အေဒီ ၆ ရာစုနှင့် ယင်းမတိုင်မီ ရခိုင်ပြည်သုံးအက္ခရာ၊ ဦးစံသာအောင်

Arakanese Alphabets Used in AD4 and Before It. u San Thar Aung တခြားသူတွေကိုးကားတာတွေ့ ဖူးလို့  ဖတ်ချင်ခဲ့ပေမယ့်ရန်ကုန်စာအုပ်အဟောင်းဆိုင်တွေမှာ ရှာမရခဲ့တဲ့ အဖိုးတန်စာအုပ်ပါ။ ကိုယ့်လိုသူတွေ အဆင်ပြေပြေဖတ်ခွင့်ရစေဖို့ ရည်ရွယ်ချက်နဲ့ ပါ.....။

မြောင်းမြဆရာတော်အရှင်ဉာနိက၏ ဘဝနှင့် သာသနာရေးအတွေ့ အကြုံ

Myaung Mya Sayadaw by Bbc u Nay Win မူရင်းစာအုပ်---ဘီဘီစီ ဦးနေဝင်း (လန်ဒန်)၏ ဆရာတော်ကြီးများနှင့်တွေ့ ဆုံမေးမြန်းမှုများ

The Court Of Ava in 1855, အင်းဝရွှေနန်းရောက် ဗြိတိသျှသံအဖွဲ့ မှတ်တမ်း ၁၈၅၅

The-Court-of-Ava-in-1855 မြန်မာပြန်-တက္ကသိုလ်နေဝင်း၊ အင်းဝရွှေနန်းရောက်ဗြိတိသျှသံအဖွဲ့ မှတ်တမ်း (၁၈၅၅)

ဒေါ်အောင်ဆန်းစုကြည်ဗြိတိသျှပါလီမန်မိန့် ခွန်း

စိတ်ဝင်စားရင် ဖြစ်ပါတယ်

နိုင်ငံခြားရောက်သူများမိခင်ဘာသာစကား မပြောတတ်တာ ဂုဏ်ယူစရာမဟုတ်ပါ

ပြင်သစ်ပြန်မြန်မာသံအဖွဲ့ ရွှေစည်းခုံစေတီကို ဖူးမျှော်ကြည်ညို

     ပြင်သစ်နိုင်ငံသွား မြန်မာသံကိုယ်စားလှယ်ခေါင်းဆောင် ကင်းဝန်မင်းကြီး ဦးကောင်း

 

ကင်းဝန်မင်းကြီးဦးကောင်းဦးဆောင်တဲ့ မြန်မာသံတမန်အဖွဲ့ ဟာ ပြင်သစ်အပါအဝင်မဟာမိတ်နိုင်ငံတွေဆီ သွားရောက်ပြီးနောက် နေရပ်ရတနာပုံနေပြည်တော်သို့  ပြန်လာခဲ့ကြပါပြီ….။မြန်မာသံအဖွဲ့ ဟာ အသွား

ခရီးစဉ်တုန်းက ရွှေစည်းခုံစေတီတော်ကို ဖူးမြော်ကြည်ညိုခဲ့ကြသလို အပြန်ခရီးမှာလည်း စေတီတော်ကို

ပန်း၊ဆီမီး၊ရွှေပြားလှုဒါန်းပူဇော်သွားကြောင်း မှတ်တမ်းမှာတွေ့ ရတယ်။  ဒါ့အပြင် ဘာသာရေး၊

ဒေသယုံကြည်မှု တွေကို ဖော်ပြထားတာ မတွေ့ ရတော့ပါဘူး။  ဒါကြောင်းမှတ်တမ်းစာကိုယ်အတိုင်းပဲ အသွားခရီးစဉ်၊ အပြန်ခရီးစဉ် အချိတ်အဆက်မိအောင် ဖော်ပြပေးလိုက်ပါတယ်။

သက္ကရာဇ် ၁၂၃၆၊ တော်သလင်းလပြည့်ကျော် ၁ဝ ရက်၊

ခရစ်နှစ် ၁၈၇၄၊ အောက်တိုဘာလ ၅၊ တနင်္လာနေ့ 

"၄င်းလပြည့်ကျော် ၁ဝ၊ တနင်္လာနေ့  ညောင်လှဆိပ်ကမ်းကထွက်ခဲ့ရာ စလေမြို့ သို့ ရောက်လျှင် စလေမြို့ အုပ်၊

 မြို့ သူကြီးတို့ လှေနှင့်ဆီးကြို၍ သင်္ဘောတော်ကိုစက်ရပ်ပြီးလျှင် နုတ်ခွန်းဆက်လက်၊ မြို့ အုပ်မြို့ သူကြီးတို့ ပြန်

သွား၊ မရပ်မဆိုင်းထွက်လာကြသည်။ ၄င်းနေ့ ည ၇ နာရီအချိန် ပုဂံမြို့ ဆိပ်ကမ်းသို့ ရောက်သည်။

နက်ဖြန် ရွှေစည်းခုံဘုရားကိုပူဇော်ရန် သံတော်အရာရှိ၊ အပေါင်းပါလူ၊ သင်္ဘောတော်အရာရှိ အပေါင်းပါလူ၊ သင်္ဘောစီးမိန်းမယောက်ျားတို့ စည်းဝေး၍ ရွှေဆိုင်းရေ ၃ဝ၊ ဖယောင်းမီးတိုင် ၂ဝဝဝ၊ ကျောက်မီးတိုင် ၃ဝ၊ ရေချမ်းအိုး ၂ဝဝ၊ စွန့် ကြဲရန် ပိုက်ဆံ ၆၄ဝ များကို သဒ္ဓါတရားရှိသည်အလျောက် စိုက်ထုတ်ကြသည်။ ၄င်းပရိသတ်တို့  နံနက်စောစော

ဘုရားသို့ သွားရန် လှည်းများကိုလည်း အပြည့်အစုံ ပုဂံမြို့ ဝန်၊ စစ်ကဲ၊ မြို့ စာရေးတို့ က ဆင့်ဆိုပြင်ဆင်

အသင့်ထားကြသည်။ ၄င်းနေ့ ခရီး၂၅ တိုင်ရောက်သည်"

သက္ကရာဇ် ၁၂၃၆၊ တော်သလင်းလပြည့်ကျော် ၁၁ ရက်၊

ခရစ်နှစ် ၁၈၇၄၊ အောက်တိုဘာလ ၆၊ အင်္ဂါနေ့ 

"၄င်းလပြည့်ကျော် ၁၁ ရက်၊ အင်္ဂါနေ့  နံနက် ၆ နာရီအချိန် အထက်စာပါ ပရိသတ်နှင့် သင်္ဘောတော်ကဆင်း၍

 ရွှေစည်းခုံဘုရားသို့ သွားကြသည်။ မိန်းမယောက်ျား လူပေါင်း ၂ဝဝ တို့  အသီးအသီး လှည်းစီးနင်း၍ မပင်မပန်း

 မြတ်စွာဘုရားခြေတော်ရင်းသို့  ရောက်သည်။  ဘုရားသို့ ထွက်ခါနီးတွင် မိုးလည်းသည်းစွာရွာသည်။ ပြီးလျှင် မိုးစဲငြိမ်၍ ဘုရားသို့ ချမ်းချမ်းသာသာရောက်ရသည်။ မြတ်စွာဘုရားရင်ပြင်တော်သို့ ရောက်လျှင် အထက်စာပါ လှုဒါန်းပူဇော်ရန်များကို လှုဒါန်းပူဇော်ပြီးလျှင် ရေချမ်းအိုး၊ ပန်းစုံစိုက်၊ ဖယောင်းမီးတိုင်များကို ကောင်းမွန်စွာ လှုဒါန်းရမည်ဆင့်ဆို၍ စစ်ကဲ ၂

 ယောက်သို့ အပ်ခဲ့သည်။ ပြီးလျှင် စေတီတော်က ဆင်း၍ လှည်းစီးမြဲစီးကြပြီးလျှင် ညောင်ဦးရွာ သင်္ဘောဆိပ်သို့  လာကြသည်"

လွန်ခဲ့ပြီး နှစ် ၁ဝဝ ကျော်ကာလက ရှေးမြန်မာသံတမန်ကြီးတယောက်ရဲ့ ရွှေစည်းခုံစေတီတော်ကို နိုင်ငံခြားခရီး အသွား၊ 

အပြန် ၂ ရပ်လုံးဝင်ရောက်ဖူးမြော်ကြည်ညိုခဲ့ပုံအကြောင်း နှစ်သက်မိတာနဲ့  လက်ဆင့်ကမ်းဝေငှတာပါ။ 

ပြီးတော့လည်း ယနေ့ ခေတ်မှာ ကင်းဝန်မင်းကြီးတို့  နိုင်ငံခြားထွက်ခဲ့ချိန်ကလောက် သွားလာရေးမခက်တော့လို့ 

ရဟန်းရော လူပါ နိုင်ငံခြားသွားနေကြမယ့် ဘာမှတ်တမ်းမှတ်ရာမှ မရေးသားလို့  စကားပြောရင်ရောက်ဖူးတယ်

လောက်သာ ပြောတတ်ကြတယ်။ အဲဒီလို ခရီးသွားတွေ ကင်းဝန်မင်းကြီးခရီးသွားနည်းကို အတုယူစေချင်တယ်။

 အမရဒီပ

၆-၂၁-၂ဝ၁၂

စာကိုး။

ကင်းဝန်မင်းကြီး၊ ပြင်သစ်နိုင်ငံသွားနေ့ စဉ်မှတ်စာတမ်း၊ စာ ၂၆ဝ၊ ၂၆၁၊ စတုတ္ထအကြိမ်၊

ရာပြည့်စာအုပ်တိုက်၊ ရန်ကုန်။

ပြင်သစ်သွားမြန်မာသံအဖွဲ့  ရွှေစည်းခုံစေတီကို ဖူးမျှော်ကြည်ညိုခြင်း

 မြန်မာသက္ကရာဇ် ၁၂၃၅ ခုနှစ်၊ တပေါင်းလပြည့်ကျော် ၁၄ ရက်

ခရစ်နှစ် ၁၈၇၄ ခုနှစ်၊ မတ်လ ၁၆ ရက် ၊တနင်္လာနေ့ ……….

