နည်းနည်းလေးတော့ လွဲနေတယ်-၂

ယခင်က ပဋ္ဌာန်းတရားဆိုတာ မဟာဂန္ဓာရုံဆရာတော်၏ အခြေပြုပဋ္ဌာန်း၊ သဒ္ဓမ္မရံသီရိပ်သာဆရာတော်၏ 

ပဋ္ဌာန်းနှင့် ဝိပဿနာ သိကောင်းစရာတို့ လောက်သာ စာအုပ်အဖြစ်ဖတ်မှတ်ခဲ့ဖူးသူတဦးအနေဖြင့် အခွင့်

အရေးကောင်းတရပ်ကို ကြုံဆုံလိုက်စဉ်က ဗုဒ္ဓအဘိဓမ္မာ၏ အခက်ခဲဆုံးပဋ္ဌာန်းကျမ်းကို ဓမ္မကထိက

ဆရာတော်ကြီး၊ ဆရာတော်လတ်၊ ဆရာတော်လေးများ ဟောပြောရှင်းပြတော်မူသည်ကို တရားဝက်ဆိုက်

မျိုးစုံသွားကာ နာယူမှတ်သားကုသိုလ်ပွားရပါသည်။ ယင်းစဉ်က ဓမ္မာစရိယ၊ ဗဟုဇနဟိတဓရ ဓမ္မကထိက၊

၊မြန်မာပြည်သာသနာပြုတက္ကသိုလ်ကြီးတခုမှ  ပီအိတ်(ခ်ျ)ဒီ ဒေါက်တာဘွဲ့ ရ ဓမ္မကထိကဆရာတော်တပါး၏ ပဋ္ဌာန်းတရားရှင်းပြချက်ကိုနာယူခဲ့သောအခါတရားပွဲအစ ပဏာမအချီတွင် ထိုဆရာတော်သည် ဓမ္မကထိက

ဆရာစဉ်သမားစဉ်တို့ ထုံးစံ ဓမ္မသာမိဖြစ်တော်မူသော ဘုရားရှင်ကို နမော တဿ-အစချီသော ဘုရားရှိခိုးဖြင့်

 ရှိခိုးလေသည်။ ထိုဆရာတော်၏ နမော တဿ ဘုရားရှိခိုးအနက်မြန်မာပြန်မှာ --ဘဂဝတော--လို ပါဠိတချက်ကို အနည်းဆုံး မြန်မာပြန် ၂ ချက်ထည့်သွင်းထားသည့်အတွက် (အထင်အားဖြင့်)  ကြားနာသသူ ဒေသနာခံ

ပုဂ္ဂိုလ်များထိုထိုနှင့်တကွ (စင်စစ်အားဖြင့်)အကျွန်ုပ်၏နားသောတတွင်  ခမ်းနားကြည်ညိုစဖွယ် တင့်တယ်

တော်မူလှပါသည်။ ပဋ္ဌာန်းအကြောင်းစကားစခဲ့သော်လည်း ဓမ္မကထိက၏ နမော တဿ အနက်အဆုံးသတ်တွင် နားကြောစိမ့်သွားသောကြောင့် ယင်းအကြောင်းကိုပင် ပြောရပေတော့မည်(ဝါ) ပြောပေတော့အံ့-------။

အနှီ ဓမ္မကထိကဆရာတော်၏ မြန်မာပြန်နိဿယအတိုင်း တိုက်ရိုက်တင်ပြလိုပါသော်လည်း အကြောင်းကြောင်း

ကို ငဲ့ညှာထောက်ထား ထည့်စဉ်းစားသောအားဖြင့် အသံတော်မှ စာမူတော်အဖြစ်သို့  ကူးရေးမပြတော့ဘဲ အကျွန်ုပ်၏အိပ်ရာခေါင်းအုံးဘေးရှိ ဂုဏ်တော်ရောင်ခြည် (အရှင်ထေရိန္ဒာဘိဝံသ ပြုစု) ဘုတ်အုပ်တော်လာ 

