Total Pageviews

Tuesday, May 29, 2012

တောင်ပုလု၏သရဏဂုံအမှား- ၉


၁။
တောင်ပုလုတောရကမ္ဘာအေးဆရာတော်အရှင်နန္ဒိယ၏ နောက်လိုက်တပည့်တို့ က "ဘုရားဟောပိဋကတ်ဘယ်
လိုဟောဟော၊ တောင်ပုလုတို့ ဆရာ ဟောတာကိုသာ အတုယူပြီး လိုက်ဟောမယ်၊ ဒါမှ အာစရိယဝါဒ"ဟု ထင်ယောင်ထင်မှားဖြစ်နေကြဟန်တူ၏။ ထို့ ကြောင့် ယခုဆောင်းပါးတွင် တောင်ပုလုတပည့်ကျော်တို့ အတွက်  "အာစရိယဝါဒ"အကြောင်း ဆွေးနွေးရပေတော့မည်။

"ဆရာ၏အယူအဆ"ဟု မြန်မာဝေါဟာရဘာသာပြန်ဆိုထားသော "အာစရိယဝါဒ"ဟူသော ပါဠိဝေါဟာရကို
အချို့ က နားလည်မှုလွဲနေသည်။ ဥပမာ- ရွှေကျင်ဆရာတော်၏တပည့်ဖြစ်လျှင် ရွှေကျင်ဆရာတော်၏ဝါဒသည် အာစရိယဝါဒဖြစ်သည်။ ဒွါရဆရာတော်၏တပည့်ဖြစ်လျှင် ဒွါရဆရာတော်၏ဝါဒသည် အာစရိယဝါဒဖြစ်သည်ဟု
 ယူဆတတ်ကြ၏။ ယခုလည်း တောင်ပုလုတောရကမ္ဘာအေးဆရာတော်အရှင်နန္ဒိယ၏တပည့်ဖြစ်သည့်အတွက် ယင်းဆရာတော်၏ဝါဒသည် အာစရိယဝါဒဖြစ်၏ဟု ယုံကြည်လက်ခံထားကြ၏။ ထင်ရာမြင်ရာယူဆခြင်းသာ ဖြစ်ရာအထောက်အထားမဲ့အတွေးအမြင်မျှသာ ဖြစ်၏။

၂။
အာစရိယဝါဒနှင့်ပတ်သက်၍ မိလိန္ဒပဥှာပါဠိတော်ကျမ်း၏အဆိုကို ပထမဦးစွာ လေ့လာသင့်ပါ၏။ အရှင်နာဂသေနထေရ်က မိလိန္ဒမင်းကြီးအား ဤသို့ ရှင်းပြထား၏။

"မင်းမြတ်…..၊ (က) အာဟစ္စပဒ (ခ) ရသ (ဂ) အာစရိယဝံသ (ဃ) အဓိပ္ပါယ (င)ကာရဏုတ္တရိယ ဟူသော ဤငါးပါးသောအကြောင်းတို့ ဖြင့် အနက်အဓိပ္ပါယ်ကို လက်ခံအပ်၏။ ဤငါးပါးတို့ တွင် ---------------
(က)      ဘုရားဟောပါဠိတော်ကို အာဟစ္စပဒ ဟူ၍ အလိုရှိအပ်၏။
(ခ)        ပါဠိတော်အားလျော်သော သုတ္တာနုလောမကို ရသ ဟူ၍ အလိုရှိအပ်၏။
(ဂ)        အဋ္ဌကထာဆရာတို့ ၏အယူကို အာစရိယဝံသ ဟူ၍ အလိုရှိအပ်၏။
(ဃ)      မိမိ၏အယူကို အဓိပ္ပါယ ဟူ၍ အလိုရှိအပ်၏။
(င)        ရှေးဆိုပြီး ဤလေးမျိုးတို့ နှင့်ညီညွတ်သောအကြောင်းကို ကာရဏုတ္တရိယ ဟူ၍ အလိုရှိအပ်၏။
မင်းမြတ်…..၊ ဤငါးပါးသောအကြောင်းတို့ ဖြင့် အနက်အဓိပ္ပါယ်ကို လက်ခံအပ်၏။ ဤသို့ လျှင် ထို ပြဿနာကို ကောင်းစွာ ဆုံးဖြတ်အပ်၏။"
(မိလိန္ဒပဥှာပါဠိ၊ ၁၅ဝ။ မိလိန္ဒပဥှာမြန်မာပြန်၊ ၁၆၁။)
ပါဠိဘာသာဖြင့် "အာစရိယဝံသောတိ အာစရိယဝါဒေါ" ဟုဆိုထားသည်ကို မြန်မာပြန်က "အဋ္ဌကထာဆရာတို့ ၏
အယူကို အာစရိယဝါဒ"ဟု ဆိုလိုနေကြောင်း တွေ့ ရ၏။ ဆိုလိုသည်မှာ အာစရိယဝါဒဟူသည် တောင်ပုလုတောရ
ကမ္ဘာအေးဆရာတော်အရှင်နန္ဒိယ၏ အယူအဆကို အာစရိယဝါဒဟု မဆိုရ၊ အဋ္ဌကထာဆရာအရှင်တို့ ၏ အယူအဆကိုသာ အာစရိယဝါဒဆိုရကြောင်း သိရ၏။