 ကင်းဝန်မင်းကြီးဦးကောင်းဦးဆောင်တဲ့ ပြင်သစ်နိုင်ငံသွားမြန်မာသံတမန်အဖွဲ့ ညောင်ဦးရွာဆိပ်ကမ်းဆီ 

ဆိုက်ရောက်လာခဲ့တဲ့ ရက်စွဲမှတ်တမ်းဖြစ်ပါတယ်။ မြန်မာနှစ်အလိုအရ အခုဆိုရင် နှစ်ပေါင်း ၁၃၉ နှစ်၊ 

ခရစ်နှစ်အလိုအရဆိုရင် ၁၃၈ နှစ်ကြာညောင်းခဲ့ပါပြီ။ မြန်မာသံအဖွဲ့ ၊ ပြင်သစ်သံအမတ်ကြီး နဲ့  သံတမန်အရာရှိ

၎ ဦးတို့ ဟာ မတ်လ ၁၄ ရက်မှာ မန္တလေး၊ သန်လျက်မော်ရွာဆိပ်ကမ်းကနေ သင်္ဘောနဲ့  ခရီးစထွက်ခဲ့တယ်။

အဲဒီနေ့  စစ်ကိုင်းမှာ ညအိပ်ရပ်နားပြီး မတ် ၁၅ မှာ စစ်ကိုင်းကနေခရီးဆက်ခဲ့ရာ မြင်းခြံရွာဆိပ်ကမ်းရောက်တယ်။

မြင်းခြံမှာ တညအိပ်ခဲ့ပြီး နောက်တရက် မတ် ၁၆ မှာ ခရီးဆက်နှင်တော့ ၄င်းနေ့  ၂ ချက်တီးမှာ ညောင်ဦးရွာဆိပ်

ကမ်းရောက်တယ်။ 

မြန်မာသံအဖွဲ့ ဟာ ညောင်ဦးမှာ ဒေသထွက်ကုန် ယွန်းထည်တွေကို နိုင်ငံခြားလက်ဆောင်ပေးဖို့ ဝယ်ယူကြတယ်။

 အတူပါလာတဲ့ ပြင်သစ်သံတမန်များကိုလက်ဆောင်ပေးပါတယ်။ ဒီနောက် ပြင်သစ်နဲ့  မြန်မာသံအဖွဲ့ တို့  

ကိုယ်အစုနဲ့ ကိုယ်ဘာတွေလုပ်သလဲဆိုတာ ပြင်သစ်သွားနေ့ စဉ်မှတ်တမ်းမှာ ကင်းဝန်မင်းကြီးက အခုလို မှတ်တမ်းတင်ပါတယ်။

 

"ပြင်သစ်သံအရာရှိတို့ အလိုရှိရာလှည့်ပတ်သည် ကာလစီးနင်းရန် လှည်းလှေမြင်းများကိုလည်း ပုဂံမြို့ အရာရှိတို့ 

က အသင့်ဆင့်ဆိုထားသည်။ ၄င်းနေ့ နေ ၃ ချက်တီးကျော် ၃ မောင်းအချိန် သံအရာရှိတို့  သမ္ဗန်နှင့်လက်ဝဲဘက်

သို့ ကူး၍ သားငှက်ပစ်ကြသည်။

ကင်းဝန်မင်းကြီး၊ စာရေးတော်ကြီးမင်း၊ မြန်မာသံအရာရှိ၊ စာရေးလူငယ်တို့ မှာ ရွှေစည်းခုံဘုရားသို့ သွား၍ ပါသည်ပရိသတ်အကုန် ရွှေဆိုင်းရေ ၇၊ ဖယောင်းတိုင် ၃ဝဝဝ၊ ရေချမ်းအိုးပန်းစုံစိုက် ၂ဝဝ များကို ဝယ်ခြမ်းပြီးလျှင် ရွှေစည်းခုံဘုရားသို့ ဝင်၍ ဖယောင်းတိုင်၊ ပန်းစုံစိုက်ရေချမ်းအိုးများကို တင်လှုကြသည်။"

ဒီမှတ်တမ်းစာသားကြည့်ပြီး ငှက်ပစ်ထွက်သူထွက်၊ ဘုရားသွားသူသွားနဲ့ ကိုယ်သန်ရာသန်ရာလုပ်နေကြတဲ့

မြင်ကွင်းကို စိတ်ကူးနဲ့  ပုံဖော်ပြီးမြင်ယောင်မိတယ်။ ရန်ကုန် (သို့ မဟုတ်) မန္တလေးအခြေစိုက်ပြင်သစ်သံတွေ အတွက် မြန်မာသံအဖွဲ့ သွားရေးလာရေးအဆင်ပြေအောင်လုပ်ပေးရတာကလွဲလို့  ဘာမှစိတ်ဖိအားပြင်းပြင်း

ထန်ထန်ရှိဟန်မတူဘူး။ ဒါကြောင့်ဒီအချိန်မှာ စိတ်ပေါ့ပါးစွာနဲ့ တောပစ်ထွက်ကြဟန်တူပါရဲ့….။

 မြန်မာသံအဖွဲ့ အတွက်တော့ ရေခြားမြေခြားခရီးအတွက်ရော တာဝန်ကြီးလေးမှုတွေအတွက်ပါ စိတ်ဖိအား

များနေပုံရပါတယ်။ နိုင်ငံခြားခရီးကို ကုသိုလ်ကောင်းမှုနဲ့ တာထွက်ချင်ပုံရတယ်။ တနည်းအားဖြင့် မြန်မာ့မြေပေါ် ထေရဝါဒသာသနာစတင်ခြေချရာ ပုဂံမြေရောက်ခိုက် သာသနိကဘုရားစေတီကို ဖူးမြော်ဦးခိုက်လိုက်ချင်တဲ့ သဒ္ဓါ၊စေတနာကလည်း နှိုးဆော်တိုက်တွန်းပုံပေါ်ပါတယ်။

 မည်သို့ ဆိုစေ ကိုယ့်ရဲ့ ကိုယ်မှု၊ နုတ်မှု၊ စိတ်မှု (ကံ)တွေကို ပုံဖော်ရာမှာ  ကိုယ့်ဘာသာ၊ကိုယ့်ရိုးရာ၊ ကိုယ့်ဓလေ့စရိုက်တွေအရ လုပ်ကိုင်ကြတာကြောင့်မတူကွဲပြားတာကိုယှဉ်တွဲတွေ့ မြင်ရတယ်လို့  ယူဆမိပါတယ်။

မြန်မာသံအဖွဲ့  ရွှေ ၇ ဆိုင်းဝယ်ပြီး ခွဲခြမ်းလှုဒါန်းပုံကိုလည်း မင်းကြီးက ပြည့်ပြည့်စုံစုံ မှတ်တမ်းတင်ပါတယ်။

 

"ရွှေဆိုင်း ၇ အနက် ရွှေဆိုင်း ၁ မှာ စေတီတော်တောင်ဘက်မျက်နှာ နတ်မုခ်နလျားခံတွင်းအတွင်းရှိ ဒက္ခိဏ

သာခါဘုရားကို ချလှုသည်။ ရွှေ ၅ ဆိုင်းမှာ စည်းခုံတော်ကြီးတွင် ကောင်းမွန်စွာချစေရန်  စစ်သားသို့ အပ်ခဲ့

သည်။ ရွှေဆိုင်း ၁ မှာ ၁၂ ဌာနများမှာ အသီးချလှုကြသည်"

ရွှေ ၁ ဆိုင်းကို ၁၂ ဌာနမှာကပ်လှုတယ် ရေးပြီး ၁၂ ဌာနသရုပ်ကို မထုတ်ပြရင် ၁၂ ဌာနဆိုတာလောက်ပဲ သိရမယ်ပ…….။ 

  ၁၂ ဌာနသရုပ်ကို မင်းကြီးက အပြည့်အစုံမှတ်တမ်းပြုတယ်။ ကြည့်ပါ…။

"၁၂ ဌာနအမည်မှာ……..