စာမူတော်အတိုင်း ကူးယူတင်ပြပါမည်။ ဓမ္မကထိကဆရာတော်နှင့်မတူကွဲပြားသည့်မြန်မာနိဿယအပိုင်းသို့ 

ရောက်သည့်အခါ စာအောက်ခြေတွင် မျဉ်းသားပြဆိုပါမည်။

ပါဠိတော်

နမော တဿ ဘဂဝတော အရဟတော သမ္မာသမ္ဗုဒ္ဓဿ။

မြန်မာနိဿယ

အရဟတော- လူနတ်-ဗြဟ္မာ--သတ္တဝါတို့ ၏ပူဇော်အထူးကို ခံယူခြင်းငှါ ထိုက်တော်မူတတ်ပါပေထသော။

 သမ္မာသမ္ဗုဒ္ဓဿ-  ဒုက္ခသစ္စာ သမုဒယသစ္စာ နိရောဓသစ္စာ မဂ္ဂသစ္စာ ဟုဆိုအပ်သော သစ္စာလေးပါးမြတ်တရားကို

 ဆရာမရှိ မိမိအလိုလို ကိုယ်တော်တိုင်မဖောက်မပြန် သယမ္ဘူဉာဏ်ဖြင့် ကောင်းစွာထိုးထွင်း၍ သိတော်မူတတ်ပါ

ပေထသော။ တဿ ဘဂဝတော- ထိုဘုန်းတော်ခြောက်ပါးသခင် ဘုရားရှင်ကိုယ်တော်မြတ်ကြီးအား။

 မေ- ဘုရားတပည့်တော်၏။ နမော- ရိုသေမြတ်နိုး  လက်စုံမိုး၍ ရှိခိုးခြင်းသည်။ 

အတ္ထု-စင်စစ်မသွေ ဖြစ်ပါစေသတည်း။

ဓမ္မကထိက ဆရာတော်က (အတ္ထု= ဘဝတိ-စင်စစ်မသွေ ဖြစ်ပါပေသတည်း) ဟု နိဿယပြန်ဆိုထားပါသည်။

ကဲ-- ဘုတ်အုပ်နှင့် ဓမ္မကထိကဆရာတော်နုတ်တော်ထွက် နမော တဿ အနက် ဘယ်နေရာကွာသည်ကို

 ပြောကြဦးစို့ ရဲ့--။

နာမည်ကျော် ပါဠိသဒ္ဒါကျမ်းများဖြစ်သော ကစ္စည်းသဒ္ဒါ နှင့် ပဒရူပသိဒ္ဓိကျမ်းတို့ တွင် (တုဿ တ္ထုတ္တံ)ဟု သုတ်စဉ် (မာတိကာ)တခုရှိ၏။ အတ္ထု သည် အသဓာတ်ဖြစ်ရာ အသ-ဓာတ်နောင် တုဝိဘတ်ကို တ္ထု-ပြု ၊ ဓာတ်အဆုံးကိုချေ

 (ဖျက်) ပြီး အတ္ထု--ဟု ကြိယာပုဒ်တခုဖြစ်ပေါ်၏။ အတ္ထု-ကြိယာကို ဘဝတု--ဟု ပါဠိဖြင့် ကျမ်းဂန်တို့  ထပ်ဆင့်ဖွင့်

ဆိုပြကြ၏။ ဘဝတု-သည် အတ္ထု ကို ဖွင့်ပြသောပုဒ်ဖြစ်ရာ တု--ဝိဘတ်အချင်းချင်းခြင်းတူသောကြောင့် ဖြစ်၏။

 (အတ္ထု တွင် တုဝိဘတ်ကို တ္ထု ပြုထားသည်ဟူသော စကားကို အထူးသတိပြုပါ။) အတ္ထုသည်လည်းကောင်း၊ 