 
၃။
ထို့ ပြင် "စတုဗ္ဗိဓဝိနယကောဝိဒ" ခေါ် နည်း ၄ ပါးကို ပြသော "သုတ္တံ သုတ္တာနုလောမံ အာစရိယဝါဒံ အတ္တနောမတိန္တိ"ဟူသော ဝိနည်းအဋ္ဌကထာ ၁၊ ၁၉၅ အရ---------
(က) သုတ္တ ခေါ် ပါဠိတော်ကိုလေ့လာခြင်း
(ခ) သုတ္တာနုလောမခေါ် ပါဠိတော်နှင့် အဓိပ္ပါယ်တူစကားများကို လေ့လာခြင်း
(ဂ) အာစရိယဝါဒ ခေါ် ဗုဒ္ဓမတညူအဋ္ဌကထာဆရာကြီးများ၏အယူအဆကိုလေ့လာခြင်း
(ဃ) အတ္တနောမတိ ခေါ် (အထက်ဖော်ပြပါ ၃ မျိုးတို့ ကို မျက်ခြည်မပြတ်ကြည့်ရှု၍ဆင်ခြင်သက်ဝင်နှိုင်းညှိ၍) မိမိ၏အယူအဆကို ဖော်ထုတ်ခြင်း…….ဟုလည်း တွေ့ ရသေး၏။

အာစရိယဝါဒနှင့်သက်ဆိုင်သော  ပါဠိအကိုးအကားကို အောက်ဖော်ပြပါအတိုင်း ရှုပါလေ……။
(၁) အာစရိယဝါဒေါနာမ အဋ္ဌကထာ။ (သုတ်မဟာဝါအဋ္ဌကထာ၊ မဟာပရိနိဗ္ဗာနသုတ်အဖွင့်)
(၂) အာစရိယဝါဒေါနာမ ဓမ္မသင်္ဂါဟကေဟိ ပဉ္စဟိ အရဟန္တသတေဟိ ဌပိတာ ပါဠိဝိနိမုတ္တာ
 သြက္ကန္တဝိနိစ္ဆယပ္ပဝတ္တာ အဋ္ဌကထာတန္တိ…။ (ပါရာဇိကကဏ္ဍဋ္ဌကထာ၊ ၁၊၁၅၉။ ဝိနယသင်္ဂဟဋ္ဌကထာ၊
 စောဒနာဝိနိစ္ဆယကထာ)
(၃) ယဒိပိ တတ္ထ တတ္ထ ဘဂဝတာ ပဝတ္တိတာ ပကိဏ္ဏကဒေသနာယ အဋ္ဌကထာ၊ သာ ပန ဓမ္မသင်္ဂါဟကေဟိ ပဌမံ တီဏိ
 ပိဋကာနိ သင်္ဂါယိတွာ တဿ အတ္ထဝဏ္ဏနာနုရူပေနေဝ ဝါစနာမဂ္ဂံ အာရောပိတတ္တာ "အာစရိယဝါဒေါ"တိ ဝုစ္စတိ၊ 
အာစရိယာ ဝဒန္တိ သံဝဏ္ဏေန္တိ ပါဠိံဧတေနာတိ ကတွာ။ (သာရတ္ထဋီကာ၊၂)
(၄) ပါဠိယာ အတ္ထဂါဟဏေန ဓမ္မတာယံ ပတိဋ္ဌာပနတော အဋ္ဌကထာ အာစရိယဝါဒေါ။
 (ဝိဘင်္ဂမူလဋီကာ၊ ပဋိစ္စသမုပ္ပါဒဝိဘင်္ဂအဖွင့်။)
ဤစကားတို့ အရ အဋ္ဌကထာနှင့်မညီညွတ်လျှင် အာစရိယဝါဒမဟုတ်ကြောင်း သိနိုင်ပါ၏။ ထို့ အတွက်ကြောင့် တောင်ပုလုတောရကမ္ဘာအေးဆရာတော်အရှင်နန္ဒိယ၏ သရဏဂုံတည်အကျိုးဆိုင်ရာအယူအဆမှား
များကိုလက်ဆင့်ကမ်း သယ်ဆောင်ဟောပြောနေသော အမေရိကန်နိုင်ငံနေတောင်ပုလုတပည့်အရင်းဆိုသူ၏
"အာစရိယဝါဒ"နှင့်ပတ်သက်သောယူဆပုံမှာလည်း ထေရဝါဒပိဋကတ်စာပေနှင့်မညီညွတ်သောယူဆချက်မျှသာ
ဖြစ်ကြောင်း သိရာ၏။ 
 
၎။
နောက်လိုက်တပည့် ၂ မျိုးရှိကြောင်းတွေ့ ရ၏။ ပထမတမျိုးမှာ ဆရာဘယ်လိုဖြစ်ဖြစ် ဆရာနောက်ကစိုက်စိုက်ပါ
အောင်လိုက်မှ တပည့်ကောင်းပီသသည်ဟု ခံယူချက်ရှိသောတပည့်တမျိုးဖြစ်သည်။ဥပမာ…လူသေလူဖြစ်ရှင်
ဥက္ကဋ္ဌ၏တပည့်ကြီး သခင်မြတ်ဆိုင်…… ။ သူက လူသေလူဖြစ်ဝိနိစ္ဆယတရားဆုံးဖြတ်ပွဲတွင် ဤသို့ ပြောဆိုခဲ့၏။