-စည်းခုံတော်ကြီး                          ပထမရွှေ ၂ ပြား

-ပထမသပိတ်                              ဒုတိယရွှေ ၁ ပြား

-ရွှေသက်စိုးနတ်                           တတိယရွှေ ၁ ပြား

-အရှေ့ တောင်ထောင့် ရွှေခြင်္သေ့        စတုတ္ထရွှေ ၁ ပြား

-ဗြသမင်္ဂျီ နတ်သမီး                      ပဉ္စမရွှေ ၁ ပြား

- ရွှေမြို့ စည်နတ်                           ဆဋ္ဌမရွှေ ၁ ပြား

- ရွှေစကားနတ်                            သတ္တမရွှေ ၁ ပြား

- ပွဲစားကြီးနတ်                             အဋ္ဌမရွှေ ၁ ပြား

- ရွှေငါးကြင်း                               နဝမရွှေ ၁ ပြား

- သိကြားမင်း                               ဒသမရွှေ ၁ ပြား

- ဆုတောင်းပြည့်ဘုရား                  ဧကာဒသမရွှေ ၁ ပြား

ပေါင်း ဌာန ၁၁၊ ရွှေပြားရေ ၁၂ ၊ ၄င်းကို ၁၂ ဌာနခေါ်သည်"

အင်း….. ဌာန ၁၁ ခုကို ရွှေ ၁၂ ပြားကပ်ပြီး ၁၂ ဌာန ခေါ်တာ မျက်စိလည်မိတာတော့အမှန်ပဲ….။ မင်းကြီးက

 ပညာရှိကြီးဆိုတော့ ပညာလက်ဆင့်ကမ်းတာလို့ ပဲ သဘောထားတော့မယ်နော်….။ ( ရွှေသက်စိုးနတ်၊ ဗြသမင်္ဂျီ

နတ်သမီးစတဲ့ နတ်တွေအကြောင်းလည်း လက်လှမ်းမှီသူတွေ ဗဟုသုတဝေငှကြဖို့  အဘိယာစကပြုပါတယ်။)

အဲဒီ ၁၂ ဌာနမှာ ရွှေပြားကပ်လှုတော့ ဘာဖြစ်သလဲ၊ ဒေသခံတွေရဲ့ယုံကြည်မှုဆိုပြီး မင်းကြီးက နှိုက်နှိုက်ချွတ်ချွတ်

ရေးပြန်တယ်။

"၄င်း ၁၂ ဌာနကို သည်ကဲ့သို့  ရွှေချလှုပြီး ဆုတောင်းပတ္ထနာပြုပြီးလျှင် ၄င်းရွှေလှောင်စက္ကူကို ဆောင်ယူကိုးကွယ်ရလျှင်

 ဘေးအန္တရာယ်ကင်းကြောင်း၊အလိုအတိုင်းပြီးစီးကြောင်းအစဉ်အဆက်ပူဇော်မြဲဖြစ်ကြောင်းများကို စစ်သား၊

 အရံစောင့်အကြီး ကျေးရွာလူကြီးတို့ ပြောဆိုကြသည်"

ဒေသခံတွေယုံကြည်မှုကို မင်းကြီးက မှတ်ချက်တိုတိုပေးတယ်။

"ဒိဋ္ဌိဇုကမ္မမဖြစ်၊ သို့ သော် ဗဟုသုတအကျိုးငှါ ရေးမှတ်ထားလိုက်သည်"……..တဲ့။ ကောင်းရော။

ဒိဋ္ဌိဇုကမ္မ (အယူကိုဖြောင့်မတ်မှန်ကန်အောင်ပြုခြင်း) ဆိုရာမှာ အရပ်သုံးစကားနဲ့ ပြောရင် ဗုဒ္ဓဘာသာဝင်

တဦးဖြစ်ဖို့ အတွက် အသိဉာဏ်ပြည့်ဝတယ်၊ အသိဉာဏ်အရည်အသွေး စံချိန်မီတယ်လို့ ဆိုလိုတာပါပဲ။ 

ဗုဒ္ဓဘာသာဝင်ပီသတဲ့ အသိဉာဏ်ပြည့်ဝမှုကို အကြောင်းအရာ ၅ မျိုးနဲ့ အကဲဖြတ်နိုင်ပါတယ်။

(က) ကုသိုလ်ကံ- အကုသိုလ်ကံ

(ခ) ကုသိုလ်ကံရဲ့ကောင်းကျိုး၊အကုသိုလ်ကံရဲ့ မကောင်းကျိုး

(ဂ) ကုသိုလ်၊ အကုသိုလ်ကံစွမ်းအင်ကြောင့် ရောက်ရမယ့် အခုဘဝ၊ နောင်အနာဂတ်ဘဝ

(ဃ) ငရဲ၊ ပြိတ္တာ၊ နတ်၊ ဗြဟ္မာ

(င) ကောင်းမွန်စွာကျင့်ကြံအားထုတ်လို့  ဈာန်အဘိညာဉ်ရသူ၊ ရဟန္တာဖြစ်သူ

ဒီအချက် ၅ မျိုးကို လေးလေးနက်နက်စဉ်းစားတဲ့အခါ "ရှိနိုင်တယ်၊ ရှိသင့်တယ်၊ ရှိရမယ်"ဆိုတဲ့

အသိဉာဏ်ဖြစ်ပေါ်လာတယ်ဆိုရင် ဒါ "အယူဖြောင့်တယ်"ခေါ်ပါတယ်။ ပြောင်းပြန်အတွေးအခေါ်၊ အသိဉာဏ်ပေါ်လာရင်တော့ အယူမဖြောင့်၊ အယူကောက်တယ် ဆိုရမယ်။ အယူကောက်ရင် ဗုဒ္ဓဘာသာဝင်ဖြစ်ဖို့  အရည်အချင်းမမီဘူးလို့  ဆိုရပါမယ်။

 (ကိုယ်ကျင့်အဘိဓမ္မာ၊ ဆဋ္ဌအခန်း)

အခုခေတ်မှာလည်း ရန်ကုန်က "ကြီး ၉ ကြီးဘုရားဖူးနည်း" ၊ "နေ့ နံအလိုက် သစ်သားဆင်းတုကိုးကွယ်နည်း"

တွေကို ကင်းဝန်မင်းကြီးသိရင် "ဒိဋ္ဌိဇုကမ္မမဖြစ်" လို့  မှတ်ချက်ပေးပြီး "မင်းတို့  ဗုဒ္ဓဘာသာဝင်တွေဖြစ်ရင်

 ဗုဒ္ဓဘာသာအယူအဆတွေလည်း နားလည်အောင်လုပ်ကြဦးကွယ်ရို့"လို့  မချိတင်ကဲ ပြောလေမလားပဲ။

 

ရွှေစည်းခုံစေတီတော်ကြီးရဲ့ အံ့ဖွယ် ၉ ပါးအကြောင်းကိုလည်း မင်းကြီးက သူ့ မှတ်တမ်းမှာ မမေ့မလျော့

စာရင်းပြု မှတ်တမ်းတင်တာတွေ့ ရတယ်။

"စည်းခုံတော်ကြီးတွင်လည်း အံ့ဖွယ် ၉ ပါးရှိသည်။ ၉ ပါးမှာ……

- ထီးတော်ကို သံမဆိုင်းရသည်လည်း အံ့ဖွယ်တပါး

- အရိပ်တော်တံတိုင်းအတွင်းက မထွက်သည်လည်း အံ့ဖွယ်တပါး

- စည်းခုံတော်ပေါ်က ရွှေလှောင်စက္ကူတံတိုင်းပြင်သို့ မကျနိုင်သည်လည်းအံ့ဖွယ်တပါး

- တမျက်နှာကတီးသည်စည်သံကို တမျက်နှာကမကြားသည်လည်း အံ့ဖွယ်တပါး

- တန်ဆောင်မုန်းလပြည့်နေ့ ပွဲတော်အခါတွင် ပထမသပိတ်မှာ တစုံတယောက်ဆွမ်းဦးအောင်

မတင်မလှုနိုင်သည်လည်း အံ့ဖွယ်တပါး

- အဝေးကကြည့်လျှင်ကုန်း၊ အရံတွင်းသို့ ရောက်လျှင် ကျင်းကဲ့သို့ ထင်မှတ်ရသည်လည်း အံ့ဖွယ်တပါး

- တံတိုင်းအတွင်းသို့  ပရိသတ်ဝင်၍မပြည့်နိုင်သည်လည်း အံ့ဖွယ်တပါး

- တံတိုင်းအတွင်း မိုးရေမတင်နိုင်သည်လည်း အံ့ဖွယ်တပါး

- တံတိုင်းအတွင်းရှိ ချရားပင် ၁၂ ရာသီအမြဲပွင့်သည်လည်း အံ့ဖွယ်တပါး

ပေါင်း အံ့ဖွယ် ၉ ပါးဟူ၍ အစဉ်ပြောဆိုမှတ်သားကြသည်"

ရွှေစည်းခုံစေတီတော်ကြီးရောက်တုန်းရောက်ခိုက် ပန်း၊ ဆီမီး၊ ရွှေပြားကပ်လှုပူဇော်ကြောင်း၊ အံ့ဖွယ်အစုံစုံ

အကြောင်းမျှသာရေးခဲ့မယ်ဆိုရင် လွန်ခဲ့ပြီး နှစ် ၁၃၉ နှစ်က လူ့ အဖွဲ့ အစည်းပတ်ဝန်းကျင်အကြောင်းမပါလို့ 

"ခေတ်အရိပ်၊ ခေတ်ကြေးမုံ"မပါတဲ့ မှတ်တမ်းလို့  ဆိုဖွယ်ရာဖြစ်နေတယ်။  ဒါကြောင့် ရွှေစည်းခုံစေတီတော်ရဲ့

အနီးအပါးမှာ ခိုကိုးရာမဲ့သူတွေ မှီခိုနေထိုင်ကြတာကို အလွတ်မပေးဘဲ ကင်းဝန်မင်းကြီးရဲ့မှတ်တမ်းမှာ မိမိရရ

