မြန်မာ ၊ ....ဇေယျာ...၊ဇေယျာ "အော်သံစာလုံးများဆူညံပြည့်နှက်လာလို့ "ဘာများပါလိမ့်"
စူးစမ်းကြည့်လိုက်တော့မြန်မာလုံမပျိုငယ်တဦးပါဝင်ယှဉ်ပြိုင်နေတဲ့"Miss International 2012"
အိုကီနာဝါကျွန်း၊ ဂျပန်နိုင်ငံ...ဆိုတာသိလာရသည်။
နေ့ စဉ်နေ့ တိုင်းသတင်းအဆက်မပြတ်ရလေအောင်၊ မြန်မာမယ်ကလေးဆုချိတ်ရလေအောင် အမျိုးသားစိတ်ဖြင့်အားပေးတိုက်တွန်းနှိုးဆော်နေသူများလည်း ကာယကံရှင်မြန်မာအလှမယ်
နည်းတူနီးနီး စိတ်ပန်းကိုယ်ပန်းဖြစ်ကြလိမ့်မည်။ ...ကိုယ့်မြန်မာရစေချင်တာကိုး...။
မြန်မာအလှမယ်ကလေးသည် ပိယဝါစာ ချစ်ဖွယ်သောစကားကို အလွန်ပင်ဆိုတတ်ရှာသော ရှားရှားပါးပါးခေတ်လူငယ်တဦးဖြစ်သည်ကိုလည်း အင်တာဗျူးမေးဖြေခန်းမှာ အကဲခတ်မိပါ
သည်။ "မျက်နှာမြင်ချစ်ခင် ၊ အသံကြားသနား"ဆိုစကားနှင့် ညီညွတ်သူကလေးပင်တည်း..။
ဒါကြောင့်လည်း သူကလေးကို အားလုံးက ချစ်ကြကာ မဲထည့်ပေးကြသည်ကိုး....။မြန်မာတို့ 
၏ချစ်စိတ်ကြောင့် မဲအပြတ်အသတ်နဲ့ နိုင်ကာ Miss Internet ဆုကို ဆွတ်ခူးသွားလေသည်။
အပြတ်အသတ်ဆို မြန်မာတို့ က ဇေယျာစစ်ဆင်ရေး ဆိုပြီးလှုပ်ရှားကြပေသကိုး....။
မြန်မာအလှမယ်ကလေးအပါအဝင် အားလုံးသော ပြိုင်ပွဲဝင်အလှမယ်ကလေး၏ ဓာတ်ပုံကို မြင်
ရတော့ ဥမ္မာဒန္တီပျို့ ကို ပြန်ဖတ်ကြည့်မိ၏။
"ကေသာခြေဆုံး၊တကိုယ်လုံး၌
ရွှေတုံးပွတ်သစ် ၊ဇမ္ဗူရာဇ်သို့ 
ညစ်ကြေးဟူက ၊ မြူမလိမ်းကျံ
ကျူမီးလျှံလည်း ၊နှိုင်းကြံမမျှ
လျှပ်ရောင်ပလျက် ....... "
ဟု ပျို့ လင်္ကာအစပိုင်း (အပိုဒ် ၁ဝ) မှာ ဖွဲ့ ဆိုထားသော မိန်းမလှဘွဲ့ ကို တွေ့ ရ၏။
အိုကီနာဝါကျွန်း၊ မယ်ပြိုင်ပွဲအလှမယ်တို့ ကား မြင်သူတကာတို့ ရူးအောင်မဟုတ်သော်လည်း
ငေးအောင်ကား လှပ...တင့်တယ်...ချောမော..ပြေပြစ်ကြပါသည်။ အလှအပကို ပုထုဇဉ်တိုင်း
မြင်တတ်၊ငေးတတ်၊ခံစားတတ်၊ကြိုက်တတ်ကြသည်ချည်းပါ...။ အဿာဒ ခေါ် သာယာဖွယ်
