြုမိပါတယ်။

၉-၈-၂ဝ၁၂ ရန်ကုန်မှ စင်္ကာပူနိုင်ငံ (နံပတ်စဉ်ကို ရက်-လ-နှစ်ဟု ဖတ်ရန်။)

မြန်မာရက်စွဲနဲ့ ပြောရင် ၁၃၇၄-ခုနှစ်၊ ဒုတိယဝါဆိုလဆုတ် ၇-ရက် ၊ ကြာသပတေးနေ့ မှာ မောင်ဒယ်အိုး

ခရီးစတယ်။ ဝါဆိုဝါကပ်လုပ်မယ်ဆိုရင် ဒုတိယဝါဆိုလဆုတ် ၁ ရက်နေ့ မှာ ပုရိမဝါကပ်ရပါမယ်။

ပုရိမဝါကပ်သလား၊မကပ်ဘူးလားဆိုတာ ကာယကံရှင် မောင်ဒယ်အိုးသာ သိပေလိမ့်မယ်။

၁ဝ-၈-၂ဝ၁၂ မှာ စင်္ကာပူမှ ဂျပန်သွားတယ်။ (နံပတ်တွေက ရက်-လ-နှစ်အစဉ်အတိုင်းညွှန်းပါတယ်။)

၂ဝ-၈-၂ဝ၁၂ အထိ ဂျပန်မှာ နေတယ်။ အကယ်၍ ပုရိမဝါဆိုခဲ့ရင် ၊ ဝါပန်ခဲ့ရင် ဂျပန်မှာ ၅ ရက်နေပြီးရင်

 မြန်မာပြည်က သူ့ ဘုန်းကြီးကျောင်းပြန်သွားမှာပါပဲ။ ဂျပန်မှာ ၁ဝ ရက်နေတယ်ဆိုမှတော့ ပုရိမဝါ

မဆိုခဲ့တာလည်း ဖြစ်နိုင်ပါတယ်။ ပုရိမဝါဆိုခဲ့တယ်ဆိုရင်လည်း ဒီရက်ပိုင်းအတွင်း ဝါကျိုးသွားပါပြီ။ ဒီတော့ မောင်ဒယ်အိုးအတွက် ပစ္ဆိမဝါဆိုဖို့  အခွင့်အရေးတခုကျန်သေးတာကြောင့် ရန်ကုန်မှာ ပုရိမဝါမဆိုခဲ့ဘူးလို့  ပဲ ဆိုကြပါစို့ ။

ရဟန်းတပါးအနေနဲ့ ပုရိမဝါမဆိုရင် ပစ္ဆိမဝါဆိုရပါမယ်။ ဝါခေါင်လဆုတ် ၁ ရက်နေ့ ဟာ ပစ္ဆိမဝါဆိုရမယ့် 

နေ့ ဖြစ်ပါတယ်။ 

၃။

သြဂုတ်လ ၂ဝ ၊ ၂ဝ၁၂ (မြန်မာရက် ၁၃၇၄၊ ဝါခေါင်လဆန်း ၃ ရက်၊ တနင်္လာ) မှာ ဂျပန်နိုင်ငံကနေ အမေရိကန် နိုင်ငံဆီ ခရီးဆက်တယ်။ သြဂုတ်လကုန်သွားပြီ။ စက်တင်ဘာ ၂ ၊ ၂ဝ၁၂ (မြန်မာရက် ၁၃၇၄၊ ဝါခေါင်လဆုတ် ၁ ၊ တနင်္ဂနွေ) ဟာ မောင်ဒယ်အိုး ပစ္ဆိမဝါဆိုရမယ့် နေ့ ပါပဲ။ ပစ္ဆိမဝါဆိုသလား၊ မဆိုဘူးလားဆိုတာတော့ ကာယကံရှင် မောင်ဒယ်အိုးသာ သိပါလိမ့်မယ်။ ပစ္ဆိမဝါဆိုခဲ့ရင် … ပစ္ဆိမဝါဆိုတဲ့ ရဟန်းတွေဟာ တန်ဆောင်မုန်းလပြည့် နေ့ မှာ ဝါကျွတ်ပါတယ်။ အမေရိကန်ပြည်ထောင်စုက နေရာတခုမှာ ပစ္ဆိမဝါကပ်တဲ့ မောင်ဒယ်အိုးဟာ အမေရိကန်နိုင်ငံအတွင်းမှာပဲ  တရားပွဲရှိတယ်ဆိုရင် သူ ဝါဆိုတဲ့နေရာကနေ

 ၆- ရက်ခရီးထွက်၊ ၇-ရက်မြောက်နေ့ ပြန်လာလုပ်ရပါမယ်။ ဝါဆိုကျောင်းနဲ့ အပြင် သွားချည်၊ ပြန်လှည့် လုပ်ရပါတော့မယ်။ သည်လိုနဲ့ စက်တင်ဘာလ ကုန်သွားတယ်ဆိုပါတော့……။