မှတ်တမ်းတင်တယ်။ ဒါဟာ ခေတ်ရဲ့ စာပန်းချီမြင်ကွင်းလို့  ဆိုရင်မမှားတန်ရာ….။

"စည်းခုံတော်အတွင်း လှုဒါန်းပူဇော်ဖူးမြော်ဝင်ထွက်ကြည့်ရှုမှတ်သားကြပြီးလျှင် ၄င်းနေ့ ညနေ ၄ ချက်တီးအချိန်မှ 

တံတိုင်းတွင်းက ထွက်ခဲ့ကြရ၍ အရှေ့စောင်းတန်းမုခ်ပေါက်သို့ ရောက်လျှင် ဒုက္ခိတလူကြီးလူငယ်မိန်းမ

ယောက်ျား ၈ဝ ကျော်တို့ ကို အစေ့အငှပေးဝေခဲ့သည်"

 

ရတနာပုံရွှေမြို့ တော်က ပဉ္စမသံဂါယနာတင်မင်းမြတ်ရဲ့ လက်ရုံးတဆူဝန်ကြီးတပါး ရွှေစည်းခုံစေတီတော်ကို လာရောက်ကြည်ညိုပြီး  စွန့် ကြဲပေးကမ်းတယ်ဆိုတာ ဆင်းရဲသားဒုက္ခိတများအတွက် သဲကန္တာရထဲကအိုအေစစ်

စခန်းမှာ တနေ့ တာကွန်းခိုရတာနဲ့  တူနေမလားပဲ…။ န.ဝ.တ၊ န.အ.ဖ ခေတ်မှာ ဗိုလ်ချုပ်ကြီးတွေ၊ ဝန်ကြီးတွေ ဘုရားဖူးလာတယ်ဆိုရင် သာမန်ဘုရားဖူးကအစ၊ ဈေးသည်၊ သူတောင်းစားအဆုံး အာဏာသုံးမောင်းထုတ်ပြီ်း

ဘုရားစေတီပရဝုဏ်တခွင် ရှင်းလင်းထားတာမျိုး ကင်းဝန်မင်းကြီး ရွှေစည်းခုံစေတီလာစဉ်တုန်းကမရှိခဲ့ဘူး

ဆိုတဲ့ခေတ်အရိပ်ကိုလည်း မှတ်တမ်းမှာလှစ်ဟဖော်ကျူးထားတယ်။

မတ် ၁၆ ရက်ညမှာ ပြင်သစ်နဲ့ မြန်မာသံတမန်များအိပ်စက်အနားယူကြရာနေရာကိုလည်း မှတ်တမ်းမှာ ညွှန်ပြထားလေရဲ့….။

"၄င်းအရှေ့စောင်းတန်းအဆင်းတောင်ဘက်ဇရပ်တွင် ဝန်ရှင်တော်မင်းကြီးနှင့် သံအရာရှိတို့  ၄င်းနေ့ ည

အိပ်နေကြသည်။ ပြင်သစ်သံအရာရှိတို့ မှာ ညောင်ဦးရွာဆိပ်ကမ်းသင်္ဘောပေါ်တွင် အိပ်နေကြသည်"

မတ် ၁၇ ရက်၊ အင်္ဂါနေ့ ဟာ မြန်မာပြက္ခဒိန်အလို တပေါင်းလပြည့်ကျော် ၁၅ ရက် (လကွယ်၊ဥပုသ်နေ့ ) ဖြစ်နေတယ်။ ကင်းဝန်မင်းကြီးနဲ့ အဖွဲ့ ဟာ မတ် ၁၇ နံနက်အရုဏ်တက်မှာ ရွှေစည်းခုံစေတီတော်မှာ ဆွမ်းတော်ကြီးကပ်လှုခဲ့တာကို မှတ်တမ်းမှာတွေ့ ရပါတယ်။ သင်္ဘောပေါ်မှာညအိပ်တဲ့ ပြင်သစ်သံအဖွဲ့ ရဲ့ လှုပ်ရှားမှုကိုတော့ မှတ်တမ်းမှာမတွေ့ ရတော့ပါ။ ဒါကြောင့် သင်္ဘောပေါ်ညအိပ်တက်သွားပြီးနောက် ကုန်းပေါ်ပြန်ဆင်းလာခြင်းမရှိတော့ဘူးလို့  မှတ်ယူနိုင်ပါတယ်။

"၄င်းလပြည့်ကျော် ၁၅ ရက် ၊ အင်္ဂါနေ့ စည်းခုံတော်ကြီးအရှေ့စောင်းတန်းအနီး ဇရပ်တွင် ချရပ်တည်းနေပြီးလျှင် အရုဏ်ဆွမ်းကပ်လှုရန် ချက်ပြုတ်ပြင်ဆင်၍ အရုဏ်တက်လျှင်တက်ချင်း စည်းခုံတော်ကြီးရင်ပြင်တော်သို့ သွား

ရောက် ဆွမ်းတော်ကြီးကပ်လှုကြသည်။ ပြီးလျှင် တောင်မုခ်စောင်းတန်းကဆင်း၍ ပုဂံမြို့ သို့ ထွက်လာခဲ့ကြသည်"

အမရဒီပ

၆-၂ဝ-၂ဝ၁၂

စာကိုး။

ကင်းဝန်မင်းကြီး၊ ပြင်သစ်နိုင်ငံသွားနေ့ စဉ်မှတ်စာတမ်း၊ စာ ၁၉၊၂ဝ၊ စတုတ္ထအကြိမ်၊ ရာပြည့်စာအုပ်တိုက်၊ ရန်ကုန်။

မဃဒေဝလင်္ကာသစ်ဆရာနှင့် မင်းအပြောင်းအလဲ

နာမည်အပြည့်အစုံပြောရရင် "မဟာသုတကာရီမဃဒေဝလင်္ကာသစ်" ခေါ်တဲ့ မြန်မာမဟာကဗျာကျမ်းကြီးကို "

အဂ္ဂမဟာပဏ္ဍိတ၊ မကာရလောပအကျော်မန်လည်ဆရာတော်ကြီး" ရေးသားပြုစုတော်မူခဲ့တာပါ။ ဆရာတော်ကြီးရဲ့ ရဟန်းဘွဲ့ တော်က "အရှင်ဇဝန" ဖြစ်ပါတယ်။

အဂ္ဂမဟာပဏ္ဍိတဘွဲ့ တော်ကို ၁၉၁၇ ခုနှစ်၊ အင်္ဂလန်ပြည်ပဉ္စမမြောက်ဂျော့ဘုရင်လက်ထက်မှာအိန္ဒိယဘုရင်ခံ

ချုပ် မွန်တေဂူ ချမ်းဖို့ (Montagu Chelmford) က ဆက်ကပ်လှုဒါန်းပါတယ်။ (လယ်တီဆရာတော်ကြီးကို

၁၉၁၅ ခုနှစ်ကတည်း အဂ္ဂမဟာပဏ္ဍိတဘွဲ့ တော်ဆက်ကပ်ပြီးဖြစ်ပါတယ်။)

"မကာရလောပ"ဆိုတာကတော့ မြန်မာလို "မ တလုံးကျေ" လို့ဘာသာပြန်ကြတယ်။ လောကီရေး၊လောကုတ္တရာ

ရေး အရာရာတော်လွန်း၊တတ်လွန်း၊နားလည်ပြည့်စုံလွန်းလို့  သူမသိသူမတတ်နားမလည်တာမရှိဘူးဆို

တဲ့အဓိပ္ပါယ်နဲ့ "မကာရလောပအကျော်" လို ပညာရှင်အများက ဆရာတော်ကြီးကို ဂုဏ်တင်ကြတဲ့အမည်သညာ

ဖြစ်ပါတယ်၊ အစိုးရပေးတဲ့ဘွဲ့ မဟုတ်ပါဘူး။ စကားကြုံလို့ တဆက်တည်းပြောရရင် "ဘာသန္တရဆေက" ဆိုတဲ့ စကားအကြောင်းပါ။"အခြားဘာသာစကားစာပေ၊ အယူဝါဒကို ကျွမ်းကျင်လိမ္မာသူ "လို့ ဆိုလိုတယ်။ အဲဒီ

စကားလုံးဟာလည်း အစိုးရပေးတဲ့ဘွဲ့ မဟုတ်ပါဘူး။)

"မန်လည်"ဆိုတာကတော့ ယခုအခါ စစ်ကိုင်းတိုင်း၊ အင်းတော်မြို့ နယ်အတွင်းမှာ ရှိတယ်။ မန္တလေးမြစ်ကြီးနား

မီးရထားလမ်း မဲဇာဘူတာအလွန် ဆည်ရွာဘူတာကနေ အနောက်ဘက်၂ မိုင်လောက်ဝေးတဲ့မဲဇာမြစ်ကမ်းပါးမှာ မန်လည်မြို့တည်ရှိပါတယ်။ ဆရာတော်ကြီးမွေးရပ်ဇာတိနေရာဖြစ်ပါတယ်။