"ရှင်ဥက္ကဋ္ဌလုပ်ဆောင်ချက်မှန်သမျှ ရှင်ဥက္ကဋ္ဌအမည်ပါသမျှ အားလုံးတာဝန်ယူပါတယ်ဘုရား။ ဟုတ်ဟုတ် မဟုတ်ဟုတ် ကိုယ့်ဆရာဖက်ကရပ်ရမှာပဲဘုရား။ ဒါမှလဲ တပည့်တော် တပည့်ကောင်း ဖြစ်မယ်ဘုရား။ ဒီနေရာမှာတော့ တပည့်တော်ထွက်ပြေးလို့ မရတော့ပါဘူး"
(လူသေလူဖြစ်ဝါဒါနုဝါဒဝိနိစ္ဆယစာအုပ်မှာ အကျယ်ဖတ်ပါလေ။)

ဒုတိယတပည့်တမျိုးမှာ ဆရာလုပ်တိုင်းမှန်သည်ဟု လှေနံဓားထစ်မသတ်မှတ်၊ မစင်၊ မီး၊ ဆူး၊ မြွေကို ဆရာတက်နင်းတိုင်း တပည့်က ဆရာ့အတုလိုက်၍ မနင်းသင့်….။ သစ်ပင်ထိပ်ဖျားသို့ ဆရာတက်တိုင်း တပည့်က ဆရာ့အတုလိုက်၍ မတက်သင့်….။ ဆရာအဆိပ်သောက်တိုင်း တပည့်က ဆရာ့အတုလိုက်၍ မသောက်သင့်….။ နက်ရှိုင်းသောချောက်ကမ်းပါးသို့ ဆရာခုန်ဆင်းတိုင်း တပည့်က ဆရာ့အတုလိုက်၍ မဆင်းသင့်….ဟု ယူဆသော တပည့်မျိုးဖြစ်သည်။ ဥပမာ….ဗြဟ္မဇာလသုတ္တန်လာ သုပ္ပိယပရဗိုဇ်၏တပည့် ဥတ္တရလုလင်…..။

ဆရာသုပ္ပိယက မြတ်စွာဘုရားအား ကြမ်းတမ်းစွာပုတ်ခတ်ပြောဆိုတိုင်း ဥတ္တရလုလင်က ဘုရားဂုဏ်တော်ကို ဖော်ထုတ်ပြောဆို၏။ ချီးမွမ်း၏။ ဆရာမှားသည်ကို တပည့်က သိ၏။ ဆရာ့အမှားကို အမွေခံခြင်းမပြု..။
အလိုတူအလိုပါမလုပ်…..။ ဆရာ့လုပ်ရပ်ကို ဝေဖန်ဆန်းစစ်ပြီးမှ မှားမှန်ကို ရွေးချယ်ဆုံးဖြတ်သည်။

တပည့် ၂ မျိုးတွင် တောင်ပုလုတောရကမ္ဘာအေးဆရာတော်အရှင်နန္ဒိယ၏ တပည့်အရင်းဆိုသူကား ရှင်ဥက္ကဋ္ဌတပည့်သခင်မြတ်ဆိုင်၏လမ်းစဉ်လိုက်ကာ ဆရာဘာပြောပြော မှန်သည်ချည်းသာ လုပ်နေလေတော့သည်။

၅။
 တောင်ပုလုတောရကမ္ဘာအေးဆရာတော်အရှင်နန္ဒိယ၏ သရဏဂုံတည်ခြင်းအကျိုးဟောပြောချက်နှင့် တိပိဋကမင်းကွန်းဆရာတော်ကြီး၏ မေတ္တာဘာဝနာပွားနည်းတရားတော်ကို ပူးတွဲပုံနှိပ်ထားသော စာအုပ်ငယ်ကို လွန်ခဲ့သော ၃ နှစ်ခန့် က ကျောင်းတိုက်စာအုပ်စင်ကိုမွှေနှောက်ဖတ်ရှုရင်း တွေ့ ခဲ့ရသည်။ ဖတ်ပြီးနောက်ပိုင်းတွင် ပိဋကတ်တော်နှင့်မညီညွတ်သည်ကို တွေ့ ရသဖြင့် အခြားသူများကိုလည်း ဤအကြောင်းအသိပေးသင့်သည်ဟု စိတ်ကူးဖြစ်ပေါ်ခဲ့ရသည်။

