အပြာရောင်ဝတ်ဘုန်းကြီး၊ ဓမ္မာစရိယတန်းအောင် ဓမ္မကထိက

နိဒါန်း

ဒီနေ့  အင်တာနက်သတင်းမှာ ဘာသာ၊ သာသနာဆိုင်ရာ သတင်း ၂ ပုဒ်တွေ့ မိတယ်။ တပုဒ်က မိုးပြာဦးဉာဏသတင်း၊ နောက်တခုက ဓမ္မာစရိယတန်းအောင်မှ နယ်လှည့်ဓမ္မကထိကဘဝနဲ့  အနယ်နယ်မှာ တရားဟောပြောခွင့်ရမယ်ဆိုတဲ့သတင်းတွေပါပဲ--။

အပြာရောင်ဝတ်စုံနဲ့ မြန်မာဘုန်းကြီးတမျိုး

၁၉၈၃ ခုနှစ်က သာသနာညှိုးနွမ်းစေမှုနဲ့  ထောင်ဒဏ်အပြစ်ပေးခံရဖူးသူ ဦးဉာဏဟာ ထောင်ကလွတ်မြောက်တဲ့အခါ 

ထေရဝါဒဗုဒ္ဓဘာသာအဖြစ်ကို စွန့် လွှတ်၊ အပြာရောင်ဝတ်၊ ပစ္စုပ္ပန်ကမ္မဝါဒဗုဒ္ဓဘာသာ (ခေါ် )ဝိသေသဗုဒ္ဓဘာသာကိုထူထောင်ပြီး တပည့်သာဝကများစွာခြံရံမှုရရှိလာချိန် ၂ဝ၁ဝ ခုနှစ် ဖေဖော်ဝါရီ ၁၂ ရက်နေ့ က မန္တလေးတိုင်း၊ ပုသိမ်ကြီးမြို့ နယ်၊ ကျီကုန်းရွာ၊ အနုပါဒါယဉ်ကျေးမှုမိုးပြာခြံမှာ ထေရဝါဒဗုဒ္ဓသာသနာတော်ကို အခြေခံကနေ စပြီး စော်ကားပုတ်ခတ်တဲ့ စာအုပ်စာတမ်း
များထုတ်ဝေခြင်း၊ ဟောပြောပြသခြင်း၊ သင်တန်းပေးခြင်း၊ အင်တာနက်သို့ တင်ပြီး ကမ္ဘာဖြန့် ခြင်း စတဲ့ စတဲ့ လုပ်ငန်းတွေ

လုပ်ဆောင်သီတင်းသုံးနေခိုက်မှာ ဖမ်းဆီးခံရတယ်။ ဘာသာရေးပုဒ်မတွေနဲ့  တရားစွဲခံရပြီး ထောင်ဒဏ်နှစ် ၂ဝ ချမှတ်ခံထားရတယ်၊ အခု သူဟာ ကချင်ပြည်နယ်၊ မြစ်ကြီးနားထောင်မှာ အကျဉ်းသားအဖြစ်ရောက်နေတယ်၊

အာရှလူ့ အခွင့်အရေးကော်မရှင်က ဦးဉာဏကိုအခုလိုလုပ်တာဟာ ဘာသာရေးလွတ်လပ်ခွင့်မရှိမှုနဲ့ လွတ်လပ်စွာ အသင်းဖွဲ့ စည်းခွင့်မရှိဖြစ်နေတယ်လို့  ထုတ်ဖော်ပြောဆိုကြောင်း သတင်းက ဆိုပါတယ်။

မြန်မာပြည်ကထင်ရှားတဲ့ ရှေ့ နေကြီးတဦးဖြစ်တဲ့ ဥပဒေအကျိုးဆောင် ဦးအောင်သိန်းကလည်း ဦးဉာဏဟာ ၁၉၈၃ ခုနှစ်အဖမ်းရတာ၊ ၂ဝ၁ဝ အဖမ်းခံရတာ အမှုတခုတည်းကြောင့်ဖြစ်တယ်။ အမှုတခုကို ၂ ခါအပြစ်ပေးခံတာဖြစ်လို့ 

 တရားမျှတမှုမရှိဘူးလို့  ဒီဗွီဘီသတင်းဌာနကို ပြောပါတယ်။

"ကျနော်တို့ က သူ့ ကို ယုံကြည်ချက်အကျဉ်းသားလို ဖြစ်နေတာ အမှန်ပဲ။ ဗုဒ္ဓဘာသာက သူ့ ဘာသာ

