တောင်ပုလု၏သရဏဂုံအမှား-၅

၁။

တောင်ပုလုတောရကမ္ဘာအေးဆရာတော်အရှင်နန္ဒိယ၏ ထေရုပ္ပတ္တိတွင် တောင်ပုလုတောရကမ္ဘာအေးဆရာတော်

သည် ပိဋကတ်စာပေကျမ်းဂန်များကို မန္တလေးနည်း၊ ပခုက္ကူနည်းစုံလင်စွာဖြင့် သင်ကြားတတ်မြောက်ခဲ့ကြောင်း တခမ်းတနား ဖော်ပြကြလေ၏။

နောက်တော်ပါတဦး၏ လေလုံးမှာ "တော်တော်ထွား"၏။ သူ၏"ရွှေဖရုံသီးစေးကြောင်း"ပုံပြင်မှာ ဖော်ပြပါအတိုင်း
ဖြစ်၏။ (သတိ- ထေရုပ္ပတ္တိလာ ပုံပြင်မဟုတ်ဘဲ စကားစပ်မိတိုင်းပြောသောအကြောင်းအရာမျှသာ---။)

ပြည်ထောင်စု မြန်မာနိုင်ငံတော်၏ တခုတည်းသော သံဃာ့အဖွဲ့ အစည်းကြီးဖြစ်သည့် နိုင်ငံတော်သံဃာ့မဟာနာယက

အဖွဲ့ စတင်ဖွဲ့ စည်းပြီးခါစလောက်က တောင်ပုလုတောရကမ္ဘာအေးဆရာတော်အရှင်နန္ဒိယသည် နိုင်ငံတော်သံဃ

မဟာနာယကအဖွဲ့ တည်ရာဌာနချုပ်၊ ကမ္ဘာအေးကုန်းမြေ၊ ဇမ္ဗူဒီပကျောင်းဆောင်သို့ ကြွရောက်၍

 နိုင်ငံတော်သံဃမဟာနာယကအဖွဲ့ ဝင်ဆရာတော်များအား ကထိန်အကြောင်း ရှင်းလင်းပြောကြားခဲ့ရသည်ဟူ၏။ အကြောင်းမှာ နိုင်ငံတော်သံဃမဟာနာယကဆရာတော်များသည် ကထိန်အကြောင်း ကျကျနနမယူဆတတ်

သောကြောင့် ဖြစ်သည်ဟူ၏။ ဟုတ်သည်၊ မဟုတ်သည်ကို စာရေးသူအတိအကျမသိပါ။ သို့ သော် ဆိုလိုရင်းကား

တောင်ပုလုတောရကမ္ဘာအေးဆရာတော်အရှင်နန္ဒိယသည်"စာတတ်ပေတတ်တပါးဖြစ်သည်"ဟူသောအချက်ပင်

ဖြစ်၏။

"သရဏဂုံအကျိုးတရား"ဟောပြောချက်ကို လေ့လာကြည့်သောအခါ တောင်ပုလုတောရကမ္ဘာအေးဆရာတော်

 စာတတ်၊ မတတ်ကိစ္စကို မပြောလိုသော်လည်း သူ့ အယူအဆနှင့်ညီညွတ်အောင်ပါဠိတော်များကိုလိုသလိုအသုံး

ပြုရာတွင် (ဝါ) အနက်အဓိပ္ပါယ်မသက်ဆိုင်သည်ကို သက်ဆိုင်သည်ထင်အောင် အသုံးပြုရာတွင် "ပါးနပ်မှု"

ရှိကြောင်း တွေ့ ရပါ၏။

 

၂။

"ယေကေစိ ဘိက္ခဝေ မယိ အဝေစ္စပသန္နာ၊ သဗ္ဗေ တေ သောတာပန္နာ။ (အဂုင်္တ္တိုရ်၊ ၃၊ နှာ-၃၅၁) လို့ လဲ ဒေသနာတော်မှာ လာပါတယ်။ အကြင်သူတို့ သည် ငါဘုရား၌ မတုန်မလှုပ်သက်ဝင်ယုံကြည်ကြကုန်၏၊ထိုသူအားလုံးတို့ သည်

 သောတာပန်တို့ သာတည်း လို့ အဓိပ္ပါယ်ရတယ် "

ဤကား တောင်ပုလုတောရကမ္ဘာအေးဆရာတော်အရှင်နန္ဒိယ၏ "သရဏဂုံတည်ခြင်းအကျိုး"လာ ဟောပြောချက်  ဖြစ်ပါ၏။ ကိုးကားသောပါဠိနှင့် မြန်မာပြန်တို့ သည် တောင်ပုလုတောရကမ္ဘာအေးဆရာတော်အရှင်နန္ဒိယရှေးမှာ ပြောဆိုခဲ့သည့် "တရားအားမထုတ်ဘဲ သရဏဂုံတည်ရုံမျှဖြင့် မဂ်ကို ရစေနိုင်သည်"ဟူသောစကားနှင့် ဆက်စပ်ယူဆခြင်း