ဘဝတု သည်လည်းကောင်း အာချာတ်ပဉ္စမီဝိဘတ်၊ ပရဿပုဒ်၊ ပဌမပုရိသ် ဧကဝုစ် တုဝိဘတ်ဖြင့်

ရုပ်ပြီးနေကြ၏ဟု ဆိုက ပိုမိုရှင်းပါ၏။

သို့ သော် စောဒကတက်ဖွယ်ရှိ၏။ (လျဉ်းပါးဖွယ်ရှိ၏) ဓမ္မကထိကဆရာတော် သုံးစွဲထားသည့်  ဘဝတိ --မှာ 

ဝတ္တမာန်ဝိဘတ်၊ ပရဿပုဒ်၊ ပဌမပုရိသ်၊ ဧကဝုစ်တိဝိဘတ်ဖြင့်ရုပ်ပြီးထား၏။ ပဉ္စမီ နှင့် ဝတ္တမာန်ဝိဘတ်အထား

အသိုချင်းမတူသည်ကထားလိုက်ပါဦး၊ ပရဿပုဒ်၊ ပဌမပုရိသ်၊ ဧကဝုစ်ချင်းတူနေသည့်အတွက် သိပ်ပြီး 

ရုပ်ပျက်ဆင်းပျက်မဖြစ်ပါ။ သုံးနိုင်ပါသည်ဟု ဆိုလာနိုင်၏။

ယင်းအကြောင်းပြအတွက် ဝိဘတ်တို့ ဟောနိုင်သောအနက်နှင့် အတ္ထု--ကိုကြိယာပုဒ်အနေဖြင့် မည်ကဲ့သို့  ဖွင့်ဆိုကြသနည်းဟူသော အချက်အလက်တို့ ကို ရှာဖွေသင့်၏။

ဝတ္တမာန်ဝိဘတ်သည် တောင့်တခြင်းအနက် (ရပါစေ၊ ဖြစ်ပါစေ၊ ပြည့်စုံပါစေ--စသည်) ---စေ--ပါသော

အနက်ကို ဟောနိုင်ပါသလောဟု စောကြောသင့်၏။ ကျမ်းဂန်အကိုးအကားရှာသင့်၏။ 

စာရေးသူတဦးတည်း၏အမြင်အရတော့ ဝတ္တမာန်ဝိဘတ်ကတောင့်တခြင်း (အာသိဋ္ဌ)

အနက်ဟောနိုင်ကြောင်းအထောက်အထားမတွေ့ ဖူးပါ။

၎င်းအပြင် ဓမ္မကထိကဆရာတော်၏ အတ္ထု-ဘဝတိ၊ ဖြစ်ပါပေသတည်းဟု (စေအနက်)မပေးဘဲ (ပေအနက်)

 ပေးသည်ကို ကြားနာရ၏။ ထူးဆန်းပါပေစွ---။

တဖန် ကျမ်းဂန်တို့ ၏ ဖွင့်ဆိုပုံဖွင့်ဆိုနည်းကို လေ့လာပါ၏။ ထေရဂါထာဋ္ဌကထာ၊ ဥဇ္ဇယတ္ထေရဂါထာအဖွင့်တွင်

= အတ္ထူတိ ဟောတု၊ တဿ နမောတိ ဣမိနာ သမ္ဗန္ဓော။ ဟု အတ္ထုကို ဟောတု ဟု ဖွင့်ပြ၏။

သုတ္တနိပါတဋ္ဌကထာ၊ စူဠဝဂ္ဂ၊ ရာဟုလသုတ္တန်အဖွင့်တွင်

= သတိ ကာယဂတာတျတ္ထူတိ ဧဝံ စတုပါရိသုဒ္ဓိသီလေ ပတိဋ္ဌတိတဿ တုယှံ စတုဓာတုဝဝတ္ထာန ။ ပ၊ ကာယဂတာ 