အထူးသဖြင့် မြတ်စွာဘုရားရှင်၏တရားအစစ်အမှန်ကိုသာ ဟောပြောဆုံးမတော်မူလေ့ရှိသော မင်းကွန်း
တိပိဋကဆရာတော်ကြီး၏တရားတော်နှင့်အတူတွဲဖက်ကာ အဓမ္မဝါဒဟောပြောချက်ထုတ်ဝေထားသည်
ကိုမြင်ရခြင်းကြောင့် စိတ်မချမ်းမသာဖြစ်ခဲ့ရသည်။ ဘဝင်မကျဖြစ်ခဲ့ရသည်။
နောင်တွင်လည်း သာသနာရေးဝန်ကြီးဌာန၊ သာသနာရေးဦးစီးဌာနကျမ်းစာအုပ်အရောင်းဆိုင်တွင် ဝယ်ယူ
ရရှိနိုင်ပါသည်ဟူသော ကျမ်းစာအုပ်စာရင်းတွင် တောင်ပုလုတောရကမ္ဘာအေးဆရာတော်အရှင်နန္ဒိယ၏ သရဏဂုံတည်ခြင်းအကျိုးစာအုပ်ငယ်မှာ ပါဝင်မြဲပါဝင်နေသည်ကို တွေ့ ရ၏။ ဗုဒ္ဓသာသနာတော်အဆုံးအမ အစစ်အမှန်တည်တံ့သန့် ရှင်းရေးအတွက် တာဝန်ယူဆောင်ရွက်နေသော သာသနာရေးဦးစီးဌာနမှ အဓမ္မဝါဒဟောပြောချက်စာအုပ်ကို အဆက်မပြတ်ရိုက်နှိပ်ဖြန့် ချိရောင်းချပေးနေသည်ကို တွေ့ မြင်ရသဖြင့် စိတ်မကောင်းဖြစ်ရပါသည်။ ကမ္ဘာအေးကုန်းမြေရှိ နိုင်ငံတော်သံဃမဟာနာယကအဖွဲ့ ၏ ပညာရေးအဖွဲ့ ငယ်၊ 
ဝိနိစ္ဆယအဖွဲ့ ငယ်၊ ပါဠိအဘိဓာန်ပြုစုရေးအဖွဲ့ စသည်တို့ တွင် တာဝန်ယူဆောင်ရွက်နေရသော ပိဋကတ်ပညာရှင်
ဆရာတော်များ၊ သာသနာရေးဦးစီးဌာနရှိ ပိဋကတ်ပညာရှင်လူပြန်တော်များ၏ မျက်စိရှေ့ မှောက်တွင်
 တောင်ပုလုတောရကမ္ဘာအေးဆရာတော်အရှင်နန္ဒိယ၏ အဓမ္မဝါဒဟောပြောချက် (သရဏဂုံတည်ခြင်းအကျိုး)
စာအုပ်ငယ်တကြိမ်ပြီးတကြိမ်ထုတ်ဝေခွင့်ရရှိနေသည်မှာလည်း များစွာထူးဆန်းလှပါသည်။ "ပညာရှိသတိဖြစ်ခဲ"
စကားအရ နိုင်ငံတော်သံဃမဟာနာယက၊ သာသနာရေးဌာနမှ ပိဋကတ်ပညာရှင်များ သတိမေ့ပုံရသည်ဟု တွေးမိပြီး ယင်းသရဏဂုံတည်ခြင်းအကျိုးတရားစာအုပ်ငယ်ကို ထေရဝါဒပိဋကတ်စာပေနှင့်ညီညွတ်၊ မညီညွတ် စီစစ်ဝေဖန်
သုံးသပ်ပေးတော်မူကြပါရန် ဤဆောင်းပါးဖြင့် သတိပေးတောင်းဆိုလျှောက်ထားလိုက်ပါသည်။

အမေရိကန်နိုင်ငံတွင်လည်း "တောင်ပုလုတပည့်အရင်းသာသနာပြု"ဆိုသူ ရဟန်းတပါးကလည်း သူ့ ဆရာ၏ အဓမ္မဝါဒဟောပြောချက်ကို ကြိုးစားဟောပြောလျှက် ဖြန့် ချီလျှက်ရှိနေပါသည်။

၆။
ဆန်ဖြူဆန်ကောင်းကို အလိုရှိသူသည် စပါးလုံး၊ အမှိုက်၊ခဲလုံးစသည်တို့ ကို ရွေးထုတ်ကောက်ပယ်ပစ်သကဲ့သို့  ၊ သားငါးဟင်းလျာစားဖွယ်များနှင့် အရသာခံလိုသူသည် အရိုးအရင်းကိုထုတ်ပယ်ပစ်သကဲ့သို့  ဗုဒ္ဓသာသနာအဆုံးအမမှန်ကိုလိုလားသူသည် အဓမ္မဝါဒ ခေါ် အမှားတို့ ကို ပယ်ဖျက်စွန့် ပစ်၍ ပကတိသန့် ရှင်း
သော မြတ်ဗုဒ္ဓ၏သြဝါဒလမ်းကြောင်းအတိုင်း ဖြောင့်ဖြောင့်တန်းတန်း ကျင့်ကြံအားထုတ်ကြကုန်လျက် အမြင့်ဆုံး
အမြတ်ဆုံး ဝိမုတ္တိရသချမ်းသာပန်းတိုင်သို့  ကောင်းစွာရောက်ရှိနိုင်ကြပါစေကြောင်း ဆန္ဒပြုပါ၏။
ဤမျှသောစကားအစဉ်ဖြင့် တောင်ပုလု၏သရဏဂုံအမှားကို ဆောင်းပါးအမှတ် ၁ မှစ၍ တင်ပြလာခဲ့ရာ
 ဆောင်းပါးအမှတ် ၉ တွင် အပြီးသတ်နိဂုံးချုပ်ပါသည်။

အမရဒီပ
၅-၂၉-၂ဝ၁၂




Thursday, May 3, 2012

တောင်ပုလု၏သရဏဂုံအမှား-၈


၁။
တောင်ပုလုတောရကမ္ဘာအေးဆရာတော်အရှင်နန္ဒိယက သူ၏ "သရဏဂုံတည်ခြင်းအကျိုး"ဟောပြောချက်နိဂုံး
တွင် အောက်ဖော်ပြပါအတိုင်း ဟောပြောလေ၏။