လမ်းခွဲထွက်ပြီးတော့ အပြာဝတ်ပြီး ရပ်တည်နေတဲ့သဘောပေါ့။ ကျနော်သူ့ အစီအစဉ်ကို မပြောလိုဘူး။ ကျနော်ပြောတာက ဥပဒေဆိုင်ရာကိစ္စကိုပြောတာပါ။ ဥပဒေက ချပြီးသားအမှုကို ထပ်ပြီးချတယ်ဗျာ"

နိုင်ငံတော်သီးခြားဝိနည်းဓိုရ်အဖွဲ့ အမှတ် (၁၇/ ၂ဝ၁၁) ရဲ့ ရှင်းလင်းပြောဆိုချက်အရ ဦးဉာဏဟာ ထေရဝါဒ၊ မဟာယာနဗုဒ္ဓဘာသာမဟုတ်ဘူး။ ဒါကြောင့် သူ့ ဂိုဏ်းကို "ဝိသေသဗုဒ္ဓဘာသာ" နာမည်ပေးတယ်။

ပြီးတော့ ၁၃၄၁ ခုနှစ်၊ ၁၉၈ဝပြည့်နှစ်နောက်ပိုင်းမှာ ဗုဒ္ဓဘာသာဂိုဏ်းအသစ်ထူထောင်ခွင့်ကို အစိုးရက တားမြစ်ခဲ့ပြီးဖြစ်တယ်။ ဦးဉာဏက အဲဒီတားမြစ်ချက်ကို မလိုက်နာဘဲ ပစ္စပ္ပန်ကမ္မဝါဒဗုဒ္ဓဘာသာဆိုပြီး ဂိုဏ်းသစ် ထောင်တယ်။ အခု ဦးဉာဏက အဲဒီဥပဒေနဲ့ မလွတ်ကင်းတာကြောင့် ထောင်ကျနေရတယ်။

လွတ်လပ်စွာကိုးကွယ်ခွင့်ဆိုတာနဲ့ ပတ်သက်လို့  သီးခြားဝိနည်းဓိုရ်အဖွဲ့ ရဲ့ ပြဆိုချက်ကို တိုက်ရိုက်ပဲ တင်ပြလိုပါတယ်။ တခုခုလွဲချော်သွားရင် စာဖတ်သူအတွက် မကောင်းဖြစ်မှာစိုးရိမ်လို့ ပါပဲ။

            "တိုင်းပြည်တပြည်ရဲ့ အခြေခံဥပဒေထဲမှာ လွတ်လပ်စွာ ကိုးကွယ်ယုံကြည်ခွင့်ကို အတိအလင်း

ပေးထားတာပဲ-ဟု အကြောင်းပြကာကွယ်လိုကြသေး၏။ မှန်ပါ၏။ "မည်သည့်ဘာသာများကို(မဆို) လွတ်လပ်စွာ ယုံကြည်ခွင့်ရှိသည်"

ဗုဒ္ဓဘာသာ ခရစ္စယန် မွစ္စလင် ဟိန္ဒူဘာသာစသည် မည်သည့်ဘာသာကိုမဆို လွတ်လပ်စွာ ကိုးကွယ်နိုင်ကြောင်း၊ နတ်ကိုးကွယ်သောဘာသာစသည်မျာများကိုသာ လွတ်လပ်စွာ ယုံကြည်ကိုးကွယ်ခွင့်ရှိသည်ဟု ဆိုလိုသည်။ ကိုးကွယ်မှုကို မကန့် သတ်၊ မချုပ်ချယ်ရန် လွတ်လပ်စွာ ယုံကြည်ကိုးကွယ်ခွင့်ရှိသည်ဟု ပြဌာန်းထားသည်မှာ မှန်ပါ၏။

သို့ သော် ဗုဒ္ဓဘာသာဝင်များထဲမှ (မူလရှိပြီးဂိုဏ်းကြီးကိုးဂိုဏ်းမှတပါး) အခြားသော ဗုဒ္ဓဘာသာဂိုဏ်းကွဲများကို လွတ်လပ်စွာ ထူထောင်ခွင့်ရှိသည်၊ ကိုးကွယ်ခွင့်ရှိသည်ဟု ဆိုလိုသည်မဟုတ်ပေ။