မန်လည်ဆရာတော်ကို ခရစ်နှစ် ၁၈၄၁ မှာ မွေးတယ်။ ဆရာတော်ကြီးမွေးတဲ့အချိန်မှာ တိုင်းပြည်ကို သာယာဝတီမင်း (နန်းတက်နှစ် ၁၈၃၇- နတ်ရွာစံနှစ် ၁၈၄၆) အုပ်ချုပ်နေပါတယ်။ ပြီးတော့ သားတော် ပုဂံမင်း (နန်းတက်နှစ်- ၁၈၄၆၊ နန်းကျနှစ် ၁၈၅၃) အုပ်ချုပ်တယ်။ နောက်တော့ ညီတော် မင်းတုန်းမင်း (နန်းတက်နှစ်- ၁၈၅၃၊ နတ်ရွာစံ ၁၈၇၈) အုပ်ချုပ်ပါတယ်။

ဆရာတော်ကြီးက သူရဲ့နာမည်ကျော် မဃဒေဝလင်္ကာသစ်ကို မင်းတုန်းမင်းလက်ထက်မှာ စတင်ရေးသားပါတယ်။

 သို့ သော် စာသင်၊ စာချအလုပ်တွေပိလွန်းလို့  လင်္ကာရေးစီမှုဆီ စိတ်မညွတ်နိုင်ခဲ့ပါဘူး။ ရေးလက်စတန်းလန်းပစ်

ထားရတဲ့အကြောင်း လင်္ကာသစ်နိဒါန်း၊ လောကဟိတစရိယခန်း၊ ပိုဒ်ရေ ၃ မှာ မှတ်တမ်းတင်တော်မူခဲ့ပါတယ်။

ရတနာပုံ၊ နေရုံဓိပတိ

မန်းဂီရိနှိုက်၊ အာဒိကမ္မိက်
ဗျာဒိတ်သိုက်ရ၊ နန်းတည်စသား

ပဉ္စမသင်္ဂါယနာတင်၊ ဘုရင်မင်းဖျား

မင်းတရား၏၊ ထင်ရှားစဉ်ခါ

ဤလင်္ကာကို၊ ဦးစွာပထမ

ရေးစီစလည်း၊ စာချစာပို့ 

ကိစ္စတို့ ဖြင့်၊ ဆုံးသို့ မရောက်……။

ခရစ်နှစ် ၁၈၇၈ မှာ မင်းတုန်းမင်းနတ်ရွာစံတယ်။ သားတော်သီပေါမင်းသား ထီးနန်းမွေဆက်ခံပြီး ခရစ်နှစ် ၁၈၇၈ ကနေ

၁၈၈၅ ခုနှစ်အထိ ၇ နှစ် အုပ်ချုပ်ပါတယ်။ သားတော်သီပေါမင်းလက်ထက်မှာလည်း ဆရာတော်ရဲ့ 

မဃဒေဝလင်္ကာသစ်ကျမ်းဟာ "မပြီးသေးသော ကဗျာတပုဒ်"အဖြစ်နဲ့  ဆရာတော်ရဲ့အိပ်ရာဘေးမှာ လဲလျောင်းခဲ့

ရပါတယ်။ ဒီအကြောင်းကို လောကဟိတစရိယခန်း၊ ပိုဒ်ရေ ၃ မှာပဲ အခုလို ရေးပြတော်မူတယ်။

ထို့ နောက်တဘော်၊ သားတော်နေမြစ်

ခုနှစ်နှစ်လုံး၊ ဘုန်းသစ်ထိန်ညီး

ထွန်းခဲ့ပြီးမှ၊………………..။

ကုန်းဘောင်မင်းဆက်ရဲ့နိဂုံးချုပ်ခြင်းနှင့်အတူ မြန်မာပြည်ဟာလည်း သီးခြားလွတ်လပ်တဲ့တိုင်းပြည်တခုကနေ နယ်ချဲ့ ဗြိတိသျှတို့ လက်အောက်ရောက်ခဲ့ရချိန်မှာ အင်္ဂလိပ်တို့ ရဲ့ "နေမဝင်အင်ပါယာ"အရှင်သခင်ကတော့ "ဝိတိုရိယဘုရင်မကြီး"ပဲ ဖြစ်ပါတယ်။ အလက်ဇန္ဒြီးယား ဗစ်တိုးရီးယား (Alexandrina Victoria)  ဟာ ဂရိတ်ဗြိတိန်နဲ့ 

အိုင်ယာလန်ကို ၁၈၃၇ မှာ အုပ်ချုပ်နန်းတက်ပြီး ဘုရင်မဗစ်တိုးရီယား Queen Victoria (မြန်မာအခေါ် ဝိတိုရိယဘုရင်မ)ဖြစ်လာပါတယ်။ ၁၈၇၆ ခုနှစ်၊မေ ၁ ရက်နေ့ မှာ " အိန္ဒိယအင်ပါယာရဲ့ ဧကရီဘုရင်မ"

 Empress of India ဘွဲ့ ကို ထပ်ဆင့်ခံယူတယ်။ ၁၈၈၅ မှာ အင်္ဂလိပ်တို့  မြန်မာပြည်ကို တိုက်ခိုက်သိမ်းယူပြီး 

အိန္ဒိယရဲ့ အစိတ်အပိုင်းတခုအဖြစ်သတ်မှတ်လိုက်ပါတယ်။  ၁၉ဝ၁ ခုနှစ်၊ ဇန်နဝါရီ ၂၂ မှာ ဧကရီဘုရင်မကြီး နတ်ရွာစံတော်မူပါတယ်။  မြန်မာတပြည်လုံးကို သိမ်းပိုက်ပြီး ၁၆ နှစ်အကြာမှာ နတ်ရွာစံတယ်လို့  

တိတိကျကျပြောနိုင်တယ်။ မန်လည်ဆရာတော်ကြီးကတော့ မဃဒေဝလင်္ကာနိဒါန်းမှာ ၁၅ နှစ်လို့  ဆိုတော်မူတယ်။ ဝိတိုရိယဧကရီဘုရင်မကြီးလက်ထက်မှာလည်း ဆရာတော်ကြီးရဲ့ မဃဒေဝလင်္ကာကျမ်းကြီးဟာ ရှေ့မဆက်နိုင်ဘဲ ရပ်မြဲရပ်နေခဲ့ပြန်ပါတယ်။ ဒီအကြောင်းကို မန်လည်ဆရာတော်ကြီးက အခုလို ရေးပါတယ်။

ကျွန်းကြီးဗိလပ်၊ နန်းရပ်ဗိမာန်

လန်ဒန်သင်္ဂီ၊ စိုးစံမှီသည့်

ဧကရီနတ်၊ မိဘုန်းနတ်လျှင်

မြန်ရဌ်ဇေယျုံ၊ မန်းရွှေဘုံကို

စိုးခြုံပိုင်းခြား၊ ဆဲ့ငါးနှစ်မျှ

ထိုကာလလည်း၊ ဗုဒ္ဓကိစ္စ

ဓမ္မဒေသနာ၊ အားကြီးစွာကြောင့်

နေဝါတိမ်အုပ်၊ မပေါ်ငုပ်သို့ 

မြုပ်၍နေပြီး၊ ပျောက်လုနီးလျက်……။

 မင်းတုန်းမင်းကြီးလက်ထက်မှာ လင်္ကာကျမ်းကို အပြီးမသတ်နိုင်ခဲ့တာ စာသင်စာချကိစ္စများလွန်းလို့ ဆိုပြီး အကြောင်းပြတယ်။ ဝိတိုရိယဧကရီဘုရင်မကြီးလက်ထက်မှာ ကဗျာကျမ်းကြီးမပြီးနိုင်ခဲ့တာ ဓမ္မဒေသနာ ခေါ်တဲ့တရားဟော

ကိစ္စတွေကြောင့်ဖြစ်ပါတယ်လို့ အကြောင်းပြပါတယ်။ ၁၉ဝ၁ ဆိုတော့ ဆရာတော်ကြီးလည်း သက်တော် ၆ဝ တင်းတင်းပြည့်ပြီးကိုး…..။ အလုပ်များတဲ့အရွယ်ပိုင်းရောက်သွားပြီလေ…။

ဝိတိုရိယဧကရီဘုရင်မကြီးရဲ့ ထီးမွေနန်းမွေကို သားတော် အဲ(လ်)ဘတ် အက်ဒဝပ်(Albert Edward) က ဆက်ခံပါတယ်။ အိမ်ရှေ့ စံဘဝက သူ့ ကို "ဝေလမင်းသား"လို့ မြန်မာတို့  သိထားကြတယ်။ ဘုရင်ဖြစ်လာတော့ "သတ္တမမြောက်အက်ဒဝပ်
ဘုရင်"Edward VII လို့  အမည်ခံယူပါတယ်။  ၁၉ဝ၁ ခုနှစ်မှာ နန်းတက်ပြီး ၁၉၁ဝ ခုနှစ် (သက်တော် ၆၉) မှာ နတ်ရွာစံတယ်။

အက်ဒဝပ်ဘုရင်ဟာ ၁၈၄၁ မှာဖွားမြင်လို့  မန်လည်ဆရာတော်နဲ့  မွေးနှစ်တူတယ်။ 
ဆရာတော်ဟာ သတ္တမမြောက်အက်ဒဝပ်(ဆရာတော့်စာလုံးပါင်းမှာ ဧဒွက် လို့  တွေ့ ရပါလိမ့်မယ်။) နန်းတက်ပြီး 
၃ နှစ်လောက်မှာမှ မဃဒေဝလင်္ကာကျမ်းကို "ပြန်ကိုင်ဖို့ "သတိရတယ်။ စာဉာဏ်၊ ကဗျာဉာဏ်စိတ်ကူးကွန့် မြူးဖို့ 
အချိန်လည်း ရတယ်လို့  ခန့် မှန်းရပါတယ်။