"ဒါကြောင့် ဤအကျိုးများလှတဲ့ သရဏဂုံကို တသက်လုံးအတွက် ရည်မှန်းဆောက်တည်ကြရန် တိုက်တွန်းလိုတယ်။
၁။         အဇ္ဇအာဒိံကတွာ အဟံ အတ္တာနံ ဗုဒ္ဓဿ နိယျာဒေမိ။
၂။         အဇ္ဇအာဒိံကတွာ အဟံ အတ္တာနံ ဓမ္မဿ နိယျာဒေမိ။
၃။         အဇ္ဇအာဒိံကတွာ အဟံ အတ္တာနံ သံဃဿ နိယျာဒေမိ။
၁။         အဇ္ဇအာဒိံကတွာ- ယနေ့ ကိုအစပြု၍။ အဟံ- အကျွန်ုပ်သည်။ အတ္တာနံ- မိမိကိုယ်ကို။ ဗုဒ္ဓဿ-
            မြတ်စွာဘုရားအား။ နိယျာဒေမိ- အပ်နှင်းလှုဒါန်းပါ၏။
၂။         အဇ္ဇအာဒိံကတွာ- ယနေ့ ကိုအစပြု၍။ အဟံ- အကျွန်ုပ်သည်။ အတ္တာနံ- မိမိကိုယ်ကို။ ဓမ္မဿ-
            တရားတော်မြတ်အား။ နိယျာဒေမိ- အပ်နှင်းလှုဒါန်းပါ၏။
၃။         အဇ္ဇအာဒိံကတွာ- ယနေ့ ကိုအစပြု၍။ အဟံ- အကျွန်ုပ်သည်။ အတ္တာနံ- မိမိကိုယ်ကို။ သံဃဿ-
            သံဃာတော်မြတ်အား။ နိယျာဒေမိ- အပ်နှင်းလှုဒါန်းပါ၏။"

၂။
ယခုအခါ တောင်ပုလုတောရကမ္ဘာအေးဆရာတော်အရှင်နန္ဒိယ၏ အထက်ဖော်ပြပါဟောပြောချက်ကို ဝေဖန်သုံးသပ်ရန် စကားအစဉ်ကျရောက်လာပေပြီ။ သို့ သော် စာရေးသူ၏ဝေဖန်သုံးသပ်ချက်ကို ဖော်ပြခြင်းထက် ဆရာတော် 
အရှင်သီလနန္ဒာဘိဝံသ (ဒီလစ်၊ အဂ္ဂမဟာပဏ္ဍိတ၊  အဂ္ဂမဟာသဒ္ဓမ္မဇောတိကဓဇ၊ အပြည်ပြည်ဆိုင်ရာထေရဝါဒ
သာသနာပြုတက္ကသိုလ်ပါမောက္ခချုပ်)၏ ၁၉၉၁ ခုနှစ်၊ ဇွန်လမှ ၁၉၉၂ ခုနှစ် စက်တင်ဘာလအထိ ပို့ ချခဲ့သော အခြေခံဗုဒ္ဓဘာသာသင်တန်းပို့ ချစဉ်မှ သက်ဆိုင်ရာစကားရပ်တို့ ကို ကောက်နုတ်ဖော်ပြပေးခြင်းက ပို၍ ပို၍
သင့်တော်မည်ဟု ယူဆပါသည်။ ထို့ ကြောင့် ဆရာတော်အရှင်သီလာနန္ဒာဘိဝံသ၏ မူရင်းမိန့် ကြားတော်မူခဲ့
သည့်အတိုင်း ဖော်ပြပါအံ့----။

"ဒီနေရာမှာ ပြောချင်တာလေးတခုရှိတယ်။ "ဒီနေ့ ကစပြီးတော့ ဘုရားကိုကိုးကွယ်ပါ၏။ တရားကိုကိုးကွယ်ပါ၏။ သံဃာကိုကိုးကွယ်ပါ၏" လို့  ဆိုတာရှိတယ်။ ဟို…… တောင်ပုလုဆရာတော်ကြီးက အဲဒီအတိုင်းပဲ ချ… ချပေးတာ 
မဟုတ်လား---။ အဇ္ဇအာဒိံကတွာ--- ဆိုပြီးတော့လေ၊ မှတ်မိကြလား။ မမှတ်မိဘူးလား။  ကိုယ်ကတော့
 အဲဒါ စိတ်ထဲသိပ်ဘဝင်မကျဘူး။ အဇ္ဇအာဒိံကတွာ-------ဆိုတာက ယနေ့ ကိုအစပြု၍………..
Beginning with today လုပ်တာက Newly arrived convert သူကဒီနေ့ မှ ဘုရားနဲ့ တွေ့ ပြီးတော့ ဘုရားကို 
သဘောကျပြီးတော့ ဒီနေ့ ကစပြီး အရှင်ဘုရားကို ကိုးကွယ်ပါတော့မယ်-----ပြောတဲ့သူတွေကတော့ ကိုက်တယ်။
ဆိုပါတော့--- ဗုဒ္ဓဘာသာဒီနေ့ မှဖြစ်လာတဲ့သူတွေက ဒီဟာဆိုရင်တော့ ဒါအဓိပ္ပါယ်ရှိတယ်။ မွေးကတည်းက ဗုဒ္ဓဘာသာဖြစ်လာတဲ့သူတွေက "ဒီနေ့ "ဆိုတော့ မင်းတို့ နောက်တုန်းက ဘုရားမကိုးကွယ်ဘူးလားဆိုတဲ့
အဓိပ္ပါယ်မကျလား၊ တပည့်တော်ဒီနေ့ ကစပြီးတော့ ဘုရားကိုးကွယ်ပါတော့မယ်…. လို့ ဆိုနေတာကိုး---။
အဇ္ဇအာဒိံကတွာ----ဆိုတော့ မင်းမနေ့ က ဘုရားကိုးကွယ်တဲ့ကောင် မဟုတ်ဘူးလား---။ နောက်တုန်းက 
တသက်လုံးနေလာတာ ဘုရားကိုးကွယ်တဲ့ကောင် မဟုတ်ဘူးလားလို့ မေးရင် ဘယ်လိုဖြေမလဲ။ 
ဒါကြောင့်မို့  ကိုယ်ကတော့ စိတ်ထဲသိပ်ကို သဘောမကျဘူး-------။