အရေးကြီးသည်မှာ မည်သည့်ဘာသာမျှ မဝင်ဘဲ အလွတ်နေလိုလျှင် နေနိုင်သည်။ နေကြသည်။ မနေဘဲ ဘာသာတခု ဂိုဏ်းတခုသို့ သက်ဝင်ခဲ့လျှင်ကား ထိုဘာသာ ထိုဂိုဏ်း၏ ဘာသာရေးစည်း ဂိုဏ်းစည်းကိုမူ လေးစားလိုက်နာရမည်ဖြစ်ပါ၏။"  (မိုးပြာဝိနိစ္ဆယ၊ စာမျက်နှာ ၁၂)

ဒီပြဆိုချက်အရ မိုးပြာဦးဉာဏဟာဗုဒ္ဓဘာသာထဲမှ နုတ်ထွက်နိုင်တယ်၊ ပြဿနာမရှိဘူး။ ပြဿနာက ညောင်ပင်ကြီးအောက်
 ညောင်ပင်လေးစိုက်တာပါပဲ။ ထေရဝါဒဗုဒ္ဓဘာသာစာပေတွေကို အသုံးပြုပြီ ထေရဝါဒဗုဒ္ဓဘာသာ ကို ဆန့် ကျင်တာ။ လိုရင်လိုသလို အသုံးချပြီး မလိုရင်မလိုသလို အပုပ်ချတာကို ဦးဉာဏလုပ်တာပါပဲ။ ဗုဒ္ဓဘာသာကထွက်တယ်ဆိုပြီး
ဗုဒ္ဓဘာသာနဲ့  လွတ်လွတ်ကင်းကင်းဟောပြောတာမျိုးလုပ်သင့်ပါရဲ့နဲ့ မလုပ်ဘဲ မလွတ်မကင်းလုပ်လာတာကြောင့်

 အခုပြဿနာပေါ်တာပါပဲ။

ဦးဉာဏတယောက် ထောင်ကလွတ်မြောက်လာတယ်ပဲထား--။ သူ့ ပြဿနာဟာ "ရိုဟင်ဂျာ"ကိစ္စလို ဖြေရှင်းရခက်လာမယ်။

 မြန်မာပြည်တိုင်းရင်းသားအဖြစ် ရိုဟင်ဂျာတွေ သတ်မှတ်ခြင်းမခံရသလို ဦးဉာဏရဲ့ ပစ္စပ္ပန် ကမ္မဝါဒဂိုဏ်းကို သက်ဆိုင်ရာဘာသာရေးအဖွဲ့ အစည်းက တရားဝင်ဂိုဏ်းဂဏတခုအဖြစ် လက်ခံမယ်မထင်ဘူး။ 

ရိုဟင်ဂျာဟာ မြန်မာပြည်ရဲ့နယ်မြေတစိတ်တဒေသကိုလွှမ်းမိုးပိုင်ဆိုင်ဖို့ ကြိုးစားသလို ပစ္စုပ္ပန်ကမ္မဝါဒဗုဒ္ဓဘာသာ

ဆိုတာလည်း ထေရဝါဒ၊မဟာယာနဗုဒ္ဓဘာသာဝင်တွေအကြားနေရာတနေရာယူနိုင်အောင် ကြိုးစားမှာပါပဲ။

ရိုဟင်ဂျာဆိုတာ တိုင်းရင်းသားတခုအဖြစ်လက်ခံတာ၊ လက်မခံတာရှိပစေဦး--လူ့ အခွင့်အရေးဆိုတဲ့ ရှုထောင့်က ကြည့်သူရှိသလို ဦးဉာဏရဲ့ ပစ္စုပ္ပန်ကမ္မဝါဒဗုဒ္ဓဘာသာဆိုတာကို လက်ခံတာ၊ လက်မခံတာထား-- လူ့ အခွင့်အရေး၊ ဘာသာရေးလွတ်လပ်ခွင့်၊

 လွတ်လပ်စွာယုံကြည်ခွင့်ဆိုတဲ့ ရှုထောင့်ကကြည့်ပြီး ပြောကြဆိုကြဦးမှာမို့  မိုးပြာရောင်ဝတ်ရုံရှင် ဦးဉာဏကိစ္စဟာ