ဘုန်းမီးနေလ၊ တိုက်လုံးပသား

သတ္တမဘုရား၊ သားတော်ဘုန်းထက်

ရုံးစိန်စက်နှင့်၊ ဧဒွက်ဘုရင်

စောနတ်သျှင်လျှင်၊ ဥကင်ဘွင့်မြောက်

သုံးနှစ်လောက်မှ၊ အောက်မေ့ပြန်မိ

သတိရရ၊ နတ်ဆော်မသို့ 

လက်စမငုပ်၊ ကွယ်မမြုပ်ဘဲ

သိမ်းအုပ်ပြီုးံဆုံး၊ ကမ္ပတ်ဖုံးလျက်

နိဂုံးရောက်အောင်၊ ဘုန်းတော်ဆောင်၍

စာစောင်ရွှေတုံး၊ တိုင်းလုံးထိုက်လျော်

ထွန်းလင်းပေါ်သည်

ဘုန်းတော်နေနှင့်အပြိုင်တည်း…..။     ။

မင်းတုန်းမင်းလက်ထက်ကတည်းက အခြေပျိုးထားခဲ့တဲ့ ကဗျာကျမ်းကို သတ္တမမြောက်ဧဒွက်ဘုရင်လက်ထက်

ရောက်မှ အပြီးသတ်နိုင်ခဲ့တယ်။ "ကဗျာဆိုတာ ခေတ်ကြေးမုံပြင်" ဖြစ်လို့  မဃဒေဝလင်္ကာသစ်ကဗျာကျမ်းကို

ဖတ်ရင် မြန်မာမင်း၊ အင်္ဂလိပ်မင်းတွေရဲ့ ခေတ်ကာလကို အလျဉ်းသင့်သလို တွေ့ ရမှာပါပဲ။ တနည်းပြောရင် 

ကဗျာဆရာရဲ့ခေတ်ကို သိရတယ်ပေါ့လေ….။

သတ္တမမြောက်ဧဒွက်ဘုရင်လွန်ပြီးနောက် ဝိတိုရိယဘုရင်မကြီးမြေးတော်၊ သတ္တမမြောက်ဧဒွက်ဘုရင်ရဲ့ ညီဝမ်းကွဲတော်စပ်သူ ဂျော့ ဖရက်ဒရိတ် အားနက်(စ်) အဲ(လ်)ဘတ် George Frederick Ernest Albert  က ပဉ္စမမြောက် ဂျော့ဘုရင် George V ဘွဲ့ အမည်နဲ့  ထီးနန်းဆက်ခံတယ်။ နန်းတက်နှစ် ၁၉၁ဝ ၊ နတ်ရွာစံနှစ် ၁၉၃၆ ဖြစ်ပါတယ်။ မန်လည်ဆရာတော်ကြီးက ၁၉၂ဝ (သက်တော် ၇၉၊သိက္ခာတော် ၅၆) မှာ ဘဝနတ်ထံ ပျံလွန်တော်မူတယ်။  မြန်မာပြည်ကို ပဉ္စမမြောက်ဂျော့ဘုရင်အုပ်စိုးဆဲကာလဖြစ်ပါတယ်။

မဃဒေဝလင်္ကာသစ်မဟာကဗျာစာဆိုဆရာဖြစ်တော်မူတဲ့  မန်လည်ဆရာတော်ကြီးဟာ မြန်မာမင်း ၄ ပါး၊ 

အင်္ဂလိပ်မင်း ၃ ပါးတို့ ရဲ့ အုပ်ချုပ်ရေးကာလ၊ မင်းအပြောင်းအလဲကာလတွေကို တွေ့ ကြုံဖြတ်သန်းခဲ့ ရတယ်ဆိုတာ ဆရာတော်ကြီးရဲ့ ဘဝနဲ့ စာပေကို လေ့လာမိရင်း တွေ့ လိုက်ရပါကြောင်း……။

အမရဒီပ

၆-၁၈-၂ဝ၁၂

စာကိုး။

မဟာသုတကာရီမဃဒေဝလင်္ကာသစ်၊ နဝမအကြိမ်

http://en.wikipedia.org/wiki/Queen_Victoria

http://en.wikipedia.org/wiki/Edward_VII

http://en.wikipedia.org/wiki/George_V

၆၇ နှစ်ပြည့် မွေးနေ့ ရှင်အတွက် မွေးနေ့ ဆုတောင်း

ဘယ်တော့မှမရိုးနိုင်တဲ့ မွေးနေ့ ကဗျာတပုဒ်နဲ့  မွေးနေ့ ရှင်ကို ဂုဏ်ပြုပါတယ်။

မွေးနေ့ ဆုတောင်း

ပြည်သူ့ အောင်ပန်း၊ မြဲဆင်မြန်းသည့်
အောင်ဆန်းစုကြည်၊ ရဲဇာနည်ကို
မြန်ပြည်တလွှား၊ ချစ်သူများခဲ့.....။

တို့အားတို့ အင်၊ တို့ အရှင်ကို
ကြည်ရွှင်စေသော၊ မာစေသောဟု
မွေးသောနေ့ မှာ၊ တို့ သူငါသည်
မေတ္တာကြည်လင်၊ရွှင်ရွှင်ပို့ ....။

ဒေါင်းပျိုအိုးဝေတွန်စေဖို့ 
မြတ်ဆုမွန်ကောင်းတောင်းကြစို့ .....။

မင်းသုဝဏ်
၁၉-၆-၉ဝ

ရခိုင်သမိုင်းသုတေသီဆရာတော်၏ ရခိုင်ဒေသယနေ့ ၊ရှေ့ အလားအလာသုံးသပ်ချက်

ရခိုင်ဒေသပဋိပက္ခဖြစ်ရပ်များနှင့်ပတ်သက်၍ RFA မြန်မာပိုင်းသတင်းထောက် ဦးကျော်ကျော်အောင်နှင့်

ရခိုင်သမိုင်းသုတေသီဆရာတော် ရမ္မာဝတီဦးပညာစာရတို့ ၏ အမေးအဖြေ (၆-၁၂-၂ဝ၁၂)

ဦးကျော်ကျော်အောင်။        ။"အရှင်ဘုရား… အခုရခိုင်ပြည်နယ်မှာ ဖြစ်ပွားနေတဲ့အခြေအနေကိုဆရာတော့်အနေနဲ့ 

ဘယ်လိုများသုံးသပ်ပါသလဲဘုရား၊ ဘာကြောင့် ဒီလောက်အထိ ကြီးထွားလာရသလဲဆိုတာ ပြောပြပါဘုရား"။

ဦးပညာစာရ။        ။ "ထိန်းသင့်ထိန်းထိုက်တဲ့အချိန်မှာ လိုက်မထိန်းလိုက်တဲ့အတွက်ကြောင့်အပ်နဲ့ ထွင်ရမယ့်ကိစ္စကို

 ပုဆိန်နဲ့ ပေါက်ရသလိုဖြစ်သွားတာပဲ။

 ကျောက်နီမော်   ကိစ္စဖြစ်တယ်၊အဲဒီမှာလူထုစိတ်ကျေနပ်အောင်ထိန်းသိမ်းလိုက်လို့ ရှိရင်အဲဒါငြိမ်သွားလိမ့်မယ်။

အဲဒါတောင်ကုတ်ပြဿနာပေါ်လာတဲ့အခါ မကျေနပ်တဲ့အုပ်စုက နောက်တမျိုးဖြစ်လာတယ်။ အားတင်နိုင်တဲ့အုပ်စုက နောက်တမျိုးဖြစ်လာတယ်။ 

အဲဒီမှာ NLD ဒေါ်စုတို့ ပါတီ..အဲဒီပါတီကတာဝန်ကို…ဒေသလူထုအသိဉာဏ်ကို အကဲမခတ်ဘဲနဲ့  ကမ္ဘာ့လမ်းကြောင်း

ကပြောလိုက်တာလည်း တဖက်ကို အားပေးသလိုဖြစ်သွားတယ်။ ဒေါ်စုပြောတာကိုကြားလိုက်တယ်၊" လူနည်းစုကို လူများစု အနိုင်ကျင့်တာ မကောင်းဘူး။လူများစုဟာ လူနည်းစုကို ညှာတာရမယ်၊" အဲဒီစကားဟာ ကမ္ဘာ့ လမ်းကြောင်းမှာတော့

 ကောင်းတယ်။

 ဒါပေမယ့် ဒေသထိန်းသိမ်းရေးလမ်းကြောင်းမှာကျရင် အဲဒီစကားဟာ တဖက်သားကို အားပေးသလိုဖြစ်သွားတဲ့

အတွက်ကြောင့် မောင်တောဘက်က ထကြွလာတယ်။ မောင်တောဘက်က အခြေအနေကိုမြင်တဲ့အခါတပြည်လုံး

ပါသွားတာပဲ။ မောင်တောဘက်ကအခြေအနေကိုမြင်တဲ့အခါတပြည်လုံးက အဲဒီသတင်းကိုသိတဲ့အခါ တမျိုးလုံး

 တပြည်လုံးမခံနိုင်ဖြစ်သွားတဲ့အခါ ဒီလောက်ပွသွားတာပဲ။ အဲသည်တော့ပထမဆုံးအပ်နဲ့ထွင်ရမယ့် ကိစ္စမှာ