(သရဏဂုံ) စယူတဲ့အချိန်တုန်းက ဆိုချင်ဆိုခဲ့ပေါ့။ ဟုတ်လား-- ကလေးဘဝတုန်းက။ အဲဒီနောက်တော့ ဆိုဖို့ 
မလိုဘူး။ အဲဒီလိုပဲ ယူဆတယ်။ ဒီနေ့  (သင်တန်းမစခင် သရဏဂုံနှင့် ၅ ပါးသီလခံယူခြင်း)ဆိုတာကတော့ ပိုပိုပြီးခိုင်မြဲအောင်ဆိုပြီးတော့ ဒို့ က အထပ်ထပ်ဆိုတာကတော့ "မြဲရာသံပတ်"ဆိုတာလိုပေါ့။ ဟုတ်လား။
နေ့ တိုင်းမဆိုလို့  တကြိမ်တခါပဲ ဆိုထားလိုက်တယ်ဆိုရင်ပဲ စိတ်ထဲက အဲဒီဟာရှိနေသမျှကာလပတ်လုံး သူဟာသရဏဂုံတည်နေတာပဲပေါ့။ ဒါကြောင့်မို့  အဲဒီ " အဇ္ဇအာဒိံ ကတွာ"ကိုစိတ်ထဲက သိပ်ဘဝင်မကျဘူး။

အဲ…… ပထမဆုံးတွေ့ လို့  အခုစာထဲမှာပါတဲ့အတိုင်းဆိုတာတွေက အဲဒါမျိုး မြတ်စွာဘုရားနဲ့ တွေ့ ၊ ဘုရားတရား
ဟောလိုက်တော့ သိပ်သဘောကျသွားပြီးတော့ ထပြောတယ်။
"တပည့်တော် ယနေ့ မှစပြီးတော့ အသက်ဆုံးသည်တိုင်အောင် ကိုးကွယ်သည့်ပုဂ္ဂိုလ် ဥပါသကာဟူ၍ မှတ်တော်
မူပါဘုရား" လို့ ပြောတာကိုး---။ သူတို့ က ဟုတ်တယ်လေ။ နဂိုတုန်းက ဘုရားတပည့်မှ မဟုတ်ခဲ့ပဲ။ ဗုဒ္ဓဘာသာမဟုတ်ခဲ့ဘူး။ 
အခု ဘုရားနဲ့ တွေ့ လို့  ဘုရားက တရားဟောလိုက်လို့  သူ့ ဖာသာသူ Convert လုပ်တာပေါ့။ အဲဒီအခါကျမှ တပည့်တော်ကို ဒီနေ့ ကစပြီး အရှင်ဘုရား တပည့်လို့ မှတ်ပါ။ ဒါသဘာဝကျတယ်။ တို့  (ဒို့ )က မွေးကတည်းက ဗုဒ္ဓဘာသာဖြစ်လာတာ။
အဲဒါ ဒီနေ့ ကစပြီးတော့"တပည့်တော်ဘုရားကိုးကွယ်ပါတယ်ဘုရား" ဆိုတော့  ခုနကလို စကားကပ်စရာရှိတယ်။

ကျမ်းဂန်မှာတော့ အဲဒီနည်းတွေ ပေးထားတာရှိတယ်။ "ယနေ့ မှအစပြု၍"တို့ ဘာတို့ ---။ 
အဲဒါကတော့ ခုနကလို ဖြစ်ဖို့ ရှိတယ်။ အစဖြစ်တဲ့သူကတော့ ဒါဟုတ်တယ်။ ယနေ့ ကိုအစပြုပြီး တပည့်တော် ဗုဒ္ဓဘာသာဖြစ်ပါပြီပေါ့လေ။ အဲဒီလို လုပ်တာ"

                                       ဆရာတော်အရှင်သီလာနန္ဒာဘိဝံသ၏ပုံတော်

၃။
သရဏဂုံသည် (က) လောကုတ္တရာသရဏဂုံ (ခ) လောကီသရဏဂုံ ဟု ၂ မျိုးရှိကြောင်း ကျမ်းဂန်ဆို၏။
 လောကုတ္တရာသရဏဂုံသည် အရိယာပုဂ္ဂိုလ်တို့ ၌သာ တည်၏။ ညစ်နွမ်းခြင်းမရှိ၊ ပျက်စီးခြင်းမရှိ၊ ခိုင်မာတည်မြဲ
သော သရဏဂုံအမျိုးအစားဖြစ်၏။ လောကုတ္တရာသရဏဂုံသည် အရိယဖိုလ် ၄ ပါး၊ သံသရာဝဋ်ဆင်းရဲဒုက္ခကုန်
ခမ်းချုပ်ငြိမ်းခြင်း အကျိုးရှိ၏။ (သာမညဖလသုတ်အဖွင့်အဋ္ဌကထာ စသည်။)