သတိ အတ္ထု ဘဝတု ဘဝေဟိ နန္တိ အတ္ထော။ ဟုလည်းကောင်း၊

အပါဒါနဋ္ဌကထာ၊ သီဟာသနဝဂ်၊သုမင်္ဂလတ္ထေရအပါဒါန်တွင်

= ပုရိသာဇည ပုရိသာနံ အာဇည၊ သေဋ္ဌ မမ နမက္ကာရော တေ တုယှံ အတ္ထု ဘဝတု။ ဟုလည်းကောင်း၊

သာရတ္ထဋီကာ၊ဝိမတိဝိနောဒနီဋီကာ၊ သေခိယအခန်း၊ ပါဒုကဝဂ်အဖွင့်တွင်

= ဓီရတ္ထူတိ ဓီ အတ္ထု၊ နိန္ဒာ ဘဝတူတိ အတ္ထော၊ ဂရဟာမ တံ မယန္တိ ဝုတ္တံ ဟောတိဟုလည်းကောင်း ဖွင့်ပြကြ

လေရာ အတ္ထုကို ဘဝတု ဟုသာ ဖွင့်ဆိုကြ၏။

ကျမ်းဂန်တို့ ဖွင့်ပုံအနှစ်ချုပ်မှာ အတ္ထုကို ဟောတု ဟုဖြစ်စေ၊ ဘဝတု ဟုဖြစ်စေ ဖွင့်ပြ၏။

ဓမ္မကထိကဆရာတော်ဖွင့်ဆိုသကဲ့သို့  (အတ္ထုကို ဘဝတိ) ဟု ဖွင့်ဆိုကြသည်ကို မတွေ့ ရပေ။ဓမ္မကထိကဆရာ

တော်၏ ဉာဏ်စွမ်းကား အံ့မခမ်း ဖြစ်လှပါပေစွ--။

ဓမ္မကထိကဆရာတော်၏ ပဋ္ဌာန်းတရားသည်တရက်၊ နှစ်ရက်မဟုတ်၊ ရက်သတ္တတပတ်ကျော်ခန့် မျှပင်ဖြစ်ပေရာ သူ့ အမှားကိုတနေ့ မဟုတ်တနေ့ သူ့ အလိုလိုသိပြီး ပြင်ဆင်မလားဟု တွေးမိပြီး အခြားရက်နမော တဿ

ဘုရားရှိခိုးအနက်ပေးကို သတိပြုနားထောင်ရာ ပထမရက်ထက်ပို၍ထူးမခြားမလာသည်ကို တွေ့ရ၏။ ယင်းကို

ကြည့်ခြင်းအားဖြင့် သူ၏ အတ္ထု-ဘဝတိကိစ္စကို အမှားဟုမထင်၊ အမှန်သာထင်နေကြောင်း သိသာစေ၏။ အမှားကြာအမှန်ဖြစ်တတ်သောသဘာဝရှိပေရာ သူလို ဓမ္မကထိကတပါးက အမှားကို မပြင်ဆင်နိုင်ဘဲဖြစ်နေလျှင် 

သူ့ ကို အတုယူကြမည့် နောင်လာနောင်သား ဓမ္မကထိကငယ်များလည်း မှားပေရာ၏။ အမှားလမ်းကိုအကန်းပမာ

လိုက်ကြပေရာ၏။ ဤအန္တရာယ်ကို မြင်မိပါ၍ အတ္ထုကို ဘဝတိဟု အနက်ပေးမလွဲစေရန် တင်ပြလိုက်ပါ၏။ 

သဘောကျလျှင်ယူ၊ သဘောမကျလျှင် ပယ်နိုင်ပါ၏။

အမရဒီပ

၂-၁၇-၂ဝ၁၂

ရည်ညွှန်း။ http://dhammadownload.com/MP3Library/DhammaDuta-Ashin-Chakkinda/Disc75/001-Ashin-SayKaneDa-MP3-75.mp3