 လိုက်လို့ ထိန်းသိမ်းလိုက်နိုင်လို့ ရှိရင် အဲဒီပြဿနာ အဲလောက်မကြီးနိုင်ဘူးလို့  တော့ထင်မိတယ်။"

 

ဦးကျော်ကျော်အောင်။        ။ "တင်ပါဘုရား။ အခုအခြေအနေအရပေါ့လေ။ အာဏာပိုင်တွေဘက်က ဒီပြဿနာ ကို 

  အမြန်ဆုံးအဆုံးသတ်သွားအောင် ဘာတွေများလုပ်ဖို့ လိုအပ်နေတယ်လို့ အရှင်ဘုရားမြင်မိပါသလဲဘုရား။"

ဦးပညာစာရ။                    ။ "ခဏလေးနဲ့ ထိန်းသိမ်းနိုင်မယ့်ကိစ္စလို့ တော့ မမြင်ဘူး။

ခဏလေးနဲ့ ထိန်းနိုင်မယ်ဆိုရင်အခုလို ကာဖျူးတွေထုတ်ထားလိုက်၊ အဲဒီထုတ်ထားတဲ့အခါ ငြိမ်သွားအောင်

တနည်းမဟုတ်တနည်း စိတ်ဓာတ်ရေးရာအရမငြိမ်ပေမယ့်  ရုပ်ပိုင်းဆိုင်ရာအရငြိမ်အောင် ထိန်းသိမ်းလိုက်ရမယ်။ အဲဒီဟာတော့ ငြိမ်သွားမှာပဲ။

 ဒါဟိုဘက်ဒီဘက်ကြားမှာ ပြဿနာကို ငြိမ်အောင်ပြောတာပဲ။ ကိုယ့်ဘက်ကို ကိုယ်ဆွဲလို့ ပြောမယ်၊

သူ့ ဘက်ကို သူဆွဲလို့ ပြောမယ်ဆိုရင်တော့ ပြဿနာက နောက်တမျိုးအဖြေထွက်လာမယ်။ ဒီလိုထိန်းသိမ်းထားတာပဲ ကြိုက်သည်ဖြစ်စေ၊ မကြိုက်သည်ဖြစ်စေ ကောင်းတယ်လို့ ပြောရမယ်။ ပြဿနာကြီးထွားမှုအားနည်းမယ်။

 တကယ် တာရှည်မှာငြိမ်သွားမယ်ဆိုရင်တော့ခါ ဒီထက်မက စနစ်တွေ၊ မူတွေနဲ့  အခွင့်အရေးတွေပေးပြီးတော့ ချပေးရမယ်၊ လုပ်ပေးရမယ်။ 

အခုအအခြေအနေမှာ ဟိုဘက်ကRSO( Rohingya Solidarity Organization (RSO)= ရိုဟင်ဂျာသွေးစည်းညီညွတ်ရေး စစ်သွေးကြွအဖွဲ့ )က လူသေတာကို အရေးစိုက်တာမဟုတ်ဘူး။

 ဒေသတခုကို သူတို့ အာဏာလက်ထဲသို့  ၊ သူတို့ လက်ထဲသို့  အာဏာပိုင်ဖြစ်အောင်၊ သူတို့ ပိုင်ဆိုင်တဲ့ဒေသတခုဖြစ်အောင် သူတို့ က ကစားနေတဲ့အကွက်တွေပါလာလို့ ရှိရင် နိုင်ငံတကာက  ဝင်လာမယ်၊ အစ္စလမ်နိုင်ငံပေါင်း ၄ဝ ကျော်လောက်က ဝင်လာမယ်၊ ကုလသမဂ္ဂဝင်လာမယ်၊ အမေရိကားကသူတို့ ဟာသူတို့  ဝင်လာမယ်။ အဲဒီလိုဆိုရင် သူတို့ ကို ငါတို့ ဒေသကမောင်တောနယ်ကို ခွဲထုတ်ပေးရမယ့်အဆင့်မျိုး ဖြစ်လာမယ်။

 အဲဒီကဒေသခံတွေဟာ သမိုင်းကြောင်းအရ ရခိုင်မှာနေခဲ့ပေမယ့်ဒီနေ့ အသစ်ဝင်လာတဲ့လူမှသာ ကမ္ဘာ့အခြေအနေကြောင့် သူတို့ နေရာရသွားပြီးရင် နှစ်ပေါင်းလေးငါးခြောက်ထောင်လောက်ကပင် နေလာတဲ့ရခိုင်တွေဟာ ဗမာလည်းမဟုတ်ဘူး၊ 

ကုလားလည်းမဟုတ်ဘူး၊ ကြားမှာ ရခိုင်တွေဟာ အနေကြပ်သွားပြီး နေရာပျောက်သွားမယ့် အခြေအနေသို့ ရောက်သွားမယ်၊ 

ဒါကြောင့် အဲဒီပြဿနာကို ဖြေရှင်းမယ်ဆိုရင် ကုလားသက်သက်ကိုဖြေရှင်းလို့ မရဘူး၊ ရခိုင်သက်သက်ကိုဖြေရှင်းလို့ မရဘူး၊ ကုလားရခိုင်သမိုင်းကြောင်းအရ ဒီအထဲမှာ အခွင့်အရေး ဘယ်သူ့ ကို ဘယ်လောက်ပေးသင့်တယ်၊ အဲဒီလိုမပေးလို့ ရှိရင် ရခိုင်ဟာ ဒီအတိုင်း ကြည့်နေမှာမဟုတ်ဘူး၊ အဲဒီကပြဿနာဟာ ဒီထက်ကြီးထွားဦးမယ်။ ဒီနေ့ အခြေအနေမှာ ဒီနေ့ ပုံစံမျိုး ငြိမ်အောင်လို့  ကာဖျူးထုတ်လို့  ထိန်းသိမ်းထားတာ ကောင်းတယ်။ တာရှည်ငြိမ်သွားဖို့ အတွက်တော့ သမိုင်းကြောင်းအရရှိခဲ့တဲ့ လူတွေကို ဘယ်လောက်အခွင့်အရေးပေးရမယ်၊ ဧည့်သည်ရောက်လာတဲ့သူတွေကို လူသားချင်းကိုယ်ချင်းစာနာပြီး ဘယ်လောက်အထိအခွင့်အရေးပေးသင့်တယ်၊ အဲဒီဟာကို စနစ်တကျ လုပ်ပေးရမယ်။ အစိုးရကလုပ်ပေးသလို ပါတီကြီးတွေ၊ တိုင်းရင်းသားတွေ၊ နိုင်ငံရေးကို ဝါသနာပါတဲ့သူတွေ ၊ဒီမိုကရေစီကို ဝါသနာပါတဲ့သူတွေဟာ ဒီဟာလုပ်ရမယ်။"

 

ဦးကျော်ကျော်အောင်။        ။ "အရှင်ဘုရားခုနကအမိန့် ရှိသွားတဲ့အတိုင်းဆိုရင် ရောက်လာတဲ့ဧည့်လူမျိုး၊ ဧည့်သည်တွေ

အပေါ်မှာ အခွင့်အရေးပေးဖို့ လိုတယ်လို့ ထင်ပါသလား။"

ဦးပညာစာရ။                    ။ "လူသားဖြစ်တဲ့အတွက်ကြောင့်အသင့်အတင့်တော့ပေးရမယ်။ အသင့်အတင့်မပေးနိုင်လို့ ရှိရင် ရခိုင်ဒေသမှာ ဒေါ်စုပြောသလို ၊ နောက်လူတွေပြောသလို ၊ လူသားကို လူသားလို့ မြင်တဲ့သူတွေပြောသလို ဆိုရင် ရခိုင်ဒေသမှာရှိတဲ့လူဦးရေနဲ့ သူတို့ နဲ့ မမျှတတဲ့အတွက်ကြောင့် (ငါတို့ )အသက်သေဆုံးအောင်သတ်လိုက်ရမှာလား၊ 

ဘယ်သူသတ်နိုင်မလဲ၊ ကမ္ဘာ့ကလက်ခံမှာလား၊ အဲဒီကိစ္စ မဖြစ်နိုင်ဘူး။ နောက်တခုက ဒီနိုင်ငံမှာ မနေနဲ့ လို့  (ငါတို့ )

 နှင်ထုတ်မှာလား၊ ဦးနေဝင်းလက်ထက်က ဟင်္သာစီမံချက်နဲ့ ၊ နဂါးမင်းစီမံချက်တွေနဲ့ နှင်ထုတ်ခဲ့ပြီးပြီ။ ဒါပေမယ့်မအောင်မြင်ဘူး၊ အဲဒီကိစ္စလဲ ကမ္ဘာကလက်ခံနိုင်တဲ့ ကိစ္စမဟုတ်ဘူး။ အဲဒီလိုဆိုရင် ဒီဒေသမှာပဲသက်သက်ထားမှာလား။ မဟုတ်လို့ ရှိရင်

ပြည်ထောင်စုတခုလုံးမှာ လူသားကိုလူလို့ မြင်တဲ့အတွက်ကြောင့် ဒီနေရာမှာ အလွန်အကျွံများနေတယ်၊