မပြုပါက အဓိပ္ပါယ်အားဖြင့် အပိုအလိုမရှိပြည့်စုံပါ၏။ သို့ သော် အဂုင်္တ္တိုရ် ၃၊ ၃၅၁ လာ ဗုဒ္ဓစကားတော်

ကို ထုတ်ဖော်ပြခြင်းမှာ သူ၏အယူအဆဖြစ်သည့် "သရဏဂုံတည်ရင် တရားအားထုတ်စရာမလိုဘဲ မဂ်ရ၏"ဟူ

သောစကား ခိုင်မာမှန်ကန်ကြောင်း၊ ဗုဒ္ဓစာပေကျမ်းဂန်နှင့်ညီညွတ်ကြောင်းပြသလာသည့်အတွက် ဆွေးနွေးရန် လိုအပ်ပါ၏။

စကား ၂ ရပ်ကို ရှေးနောက် စဉ်ကြည့်ပါ။

(က) တရားအားမထုတ်ဘဲ သရဏဂုံတည်ရုံမျှဖြင့် မဂ်ကို ရနိုင်သည်။ (တောင်ပုလု၏ကိုယ်ပိုင်အယူ)

(ခ) ဘုရားကို မတုန်မလှုပ်ယုံကြည်သူတို့ သည် သောတာပန်ပုဂ္ဂိုလ်တို့ ဖြစ်၏။ (တောင်ပုလုအကိုးပြ ဗုဒ္ဓစကား)

ယင်းစကား ၂ ရပ်ကိုအနှစ်ချုပ်ကြည့်ပါက"သရဏဂုံတည်လျှင် တရားအားထုတ်စရာမလိုဘဲ သောတာပန်ဖြစ်

သည်"ဟူသော တောင်ပုလုတောရကမ္ဘာအေးဆရာတော်အရှင်နန္ဒိယ၏ ဆိုလိုချက်ကို ထင်ရှားစွာ တွေ့ မြင်

ရလေတော့၏။

၃။

တောင်ပုလုတောရကမ္ဘာအေးဆရာတော်အရှင်နန္ဒိယကိုးကားသော အဂုင်္တ္တိုရ် ၃၊နှာ- ၃၅၁ ဟူသည် အဂုင်္တ္တရနိ

ကာယ်၊ ဒသကနိပါတ်၊ ယမကဝဂ်လာ အဝေစ္စပသန္နသုတ္တန် ဖြစ်ကြောင်း တွေ့ ရ၏။  အဝေစ္စပသန္နသုတ္တန်မှာ စာအနေအထားတိုကျဉ်းသည့်အတွက် အဂုင်္တ္တိုရ်မြန်မာပြန်၊ ၃၊ ၃၄၉ လာ အတိုင်း တိုက်ရိုက်ကူးယူးတင်ပြပါမည်။

"ရဟန်းတို့  --ငါဘုရားအပေါ်၌ သက်ဝင်ယုံကြည်ကြသူဟူသမျှအားလုံးတို့ သည် အရိယာမဂ်အလျဉ်သို့ ရောက်

ကြသူတို့ တည်း။ ထိုအရိယမဂ်အလျဉ်သို့ ရောက်ကြသူတို့ တွင် ပုဂ္ဂိုလ်ငါးယောက်တို့ သည် ဤကာမဘုံ၌ 

ပရိနိဗ္ဗာန်ပြုကုန်၏၊။ ပုဂ္ဂိုလ်ငါးယောက်တို့ သည် ဤကာမဘုံကိုစွန့် ၍ ပရိနိဗ္ဗာန်ပြုကုန်၏။

အဘယ်ငါးယောက်တို့ အား ဤကာမဘုံ၌ ပရိနိဗ္ဇာန်ပြုကုန်သနည်း-----။

သတ္တက္ခတ္တုပရမသောတာပန်၊ ကောလံကောလသောတာပန်၊ ဧကဗီဇိ သောတာပန်၊ သကဒါဂါမ်၊

 မျက်မှောက်ဘဝ၌ပင် ရဟန္တာဖြစ်သောပုဂ္ဂိုလ်တို့ ပင်တည်း---။

ဤပုဂ္ဂိုလ်ငါးယောက်တို့ သည် ဤကာမဘုံ၌ပရိနိဗ္ဗာန်ပြုကုန်၏။

အဘယ်ငါးယောက်တို့ သည် ဤကာမဘုံကိုစွန့် ၍ ပရိနိဗ္ဗာန်ပြုကုန်သနည်း။

အန္တရာပရိနိဗ္ဗာယီအနာဂါမ်၊ ဥပဟစ္စပရိနိဗ္ဗာယီအနာဂါမ်၊ အသင်္ခါရပရိနိဗ္ဗာယီအနာဂါမ်၊ သသင်္ခါရပရိနိဗ္ဗာယီ