လောကီသရဏဂုံသည် သဒ္ဓါနှင့်ပညာအပေါ် အခြေခံ၏။ ရတနာ ၃ ပါးအကြောင်းမသိနားမလည်သေးသော ကလေးသူငယ်တို့ ခံယူဆောက်တည်သော သရဏဂုံသည် သဒ္ဓါသရဏဂုံ (ဝါ) ပညာမပါသော ပညာမဲ့သရဏဂုံ ဖြစ်၏။
 ရတနာ ၃ ပါးကျေးဇူးဂုဏ်ကိုသိနားလည်၍ ခံယူဆောက်တည်သော သရဏဂုံသည် သဒ္ဓါပညာစုံသော သရဏဂုံဖြစ်၏။ 

(လောကီသရဏဂုံ၌ ယုံကြည်မှုသည် ပဓာနဖြစ်၏။ တချို့မှာ ဉာဏ်ပါသော်လည်း ဉာဏ်သည် သဒ္ဓါ၏နောက်လိုက်တည်း။ သီလက္ခန်ဘာသာဋီကာ၊ ၃၊ ၂၃၆)
လောကီသရဏဂုံတည်လျှင် ဘဝကောင်းဘဝမြတ်ရခြင်း၊ စည်းစိမ်ဥစ္စာပြည့်စုံခြင်းအကျိုးရှိ၏။

လောကီသရဏဂုံသည် တည်ပုံတည်နည်းအခြင်းအရာကိုလိုက်၍ ၄ မျိုးကွဲပြားသည်။ ယင်း ၄ မျိုးမှာ……
(က)အတ္တသန္နိယျာတနသရဏဂုံ = မိမိကိုယ်ကို ရတနာ ၃ ပါးအားအပ်နှင်းလှုဒါန်းသော သရဏဂုံ
{အကျွန်ုပ်သည် မိမိကိုယ်ကိုရတနာ ၃ ပါးအား အပ်နှင်းပါ၏=ဟုဆိုခြင်း}
(ခ) တပ္ပရာယဏသရဏဂုံ= ရတနာ ၃ ပါးမှာ သက်ဝင်ကိုင်းရှိုင်းညွတ်နူးသောအားဖြင့်တည်သောသရဏဂုံ
{အကျွန်ုပ်သည် ရတနာ ၃ပါးသာလျှင် သက်ဝင်ကိုင်းရှိုင်းညွတ်နူးသူဖြစ်၏-ဟုဆိုခြင်း}
(ဂ) သိဿဘာဝူပဂမနသရဏဂုံ= တပည့်အဖြစ်ခံယူခြင်းသရဏဂုံ
{အကျွန်ုပ်ကို ရတနာ ၃ ပါး၏တပည့်ရင်းမှတ်ပါ-ဟု ဆိုခြင်း}
(ဃ) ပဏိပါတသရဏဂုံ= ရတနာ ၃ ပါး၌သာ အရိုအသေပြုသော သရဏဂုံ
{ရတနာ ၃ ပါးကိုသာလျှင် ရှိခိုး၊ခရီးဦးကြိုဆို၊ လက်အုပ်ချီအရိုအသေပေးသူမှတ်ပါ-ဟု ဆိုခြင်း} ဟု ဖြစ်ပါ၏။

သက်ဆိုင်ရာ အဋ္ဌကထာ၊ ဋီကာကျမ်းစာများတွင် အထက်ဖော်ပြပါ လောကီသရဏဂုံ ၄ မျိုး ဆောက်တည်ပုံ များကို ပါဠိဖြင့် ဖော်ပြထား၏။  တောင်ပုလုတောရကမ္ဘာအေးဆရာတော်အရှင်နန္ဒိယသင်ကြားချပေးသော သရဏဂုံပါဠိဆိုနည်းမှာ အတ္တသန္နိယျာတနသရဏဂုံဆောက်တည်နည်းတွင် အကျူံးဝင်ကြောင်းတွေ့ ရ၏။

ကျမ်းစာပါမူရင်းပါဠိမှာ  " အဇ္ဇာဒိံ ကတွာ အဟံ အတ္တာနံ ဗုဒ္ဓဿ နိယျာတေမိ , ဓမ္မဿ,သံဃဿ"ဟု ဖော်ပြထား၏။