သူတို့ ကလည်း သွားချင်နေတယ်၊ ဒါကြောင့်ပိတ်ထားတဲ့ တံခါးကို ဖွင့်ပေးလိုက်ပါ၊ အဲဒီလိုသွားတဲ့အခါမှာ မန္တလေးတို့ ၊ စစ်ကိုင်းတို့ ၊ မကွေးတို့ ၊ နောက်နေရာ- နောက်နေရာကိုလည်း ပြန့် နှံ့ ပြီးရင် ပြည်ထောင်စုထဲမှာ သူတို့ စိမ့်ဝင်သွားပြီးရင် အင်အားဟာတစုတပေါင်းတည်းမဟုတ်ဘဲ အင်အား ပြန့် နှံ့ သွားလို့ ရှိရင် မြန်မာနိုင်ငံသားအဖြစ်နဲ့ လက်ခံလိုက်ပါ။ အဲဒီလိုဆိုလို့ ရှိရင် သူတို့ တိုင်းနဲ့ ပြည်နယ်အနှံ့ ပြန့် နှံ့ သွားလို့ ရှိရင် လူသားကိုလူသားလို့ မြင်တဲ့ထိန်းသိမ်းမှုတခုဖြစ်လို့ 

 ဒီဒေသမှာလည်း အင်အားလျော့ဆင်းသွားပြီးရင်၊ အင်အားနည်းသွားပြီးရင် ရခိုင်ဒေသလည်း ငြိမ်သွားလိမ့်မယ်လို့ တော့ ထင်တယ်။ "

ဦးကျော်ကျော်အောင်။                    ။ "အရှင်ဘုရားအမိန့် ရှိသလို ပေါ့လေ၊ တခြားဒေသတွေကိုပါ ပျံ့ နှံ့ သွားအောင်

 ရောက်ရှိသွားအောင်၊ ပျံ့နှံ့သွားအောင်ဖွင့်ပေးလိုက်မယ်ဆိုတဲ့ မူဝါဒမျိုးကိုအစိုးရက မလုပ်ဆောင်ဘူးဆိုလို့ ရှိရင် 

ရခိုင်ပြည်နယ်ရဲ့အနာဂတ်ပေါ့ဘုရား။" (ဘယ်လိုဖြစ်လာနိုင်သလဲ)

ဦးပညာစာရ။        ။ "အဲဒီကိစ္စဟာ စမ်းချောင်းက ရေထွက်လာတယ်၊ ဆည်မြောင်းတာတမံဆည်လိုက်တယ်၊ စမ်းချောင်းကထွက်တာကိုလည်း မပိတ်ပေးဘူး၊ မိုးရွာတဲ့ရေကိုလည်း အဲဒီပေါ်မကျအောင် အမိုးမိုးမပေးဘူး။

ရှေ့ကိုလည်း ရေမသွားရဘူးဆိုပြီး တာတမံဆည်လိုက်တဲ့အခြေအနေဟာ ရခိုင်ပျက်ပါစေလို့ လုပ်တာနဲ့ အတူတူပဲ။

အဲဒီကိစ္စမှာ ရခိုင်ဟာ ထိန်းနိုင်မှာမဟုတ်ဘူး၊ ဒါကြောင့် ပင်ရင်းအိမ်ရှင်က ဘယ်သူလဲ။ ဧည့်အာဂန္တုက ဘယ်သူလဲ။အဲဒီဟာကို အစိုးရက ခွဲရမယ်။ အာဏာပိုင်တွေက ခွဲရမယ်၊ ပါတီတွေက ခွဲရမယ်။ "

ဦးကျော်ကျော်အောင်။                    ။ "ဆရာတော် ဦးပညာစာရကို RFA ကကျေးဇူးအများကြီးတင်ပါတယ်။"

ဦးပညာစာရ။                                ။ "ကောင်းပါပြီ၊ ငါတို့ လည်း ကျေးဇူးတင်ပါတယ်။"

Rohingya with two faces

ရခိုင်ဒေသအရေး ကာတွန်းများ

မြန်မာပြည်အနောက်ပိုင်း

ရမ်းဗြဲမြို့ -ကျောက်နီမော်ရွာ-တောင်ကုတ်မြို့  (ရခိုင်ပြည်နယ်တောင်ပိုင်းဒေသ) -မောင်တောမြို့ -ပြည်နယ်မြို့ တော်စစ်တွေ (ရခိုင်ပြည်နယ်မြောက်ပိုင်းဒေသ)များတွင် ပြည်ဖျက်မီးအရှိန်မြှင့်တောက်လောင်နေပါပြီ---။ နိုင်ငံခေါင်းဆောင်၊ ဒေသခေါင်းဆောင်၊ လူထုခေါင်းဆောင်၊ ကျောင်းသားခေါင်းဆောင်၊ ဘာသာရေးခေါင်းဆောင်များ အပြော၊ အလုပ်၊ ဆုံးဖြတ်ချက်တချက်ကလေးမှားရုံဖြင့် အနောက်တံခါးဟင်းလင်းပွင့်ကာ တိုင်းရင်းသားညီနောင်များ၏ သမိုင်းနိဂုံးကို ရေးထိုးရမည့်ကိန်းဆိုက်ပါလိမ့်မည်။ အမရဒီပ ၆-၉-၂ဝ၁၂

အနိုင်မခံအရှုံးမပေး= ကိုယ့်စည်းနှင့်ကိုယ်နေထိုင်ရေး

ရခိုင်ဒေသ၏ ယနေ့ အခြေအနေသည် တစစအရှိန်မြင့်တက်လာသော မီးတောက်မီးလျှံသဖွယ်ဖြစ်လာသည်။ လူမျိုးရေးအခြေခံ အမြင်မကြည်လင်မှု၊ဘာသာရေးအခြေခံ အယူအဆကွဲပြားခြားနားမှုသည် ကမ္ဘာ့ နေရာတိုင်း လိုလိုမှာ ရှိခဲ့သည်။ ရှိဆဲဖြစ်သည်။ ထိုနည်းတူ မြန်မာနိုင်ငံ၊ ရခိုင်ဒေသမှာလည်း မတူခြားနားမှုများ ရှိခဲ့သည်။ ရှိဆဲပင်…..။ အတ္တစိတ်လွန်ကဲသော အစွန်းရောက်အတွေးအမြင်ဖြင့်"ဒီဒေသဒီနေရာမှာ ဒီလူမျိုးသာ ရှိရမည်၊ ဟိုလူမျိုးမရှိရ"ဟုလည်းကောင်း၊ "ဒီဒေသဒီနေရာမှာ ဒီဘာသာကိုးကွယ်ယုံကြည်သူသာ ရှိရမည်၊ ဟိုဘာသာကိုးကွယ်ယုံကြည်သူမရှိရ"ဟုလည်းကောင်း ယူဆမိတတ်သည်။ ယင်းအယူအဆသည် ပြဿနာ၏အခြေခံ ဖြစ်လာတတ်သည်။လူမျိုးရေး၊ဘာသာရေးအမြင်ကျဉ်းမြောင်းမှုသည် ကြောက်စရာကောင်းပါသည်။ ကမ္ဘာ့ပြဿနာအများစုလိုလိုမှာ လူမျိုးရေး-လူမျိုးစွဲအမြင်ကျဉ်းမှု၊ ဘာသာရေး-ဘာသာစွဲအမြင်ကျဉ်းမှုကြောင့် ဖြစ်ပွားရသည်ကို ဆန်းစစ်လေ့လာနိုင်သည်။ လူမျိုး-ဘာသာမတူသူများနှင့်အတူယှဉ်တွဲနေကြရာဝယ် လူမျိုးရေး-ဘာသာရေးအစွဲအမြင်ဖြင့် တဘက်သားအပေါ် အုပ်စုဖွဲ့ အနိုင်မယူမိစေရန် အထူးအရေးကြီးသလို တဘက်ကအနိုင်ယူရေးအတွက် အားစမ်းလာလျှင်လည်း အရှုံးမပေးမိစေရန် အထူးအရေးကြီးသည်။ ယနေ့ ရခိုင်ဒေသရှိ ဘက် ၂ ခုဟုဆိုနိုင်သော အင်အားစုများသည် "အနိုင်မခံအရှုံးမပေး"စိတ်ဓာတ်မွေးမြူစေလိုပါသည်။ " အနိုင်မခံအရှုံးမပေး"ဟူသောစကား၏ဆိုလိုရင်းမှာ အင်အားစု ၂ ရပ်သည် ကိုယ့်စည်းနှင့်ကိုယ် နေထိုင်ကြရေးပင် ဖြစ်သည်။ မည်သည့်အင်အားစုမှဖြစ်စေ၊ ကိုယ့်စည်းနှင့်ကိုယ်မနေဘဲ ပြဿနာများ၊ အမှားအယွင်းများ၊၊ရာဇဝတ်မှုများကျူးလွန်ပါက အရေးယူဆောင်ရွက်ရန်ထိရောက်မြန်ဆန်မှန်ကန်သော ဘက်မလိုက်တရားစီရင်ရေးစနစ်၊ အုပ်ချုပ်ရေးစနစ်များလည်း ရခိုင်ဒေသမှာ အလျင်အမြန်လိုအပ်နေကြောင်း လေ့လာတွေ့ ရှိရပါသည်။ အမရဒီပ ၆-၈-၂ဝ၁၂

ဘာကိုရွေးမလဲ

ကာတွန်းဟန်လေး(ဧရာဝတီသတင်းဝက်ဆိုက်မှယူသည်)

တောင်ပုလု၏သရဏဂုံအမှား (ဆောင်းပါးပေါင်းချုပ်)

Taungpulutawya Kabaraye Sayadaw Ashin Nandiya's Wrong Idea on Tiratana