ဝင့်ထန်းရဲ့ မိုးပြာဆောင်းပါး

သံဃမဟာနာယက အဖွဲ့က မိုးပြာဆရာတော်ကို အနိုင်ကျင့် ထောင်ချသလား

Details

Category: ပညာရေးသတင်း

Published on Saturday, 03 September 2011 12:39

Written by ၀င့်ထန်း

Hits: 10023

 ဗုဒ္ဓ၀ါဒသည် အစဉ်အလာ ထုံးစံအားဖြင့် အကြမ်း ဖက်မှုကို ဆန့်ကျင်ပြီး၊ မေတ္တာ၊ ကရုဏာ၊ မုဒိတာတရား လက်ကိုင်ပြုကာ ငြိမ်းချမ်းရေးကို လျှောက်လှမ်းသော ဘာသာတရား ဖြစ်သည်။
ဘာသာမတူသူ၊ အယူဝါဒ မတူသူနဲ့ အမြင်မတူသူများအပေါ် သည်းခံမှု (tolerance) ပေးစွမ်းနိုင်တဲ့ ဘာသာတရား တစ်ခုအဖြစ်လည်း ကမ္ဘာ့အလယ်မှာ ကျော်ကြားနေဆဲ ဖြစ်သည်။
အယူအဆ မတူသူများအပေါ် ဗုဒ္ဓ၀ါဒရဲ့ ခန္တီတရားနဲ့ပတ်သက်ပြီး၊ ဘီစီ ၂၆၈ မှာ ရေးထိုးခဲ့တဲ့ အိန္ဒိယပြည့်ရှင် အသောကမင်းရဲ့ ကျောက်စာတိုင်ကလည်း ထပ်မံသက်သေခံနေသည်။ အသောကမင်းက သူ့ကျောက်စာတိုင်မှာ အောက်ပါအတိုင်း ရေးထားသည်။
"အခြားဘာသာများအပေါ် ဝေဖန်ရှုတ်ချပြီး မိမိဘာသာကိုသာ ချီးမွမ်းမနေသင့်။ မိမိဘာသာ သာသနာကို တိုးတက်ကြီးပွားအောင်လုပ်ရင်းပင်၊ အခြားဘာသာ အယူဝါဒများကိုလည်း အားပေးချီးမြှောက်မှု ပြုကြရမည်။ ဒီလိုမဆောင်ရွက်ရင်၊ အခြားဘာသာ အယူဝါဒများအတွက် ဘေးအန္တရာယ်ဖြစ်စေသလို၊ မိမိဘာသာကိုလည်း မြေမြှုပ်သဂြိုင်္ဟ်ပြီးသား ဖြစ်သွားလိမ့်မည်...."
အနောက်တိုင်း အတွေးအခေါ်မှာ ပြင်သစ်စာရေးဆရာကြီး ဗောလ်တဲယား ရဲ့ အဆိုအမိန့်တစ်ခုကလည်း ဘာသာအယူဝါဒနဲ့ အမြင် အယူအဆ မတူသူတို့အပေါ် သည်းခံမှုနဲ့ ပတ်သက်ပြီး နာမည်ကြီးသည်။
"ခင်ဗျား ပြောတဲ့ဟာကိုတော့ ကျုပ်သဘောမတူဘူး၊ ဒါပေမဲ့ ခင်ဗျား အဲဒါ ပြောဆိုခွင့် ရဖို့တော့ ကျုပ် အသေခံပြီး ကာကွယ်ပေးသွားမယ်" ဆိုတဲ့ စကားဖြစ်သည်။
အသောကမင်းကြီးရဲ့ ကျောက်စာတိုင်ရော၊ ဗောလ်တဲယား ရဲ့ စကားကပါ နှစ်ခုစလုံးက လူသားထုအတွက် လွတ်လပ်စွာ သဘောကွဲလွဲခွင့်နဲ့ လွတ်လပ်စွာ ကိုးကွယ်ခွင့်တို့ကို အကြီးအကျယ် အားပေးရာ ရောက်ခဲ့သည်။