တောင်ပုလုတောရကမ္ဘာအေးဆရာတော်အရှင်နန္ဒိယက အဇ္ဇာဒိံ ကို အဇ္ဇ အာဒိံ ဟု ဆိုထား၏။ 
ယင်းမှာ ပါဠိသဒ္ဒါနည်းအရ ပုဒ်စပ် ကို ပုဒ်ဖြတ်ခြင်း ပြုထားသောကြောင့် အလွဲအမှားမဟုတ်ပါချေ။ ဆိုဖွယ်ရှိသည်မှာ
တောင်ပုလုတောရကမ္ဘာအေးဆရာတော်အရှင်နန္ဒိယ၏ နိယျာဒေမိ ပင်ဖြစ်၏။ မူရင်းပါဠိမှာ နိယျာတေမိ ဟု ဖြစ်၏။
ပါဠိပုဒ်တည်ဆောက်ပုံ အခြေခံဓာတ်မှာ "ယတ"ဓာတ်ဖြစ်၏။ မဟာဝိသုဒ္ဓါရုံဆရာတော်၏ ဓာတွတ္ထသင်္ဂဟကျမ်း
ဂါထာအမှတ်၊၃ဝ၄။တွင်
"ယတော စု တာဠောပကာရေ၊ နိ တု နိယျာတနေ သိယာ။
ယတော၊ ယတဓာတ်သည်။ စု၊ စုရာဒိဂိုဏ်းတည်း။ တာရောပကာရေ၊ ရိုက်နှက်ပုတ်ခတ်ခြင်း ၊ကျေးဇူးပြုခြင်း၌။ နိ တု၊ နိရှေးရှိမူကား။ နိယျာတနေ၊ အပ်နှင်းခြင်း လဲလှယ်ခြင်း၌။ သိယာ၊ ဖြစ်ရာ၏" ဟု မိန့် ဆိုရေးသားတော်မူ၏။
သဒ္ဒနီတိ၊ ဓာတုမာလာနှင့် အခြားသဒ္ဒါကျမ်းတို့ ၏ပါဠိအဆိုများကို အနှစ်ချုပ်ကောက်နုတ်ပြပြီးနောက် "သာသနာတော်ကျမ်း၌ကား ဒထွေးနှင့် "နိယျာဒေတိ"ဟူ၍လည်း ပါဌ်ရှိ၏။ လောကီကျမ်း၌  တဝမ်းပူသာရှိသည်"
ဟု မြန်မာဘာသာမှတ်ချက်ရေးတော်မူ၏။ သဒ္ဒနီတိ၊ ဓာတုမာလာတွင် လည်း----
"ယတ နိကာရောပကာရေသု။ ယတေတိ၊ ယတယတိ။ နီတော စ ပဋိဒါနေ၊ ယတဓာတု နိဥပသဂ္ဂတော ပရော ပဋိဒါနေ ဝတ္တတိ၊ နိယျာတေတိ၊ နိယျာတယတိ။ တကာရဿ ပန ဒကာရတ္တေ ကတေ "နိယျာဒေတိ၊
နိယ်ာဒယတိ။ ရထံ နိယျာဒယိတွာန အဏဏော ဧဟိ သာရထိ"ရူပါနိ"ဟု ဆိုထားလေရာ နိရှေးရှိသော ယတဓာတ်၊ စုရာဒိဏေပစ္စည်းတွင် တဝမ်းပူဖြင့် နိယျာတေတိ ဟုလည်းကောင်း၊ တဝမ်းပူကို ဒဒွေးအဖြစ်သို့ ပြောင်းလဲ၍
 နိယျာဒေတိ ဟုလည်းကောင်း ရှိနိုင်ကြောင်း ဆိုမိန့် ထားကြလေပြီ။
ထို့ ကြောင့် အတ္တသန္နိယျာတနသရဏဂုံဆောက်တည်ပုံပြပါဠိတွင် "နိယျာတေမိ"ဟု ပြဆိုထားသော်လည်း ပါဠိသဒ္ဒါကျမ်းများအရ (တောင်ပုလုတောရကမ္ဘာအေးဆရာတော်အရှင်နန္ဒိယဆိုသလို) "နိယျာဒေမိ"ဟုလည်း ဆိုနိုင်ကြောင်း လေ့လာတွေ့ ရှိရပါ၏။

၎။

တောင်ပုလုတောရကမ္ဘာအေးဆရာတော်အရှင်နန္ဒိယက "ယနေ့ ကို အစပြု၍ ဘုရားကို ကိုးကွယ်ပါ၏၊ တရားကို ကိုးကွယ်ပါ၏၊ သံဃာကို ကိုးကွယ်ပါ၏"ဟု သူ၏ပရိသတ်ကို သင်ပြပေး၏။

ဆရာတော်အရှင်သီလာနန္ဒာဘိဝံသက တောင်ပုလုတောရကမ္ဘာအေးဆရာတော်အရှင်နန္ဒိယသင်ပြသောနည်း (ယနေ့ ကို အစပြု၍) မှာ ယနေ့ မှာဗုဒ္ဓဘာသာဝင်ဖြစ်လာသူများအတွက် သင့်လျော်သော်လည်း မွေးကတည်းကဗုဒ္ဓဘာသာဝင်
ဖြစ်လာသူ၊             သရဏဂုံတည်လာပြီးသူများအတွက်မူ ဆရာတော်ရှင်းပြသလို စကားကပ်ဖွယ်ရှိနေကြောင်း အခြေခံဗုဒ္ဓဘာသာသင်တန်းတွင် ရှင်းလင်းဝေဖန်တော်မူခဲ့လေသည်။

ဆရာတော်အရှင်သီလာနန္ဒာဘိဝံသ၏ အခြေခံဗုဒ္ဓဘာသာသင်တန်းနားထောင်ရန်လင့်များမှာ ဖော်ပြပါအတိုင်း---




အမရဒီပ
၅-၃-၂ဝ၁၂