အနာဂါမ်၊ဥဒ္ဓံသောတအကနိဋ္ဌဂါမီအနာဂါမ်တို့ တည်း။ ဤငါးယောက်တို့ သည် ဤကာမဘုံကိုစွန့် ၍ ပရိနိဗ္ဗာန်ပြု ကုန်၏။

ရဟန်းတို့  --ငါဘုရားအပေါ်၌ သက်ဝင်ယုံကြည်ကြသူဟူသမျှအားလုံးတို့ သည် အရိယာမဂ်အလျဉ်သို့ ရောက်

ကြသူတို့ တည်း။ ထိုအရိယမဂ်အလျဉ်သို့ ရောက်ကြသူတို့ တွင် ပုဂ္ဂိုလ်ငါးယောက်တို့ သည် ဤကာမဘုံ၌ ပရိနိဗ္ဗာန်ပြုကုန်၏၊။ ပုဂ္ဂိုလ်ငါးယောက်တို့ သည် ဤကာမဘုံကိုစွန့် ၍ ပရိနိဗ္ဗာန်ပြုကုန်၏။"

ဤသုတ္တန်နှင့်ပတ်သက်၍ ရှေးဦးမဆွပြောလိုသည်မှာ တောင်ပုလုတောရကမ္ဘာအေးဆရာတော်အရှင်နန္ဒိယ၏ ဘာသာပြန်နှင့် ဆဋ္ဌသံဂါယနာမူအဂုင်္တ္တိုရ်မြန်မာပြန်၏ဘာသာပြန်ကွဲပြားပုံဖြစ်၏။

အဝေစ္စပသန္နသုတ္တန်လာ "သောတာပန္န"ပါဠိကို ယင်းသုတ္တန်အဖွင့်အဋ္ဌကထာတွင် "သောတာပန္နာ တိ အရိယမဂ္ဂသောတံ အာပန္နာ"ဟု အတိအကျအဓိပ္ပါယ်ဖွင့်၏။ "သောတာပန္နာ-ဟူသည် အရိယာမဂ်ရေစီးကြောင်းအလျဉ်သို့ ရောက်ပြီးသူတို့ တည်း

(ဟုဆိုလို၏) "ဟု မြန်မာပြန်ကိုသိလေ--။ ဤအဝေစ္စပသန္နသုတ္တန်အဋ္ဌကထာအာဘော်အတိုင်း ဆဋ္ဌသံဂါယနာမူ၊ အဂုင်္တ္တိုရ် အဝေစ္စပသန္နသုတ္တန်မြန်မာပြန်တွင်လည်း "အရိယာမဂ်အလျဉ်သို့  ရောက်ကြသူတို့ တည်း"ဟု ဘာသာပြန်သည်ကို သတိပြုပါ။ အရိယာပုဂ္ဂိုလ် ၄ မျိုးလုံးအကြောင်းဟောသော သုတ္တန်ဖြစ်သည့်အတွက် သောတာပန္နာ-ဟူသည်အရိယမဂ်အလျဉ်သို့ 

ရောက်သူတို့ တည်းဟူသော အဋ္ဌကထာ အဖွင့်မှာ အလွန်ပြည့်စုံကြောင်း လေ့လာတွေ့ ရှိရ၏။

တောင်ပုလုတောရကမ္ဘာအေးဆရာတော်အရှင်နန္ဒိယကား သူကိုးကားသောသုတ္တန်ပါဠိ၏ ဆိုလိုချက်၊ အဋ္ဌကထာအဖွင့်တို့ ကို ကြည့်ရှုသတိပြုမိဟန်မပေါ်၊ "သောတာပန္နာ-ပါဠိကိုတွေ့ ရင် သောတာပန်အရိယာကို ဆိုလိုတာပဲ"ဟု အတွေးပေါက်ကာ "ယေကေစိ ဘိက္ခဝေ မယိ အဝေစ္စပသန္နာ၊ သဗ္ဗေ တေ သောတာပန္နာ။ (အဂုင်္တ္တိုရ်၊ ၃၊ နှာ-၃၅၁) လို့ လဲ ဒေသနာတော်မှာ လာပါတယ်။ အကြင်သူတို့ သည် ငါဘုရား၌ မတုန်မလှုပ်သက်ဝင်ယုံကြည်ကြကုန်၏၊ထိုသူအားလုံးတို့ သည်