"ပြောမဆုံးပေါင်တောသုံးတောင်"ဖြစ်နေဦးမယ်ဆိုတာ ခန့် မှန်းမိပါတယ်။

နယ်လှည့်၊ ကမ္ဘာလှည့်တရားဟောဆရာများ

ဘာသာ၊ သာသနာ၊ အယူအဆတခုခုကို ဟောပြောပို့ ချသူတိုင်း ကိုယ့်အလုပ်ကိုယ်ပိုင်ပိုင်နိုင်နိုင်ရှိသင့်တာ အထူးပြောစရာမလိုပါဘူး။ တရားဟောတယ်ဆိုတာ ပရိသတ်ကို စကားပြောရဲတာ၊ စကားပြောကောင်းတာ

လောက်နဲ့  မပြီးပါဘူး။ ဝိနည်း၊ သုတ္တန်၊ အဘိ၊မ္မာသဘောတရားတွေကို အခြေခံကျကျသင်ယူတတ်မြောက်နား

လည်ထားသင့်တယ်။ အရင်ခေတ်ကတော့ စာမေးပွဲဦးစားမပေးဘဲ တကယ်သိအောင်၊ တတ်မြောက်အောင် သင်ခဲ့ကြတယ်။ စာမေးပွဲအောင်လက်မှတ်ပြစရာမရှိဘဲ ကျမ်းပြုသွားတဲ့ ရှေးဆရာတော်ကြီးတွေရဲ့စာတွေပဲ ကြည့်ပါ။

အခုခေတ်ကတော့ စာမေးပွဲခေတ်ဖြစ်နေတယ်။ တတ်တာ၊ မတတ်တာမသိဘူး၊ စာမေးပွဲအောင်အောင် ကြိုးစားလာကြတယ်။ အဲဒီတော့ ရိုးရိုးသားသားနဲ့ စာမေးပွဲအောင်သူတွေက စာမေးပွဲလည်းအောင် တကယ်လည်း စာတတ်သူတွေဖြစ်လာတယ်။ ခိုးဖြေ၊ ခိုးကူးသူတွေကတော့ စာမေးပွဲကို အဆင့်မြင့်မြင့်အောင်ပေမယ့် အရည်အချင်းဆင်းရဲနိမ့်ကျသူတွေ ဖြစ်လာတယ်။

"ဂုဏ်ရှိသူကိုမှ လူမြင်တယ်"စကားအရှိသားပဲ--။ ဘွဲ့ ထူးဂုဏ်ထူးတွေဆိုတာ အဲဒါကို အထင်ကြီးသူတွေအတွက် ဆွဲဆောင်မှုတမျိုးဖြစ်တယ်။ အမရပူရ၊ မဟာဂန္ဓာရုံဆရာတော်ဟာ စာမေးပွဲတွေ မအောင်လည်း သူ့ အရည်အ

ချင်းကို သူယုံပြီးသားပဲ။ ဒါပေမယ့် ဂုဏ်ရှိမှအလုပ်ဖြစ်မယ်ဆိုတာမြင်လို့  စာမေးပွဲဆိုင်ရာဂုဏ်တွေ ရအောင်ကြိုးစားခဲ့တယ်။

ဒီကနေ့ မှာ အချို့ တရားဟောဆရာတွေ စာတွေနားလည်တယ်၊ စာမေးပွဲဂုဏ်မရှိဘူး။ဂုဏ်မရှိလို့ 

မတွင်ကျယ်ဖြစ်ကြတယ်။ အဲဒီဆရာတွေ သံဃမဟာနာယကပြောသလို ဓမ္မာစရိယတမျိုးမျိုးအောင်ဖို့ လိုတယ်။ (မအောင်ရင် ကိုယ့်ကျောင်းကိုယ်ဟောပေါ့။ နယ်လှည့်ခွင့်တော့မရဘူးပေါ့လေ။)

ငယ်စဉ်ကတည်းက သာမဏေဝတ်၊ ရဟန်းပြုခဲ့ပေမယ့် ဗုဒ္ဓစာပေမသင်ဘဲ တိုင်းရင်းဆေးကုနည်းကိုသာ သဲကြီးမဲကြီးလိုက်စားခဲ့တဲ့ဘုန်းတော်ကြီးတပါး သက်တော် ၇ဝ လောက်မှာ စစ်အစိုးရကပ်တဲ့ "အဂ္ဂမဟာပဏ္ဍိတ" ဘွဲ့ ရတယ်။ အဲဒီအဂ္ဂမဟာပဏ္ဍိတပုဂ္ဂိုလ်ကြီးကလည်း တရားဟောရင် "သရဏဂုံသာတည်ရင် တရားအားမထုတ်ဘဲ မဂ်ဖိုလ်ရနိုင်တယ်"  