-------------------------
မကြာခင်က မြန်မာအင်ဂျင်နီယာဖိုရမ် အဖွဲ့က သူတို့ ၀ဘ်ဆိုဒ်မှာ အငြင်းပွားဖွယ် ဗုဒ္ဓဘာသာ အယူအဆ တစ်ခုအကြောင်း ဆွေးနွေးထားသည်။ အင်ဂျင်နီယာတွေက ဘာသာရေးကို ဆွေးနွေးထားတဲ့အတွက် ဂလိုဘယ်လိုက်ဇေးရှင်းခေတ်ရဲ့ ဘာသာရပ်နယ်ပယ်များ ပေါင်းစည်းထိစပ်မှု သက်သေပြယုဂ်တစ်ခုဟုပင် ဆိုရမည်။
မြန်မာအင်ဂျင်နီယာတွေ ဆွေးနွေးတဲ့ အကြောင်းရာက ပစ္စုပ္ပန် ကမ္မ၀ါဒ ဗုဒ္ဓဘာသာ အကြောင်း ဖြစ်သည်။ ပစ္စုပ္ပန် ကမ္မ၀ါဒ အယူအဆကို တင်ပြတဲ့ မိုးပြာဆရာတော် (ခေါ်) ဆရာတော် ဓမ္မ၀ိဟာရီ ရှင်ဥာဏ အကြောင်း ဖြစ်သည်။
ရှင်ဥာဏ က သံဃမဟာနာယအဖွဲ့ကို ရှေ့ဘ၀၊ နောက်ဘ၀ အယူမှားတွေနဲ့ ပတ်သက်ပြီး ဖယ်ရှားပေးဖို့ တောင်းဆိုတဲ့အခါ၊ သံဃာဂိုဏ်းခွဲဖို့ ကြံတယ်ဆိုပြီး၊ သံဃာမဟာနာယက ဆရာတော်ကြီးများက ရှင်ဥာဏ ကို (၃) နှစ် ထောင်ချလိုက်တဲ့ အကြောင်း ဖြစ်သည်။ နောက်မှ နာယက ဆရာတော်ကြီးများက တရားနိုင် ပြန်ပေးပြီး မှားယွင်းမှုလို့ဟု ပြောဆိုဝန်ခဲ့သည်။
ကျမ်းစာအုပ် တစ်ဒါဇင်ကျော် ရေးသားသူ ဆရာတော် ဓမ္မ၀ိဟာရီ ရှင်ဥာဏ ထောင်ကပြန်ထွက်လာတော့လည်း ပစ္စုပ္ပန် ကမ္မ၀ါဒ ဗုဒ္ဓဘာသာ ဆိုပြီး ရန်ကုန်တွင် သီးခြားရပ်တည် သီတင်းသုံးသည်။ ၀ါနီရောင် သင်္ကန်း မ၀တ်ဆင်စေဘဲ၊ သင်္ကန်းအပြာရောင်သာ ၀တ်ခွင့်ပြုသည်။
အမြင်မကြည်လင်တဲ့ သံဃာမဟာနာယကအဖွဲ့က ရှင်ဥာဏကို စစ်အစိုးရနဲ့ပေါင်းပြီး ထောင်ထဲ ပြန်ထည့်လိုက်ပြန်သည်။ ဆရာတော် ရှင်ဥာဏ မှာ သူ့အယူအဆအတွက် အဓမ္မ၀ါဒီအဖြစ် အစွပ်စွဲခံရပြီး၊ လက်ရှိအချိန်ထိ ထောင်ထဲမှာပင် ရှိနေသေးသည်။
ဆရာတော် ရှင်ဥာဏရဲ့ ပစ္စုပ္ပန် ကမ္မ၀ါဒ အယူအဆမှာ မြန်မာထေရ၀ါဒဗုဒ္ဓဘာသာဝင်များကြားတွင် ယခုချိန်ထိ ရေပန်းစားမှု မရှိပါ။ သို့သော် သံဃနာယက အဖွဲ့အတွက်တော့ ပြိုင်ဘက် အဓမ္မအယူအဆအဖြစ် သဘောထားကာ အမျိုးမျိုး ပိတ်ပင်တားမြစ်ထားရုံမက၊ မိမိအမြင်ရှုထောင့်တစ်ခု တင်ပြသူကို ထောင်ချထားသည်။ ထိုကဲ့သို့ အတွေးသစ်အမြင်သစ် တင်ပြသူကို နိုင်ငံတကာ တက္ကသိုလ်များတွင်တော့ မိစ္ဆာဒိဌိ ဟု မသတ်မှတ်ဘဲ စာတမ်းတစ်ခု(thesis) အဖြစ် လက်ခံထားကြမည်သာ ဖြစ်သည်။