သောတာပန်တို့ သာတည်း လို့ အဓိပ္ပါယ်ရတယ် "---ဟုရှေ့ နောက်မဆင်ခြင်ဘဲ " အရမ်းဘာသာပြန်"သည်ကို တွေ့ ရ၏။

(အင်း--မန္တလေးစာသင်နည်း၊ ပခုက္ကစာသင်နည်းတွေ စုံလင်အောင်သင်ယူခဲ့ပေလို့ သာကိုး၊ မစုံခဲ့ရင် မတွေးဝံ့

တော့ဘူး--။ "ငါဘုရား၌မတုန်မလှုပ်သက်ဝင်ယုံကြည်ကြသူအားလုံးသည် စစ်ကိုင်းမြို့ ၊ သောတာပန်အရပ်သား

တို့  ဖြစ်ကြ၏"ဟု ဘာသာပြန်လေမလား မပြောတတ်ချေပြီ။)

၎။

အဂုင်္တ္တိုရ်ပါဠိတော်၊ ဒသကနိပါတ်၊ ယမကဝဂ်၊ အဝေစ္စပသန္နသုတ်လာ "သောတာပန္န"ပုဒ်မှာ သောတာပန်အရိ

ယာတမျိုးတည်းကို ဆိုလိုသည်မဟုတ်ကြောင်း၊ သရဏဂုံတည်လျှင် တရားအားထုတ်စရာမလိုဘဲ သောတာပန်

ဖြစ်သည်ဟုလည်းမဆိုကြောင်း၊ အရိယာပုဂ္ဂိုလ်အစားစားကို ကာမဘုံမှာ ပရိနိဗ္ဗာန်စံဝင်မည့်သူ၊ ကာမဘုံကို

စွန့် ၍ ပရိနိဗ္ဗာန်စံဝင်မည့်သူ ဟုခွဲခြားဟောပြတော်ခဲ့ကြောင်းကိုသာ  တွေ့ ခဲ့ရပေပြီ။

တောင်ပုလုတောရကမ္ဘာအေးဆရာတော်အရှင်နန္ဒိယသည် သူ၏ကိုယ်ပိုင်အယူအဆဖြစ်သည့် "တရားအားမထုတ်ဘဲ 

သရဏဂုံတည်ရုံမျှဖြင့် မဂ်ကို ရစေနိုင်တယ်"စကားအတွက် အဝေစ္စပသန္နသုတ်ပါဠိတော်စကားကို ကိုးကားသော်လည်း ထိုပါဠိတော်က သူ၏အယူအဆအတွက်အထောက်အကူမဖြစ်၊ သူကိုယ်တိုင်ပင် သူကိုးကားသော ပါဠိ၏ဆိုလိုချက်ကို နားလည်ခဲ့ဟန်မတူကြောင်း တွေ့ ရှိရပါသည်။

တောင်ပုလုတောရကမ္ဘာအေးဆရာတော်အရှင်နန္ဒိယသည် ပါဠိတော် ခေါ် ဗုဒ္ဓမြတ်စွာ၏စကားတော်ကို သက်သေသာဓက

အဖြစ် ကိုးကားပြသော်လည်း ဗုဒ္ဓဒေသနာအစစ်အမှန်အားထုတ်ဖော်ပြသသိစေရေးကို ပဓာနမထား၊ တောင်ပုလုအတွေး၊

 တောင်ပုလုအယူမှန်ကြောင်းပြသရေးအတွက် ပါဠိတော်ကိုသူ၏အသုံးချခံပစ္စည်းသက်သက်အဖြစ်သာ ယူငင်သုံးစွဲ

ခဲ့သည်ကို တွေ့ ရ၏။

၅။

 တောင်ပုလုတောရကမ္ဘာအေးဆရာတော်အရှင်နန္ဒိယမထေရ်၏"သရဏဂုံတည်ရုံမျှဖြင့်တရားအားထုတ်စရာ

မလိုဘဲ မဂ်ကိုရစေနိုင်သည်၊ သောတာပန်ဖြစ်နိုင်သည်"ဟူသောအဆိုမှာ ဗုဒ္ဓစာပေ၏အဆိုမဟုတ်၊ ယင်းအဆို

နှင့်ပတ်သက်၍ ပါဠိတော်များကို အနက်အဓိပ္ပါယ်အကောက်တမျိုးဖြင့် လိုရာဆွဲကာ အလွဲသုံးစားပြုဟောပြော

နေခြင်းသာဖြစ်၏။ ဗုဒ္ဓမြတ်စွာ၏ အဆုံးအမအစစ်အမှန်ကို ဖြန့် ဖြူးဟောပြသည်ဟုလည်း မဆိုနိုင်ပါချေ--။

အမရဒီပ

၎-၂ဝ-၂ဝ၁၂