၁ဝ-၁ဝ-၂ဝ၁၂ (အောက်တိုဘာ ၁ဝ၊ ၂ဝ၁၂) (မြန်မာရက် ၁၃၇၄၊ တော်သလင်းလဆုတ် ၁ဝ၊ ဗုဒ္ဓဟူး) ရက်စွဲတပ်ထားတဲ့ Facebook ဓာတ်ပုံအရ မောင်ဒယ်အိုးဟာ တောင်ကိုးရီးယားနိုင်ငံကို ရောက်နေကြောင်း သိရပြန်ပါတယ်။ တောင်ကိုးရီးယားနိုင်ငံကနေတဆင့်  ကမ္ဘောဒီးယားနိုင်ငံဆီ ခရီးဆက်ဦးမယ်လို့ သိရပါတယ်။

ဤပုံ၊ ဤခြေလှမ်းတွေကို ကြည့်သောအားဖြင့် မောင်ဒယ်အိုးဟာ ပုရိမဝါ၊ ပစ္ဆိမဝါ နှစ်ခုလုံး ဝါဆိုဝါကပ်ခြင်းမပြုဘဲ ခရီးလှည့်လည်သွားလာနေတယ်ဆိုတာ ပေါ်လွင်သွားပါတယ်။

http://www.thumingala-deou.com/index.php/home/biography  မှာဖော်ပြပါရှိတဲ့အချက်အလက်များအရ

၁၉၆၇ မှာမွေး၊ မန္တလေးတက္ကသိုလ်မှဓာတုဗေဒဘွဲ့ ရ၊ မြန်မာသက္ကရာဇ် ၁၃၅၆၊ ကဆုန်လပြည့်နေ့ မှာရဟန်းဝတ်၊ ရဟန်းသက်တမ်း ၁၉ နှစ်ရှိနေပြီးဖြစ်တဲ့မောင်ဒယ်အိုးဟာ ဝါဆိုဝါကပ်၊ဝါပန်ဆိုင်ရာ ရဟန်းဝိနည်းစည်းကမ်းတွေ

ကို မသိပါဘူး၊မသိလို့ ဒီလိုလုပ်မိပါတယ်ပြောရင်တောင် သံသယရှိစရာကောင်းပါတယ်။ ဒီလိုလက်တွေ့ ဆန်တဲ့

ဝါဆိုဝါကပ်၊ ဝါပန်ကိစ္စတွေကို မသိဘဲ အရှင်ဘုရားဘာလို့ ကျောင်းထိုင်ကျောင်းပိုင်လုပ်နေတာလဲ

 မေးစရာရှိတော့မှာပေါ့။ လူတကာကို တရားဟော၊ တရားပြပြီးဆရာတဆူလုပ်နေသူက ဒါတွေဒါတွေ

မသိဘဲဆရာလုပ်နေတာဆိုတော့ (တတ်ယောင်ကားဆရာ) ဖြစ်နေတာပေါ့။

ဒီနေရာမှာ မောင်ဒယ်အိုးသိရမှာက ဝါဆိုဝါကပ်စည်းကမ်းလိုက်နာတဲ့ရဟန်းတော်များကိုသာ တုံ (၃) တုံဆိုတဲ့ အခွင့်အရေးကို မြတ်စွာဘုရားပေးထားခဲ့တာပါ။ တုံ (၃) တုံဆိုတာလဲ ဝါတွင်း ၃ လလုံးပေးတာမဟုတ်..၊ ၆ ရက် ခရီးသွား၊ ၇-ရက်မြောက်နေ့ ပြန်လာဆိုတဲ့ စည်းကမ်းသတ်မှတ်ချက်နဲ့ ပေးတာပါ။

ဝါဆိုဝါကပ်မလုပ်တဲ့ မောင်ဒယ်အိုးလို ရဟန်းမျိုးကို ဒီအခွင့်အရေးပေးခဲ့တာမဟုတ်ဘူးဆိုတာပါပဲ။

ကိုယ့်သဘောနဲ့ ကိုယ့်ဆုံးဖြတ်ချက်အတိုင်း သွားချင်လို့ သွားတဲ့ ခရီးကို ဒီလိုသွားတာ ဝိနည်းတော်နဲ့ 

ညီညွတ်ပါတယ်လို့  မဟုတ်ကို အဟုတ်၊အမှားကို အမှန်ဖြစ်အောင်ကြံဖန်လီဆယ်ပြောရဲတဲ့ မောင်ဒယ်အိုး

ကိုလည်း အတော်အံ့သြမိပါတယ်။  "   ငါ့မြင်းငါစိုင်း စစ်ကိုင်းရောက်ရောက်၊ ငါ့လှေငါထိုး ဗဂိုးရောက်ရောက် "   ဆိုတာတွေလို  "   ငါ့လှေငါထိုး မောင်ဒယ်အိုး "   ပါတကား……။

အမရဒီပ

အောက်တိုဘာ ၁၃၊ ၂ဝ၁၂