တောင်း အလှဖြစ်သည်ကိုး။ သို့ သော် အလှဆိုတာသည် အာဒိ အစမျှသာဖြစ်ပေသည်။
အစမျှကိုသာ မြင်နေလျှင် တဖက်မြင်ဖြစ်သွားတတ်သည်။ လောကကြီးမှာ တဖက်မြင်ရုံနဲ့  မဖြစ်
သေး ၊ မလုံလောက်သေး၊ မပြည့်စုံသေး၊ တဖက်ချည်းသာမြင်နေ ကြာရင် ခက်ရချည့်သေး..။
"ဥမ္မာဒန္တီ၊ဤမိန်းမမွန်
အလှလွန်လည်း ၊ အတန်မကြာ
အနိစ္စာတွင် ၊ ဇရာမရဏံ
နိယတံနှင့် ၊ ဓုဝံမချွတ်
ဖြစ်ရလတံ့..........။"
ဤစကား(အပိုဒ် ၈၉)သည် သိဝိမင်းကြီး ဥမ္မာယမင်းလေးကို မြင်ပြီးရာဂရူးဖြစ်သွားရာမှ ပြန်
လည်သတိရပြီး ၊ မိမိကိုယ်မိမိပြန်လည်ထိန်းသိမ်းနိုင်ချိန် တရားသဘောနှင့်ဖြေသိမ့်လိုက်
နိုင်သည်။ အလှသည် ခဏ.....၊ အနိစ္စ မမြဲခြင်းပေမို့  နောက်တော်ပါ အိုမင်းရင့်ရော်ဇရာ၊သေ
ခြင်း မရဏတို့ အမြဲကပ်လိုက်ပါနေမည်။
ဥမ္မာဒန္တီကော ဘာသားနဲ့ ထုထားတာမို့  မအိုဘဲနေမလဲ.....။
မသေဘဲနေမလဲ......။ အို၊သေမကင်းသော အလှရှင်ပေတကား...။
ဤအမြင်တွင်မှ အလှအစကိုလဲမြင်ရာရောက်သည်။ အဆုံးကိုလည်း မြင်ရာရောက်သည်။
နှစ်ဘက်မြင်....။
လှသည်ကိုမြင်က အလှတွင်ရပ်ပြီး ယစ်မူးတိမ်းညွတ်မနေပါနှင့်ဦး...။
ရုပ်ရည်အိုမင်း၊ ပျက်သုဉ်းသည်အထိ မြင်အောင်ကြည့်....။ ဒါမှ သဘာဝကို အမှန်မြင်မည်။
စာဆိုတော် ဦးရွှန်းက ဥမ္မာဒန္တီ၏အလှအပကို အစပိုင်းတွင် ပုံဆောင်၍ မြင်သူများကို ရူးစေ
သည်။ ငေးသွားစေကြောင်း စကားလုံးလှလှပပ၊ အကွန့် အညွန့် သုံးကာ အသိပေး၏။
အဆုံးပိုင်းမှာတော့ အလှအပပေါ်တွင် အနိစ္စသဘောလက္ခဏာတင်ကာရှုက ရူးနေသူကို အသိပြန်ရစေကြောင်း ၊ ဆင်ခြင်တုံသတိပြည့်အောင် စွမ်းဆောင်စေကြောင်း ဘုရားကိုယ်
စား ဓမ္မကထာပြဆိုပြန်သည်။
အလှတရားမှာ ရပ်တန့် မနေကြနဲ့ ဦး......။
ဦးရွှန်း၏ အသံသဲ့သဲ့ကို ကဗျာဖတ်ရင်းကြားလိုက်ရ၏။ မယ်ရွေးပွဲဆုပေးအခမ်းအနားလည်း
ပြီးလေ၏။
အမရဒီပ
အောက်တိုဘာ ၂၁၊ ၂ဝ၁၂