အမှားကိုဟောနေတာပဲ။ (နယ်လှည့်ဓမ္မကထိကများ ဓမ္မာစရိယအောင်ရမယ်သတ်မှတ်တဲ့ မဟနအဖွဲ့ အနေနဲ့  တရားအမှားတွေဟောတဲ့ အဂ္ဂမဟာပဏ္ဍိတ၊ ဓမ္မကထိကဗဟုဇနဟိတစတဲ့ ဘွဲ့ ရပုဂ္ဂိုလ်တွေ

ကိုလည်း ပြန်လည်စစ်ဆေးခြင်း၊ သတိပေးခြင်း၊ ပညာပေးခြင်းစတာတွေကို လုပ်သင့်တာပေါ့။)

အချို့ တရားဟောဆရာတွေ လောကီအတန်းကျောင်းဆိုင်ရာ ဘီအေ၊ ဘီအက်(စီ) ဘွဲ့ တွေ ရကြတယ်။ ဗုဒ္ဓစာပေကို ကောင်းကောင်းမလေ့လာဘဲ တရားဟောကြတယ်။ အားနည်းချက်တွေ ရှိတယ်။ ရဟန်းပညာရှိ၊ လူပညာရှိတွေရဲ့ နှစ်သက်မှုကို မရရှိကြဘူး။

အမေရိကားမှာ ရူပဗေဒနဲ့ ဒေါက်တာဘွဲ့ ရသူတဦး၊ ဓာတုဗေဒနဲ့ ဒေါက်တာဘွဲ့ ရသူတဦး တို့ ကို တွေ့ ဖူးတယ်။

 နှစ်ဦးလုံးက မြန်မာလူမျိုး၊ ဗုဒ္ဓဘာသာဝင်တွေချည်းပဲ။ သူတို့ က ဗုဒ္ဓဘာသာနဲ့ မဆိုင်တဲ့ ပညာရပ်တွေနဲ့ 

 ဒေါက်တာဘွဲ့ ရရုံလောက်နဲ့  ဗုဒ္ဓဘာသာတရားတွေကို နားလည်တယ်လို့  ထင်နေကြတယ်။ တဦးကဆို

"သမထကျင့်ရင် နိဗ္ဗာန်ရောက်တယ်"ပြောနေလို့  ပြင်ပေးတာ-- အကြီးအကျယ်စိတ်ဆိုးသွားတယ်။

 လောကီဘွဲ့ ရတရားဟောရဟန်းတော်တပါးဆိုရင် "ဝင်လေ-ထွက်လေမှတ်ချက်တိုင်းမှာ ဓမ္မက္ခန္ဓာပေါင်း ရှစ်သောင်းလေးထောင်ဖြစ်တယ်" ဆိုပြီး နယ်တင်မက ကမ္ဘာပါပတ်ပြီးဟောနေတာပဲ--။

အဲဒီလိုလောကီဘွဲ့ ရတွေ ဗုဒ္ဓသာသနာထဲရောက်လာရင်၊ တရားဟောဝါသနာလည်းရှိမယ်ဆိုရင် အတိုင်းအတာ တခုအထိတော့ ပရိယတ္တိစာပေကို ပေါက်မြောက်အောင်သင်ရပေလိမ့်မယ်။

လန်ဒန်၊ တိသရဏဝိဟာရမြောင်းမြဆရာတော်ကြီးသြဝါဒတခုမှာ "လောကရေးလည်းမညံ့စေနဲ့ ။ သာသနာရေးလည်း မချွတ်ယွင်းစေနဲ့ " ဆိုတာကို မျှဝေချင်တယ်။ ကမ္ဘာလှည့်၊နယ်လှည့်ကြမယ့်  တရားဟောဆရာတွေဟာ လောကရေးဖြစ်တဲ့ ဘွဲ့ ဂုဏ်လည်း ပိုင်ဆိုင်ကြပါစေ။ မြတ်ဗုဒ္ဓအဆုံးအမအစစ်အမှန်ကိုလည်း မချွတ်ယွင်းအောင် ဟောပြောနိုင်ကြပါစေ။

အမရဒီပ

၃-၂၁-၂ဝ၁၂

ရည်ညွှန်း။ 

 http://burmese.dvb.no/archives/22920

 http://burmese.dvb.no/archives/22917