အခုတော့ အခြားဘာသာကွဲများကိုတောင် ရပ်တည်ခွင့် ပေးထားတဲ့ မြန်မာနိုင်ငံမှာ၊၊ ဗုဒ္ဓဘာသာကို အမြင်တစ်ခုဖြင့် တင်ပြသူကို ထောင်ချထားသည်မှာ ခန္တီတရား လက်ကိုင်ထားတဲ့ ထေရ၀ါဒ သမိုင်းအတွက် အမည်းစက် စွန်းထင်းဖွယ်ရာ ဖြစ်သည်။
သံဃမဟာနာယက ဆရာတော်များရဲ့ လုပ်ရပ်က မြန်မာနိုင်ငံမှာ ဘာသာရေး လွတ်လပ်ခွင့် အားနည်းမှုကို ထင်ဟပ်ဖော်လျက် ရှိသည်။ သံဃာမဟာနာယက အဖွဲ့ဟာ လွတ်လပ်သော ဘာသာရေးအဖွဲ့ မဟုတ်ဘဲ၊ အာဏာပိုင် ယန္တရားသဖွယ် အမြင်ကွဲလွဲသူများအပေါ် ရက်ရက်စက်စက်ပြုမူရာ ရောက်နေသည်။
နိုင်ငံရေး အကျဉ်းသားဟောင်းဖြစ်သူ ဆရာတော် ဦးဇ၀နကတော့၊ ရှင်ဥာဏ ရဲ့ ပစ္စုပ္ပန် ကမ္မ၀ါဒ အပေါ် အမှားအမှန် ဝေဖန်မှုမပေးလိုကြောင်း၊ အားလုံးလွတ်လပ်စွာ ဆွေးနွေးရမည့် အကြောင်းအရာဖြစ်ကြောင်း ပြောသည်။
သို့သော် ရှင်ဥာဏရဲ့ အယူအဆကို လက်ခံတာ မခံတာ အပထား၊ သူ့အယူအဆကို တင်ပြခွင့်ရဖို့အတွက် ထောင်အကြိမ်ကြိမ်ကျခံ နေရသူမို့ လေးစားထိုက်တဲ့ ပုဂ္ဂိုလ်ဖြစ်ကြောင်း၊ သံဃာနာယကအဖွဲ့အနေနဲ့ အာဏာရှိသူနဲ့ ပေါင်းပြီး ရှင်ဥာဏကို အနိုင်ကျင့်ရာရောက်ကြောင်း ဦးဇ၀န ကမိန့်ကြားသည်။
မြန်မာနိုင်ငံသည် အမြင်အယူအဆ ပေါင်းစုံ ရှင်သန်ခွင့်ရှိဖို့၊ ဘာသာရေး လွတ်လပ်ခွင့်ရရှိဖို့၊ ဒီမိုကရေစီပန်းတိုင် ရောက်ရှိဖို့ လျှောက်လှမ်းနေကြချိန် ဖြစ်သည်။ လက်ရှိ သံဃမဟာနာယကအဖွဲ့ရဲ့ ရှင်ဥာဏ အပေါ် ပြုမူပုံမှာ မြန်မာလူထုရဲ့ အတွေးအခေါ် လွတ်လပ်ခွင့်အတွက် အန္တရာယ်ရှိစေရုံသာမက၊ အနာဂတ် ထေရ၀ါဒ သာသနာရေး အတွက်ပါ စိုးရိမ်ဖွယ် ရှိမှုကို ထင်ဟပ်ပြသနေသည်။

ဝင့်ထန်း

http://www.maukkha.org/index.php/news-menu/local-news-maukkha/1218-2011-09-03-12-45-24 

မောက္ခပညာရေးမဂ္ဂဇင်းမှာဖတ်ခဲ့ဖူးတာကို ပြန်လည်ဝေမျှတာပါ။ (အမရဒီပ)