ရွှေဝါရောင် ဆရာတော် ဦးပညာဇောတနှင့် ဆက်သွယ်မေးမြန်းခြင်း

ရွှေဝါရောင် ဆရာတော် ဦးပညာဇောတနှင့် ဆက်သွယ်မေးမြန်းခြင်း

| ကြာသပတေးနေ့၊ ဖေဖေါ်ဝါရီလ ၁၄ ရက် ၂၀၀၈ ခုနှစ် ၂၀ နာရီ ၃၉ မိနစ်

“မြန်မာပြည်သားတွေ အကျိုးအတွက် ရဟန်းတွေဟာ ကိုယ်တတ်နိုင်တာ လုပ်ရမယ်”

မြန်မာနိုင်ငံလုံးဆိုင်ရာ သံဃာ့တပ်ပေါင်းစုအတွင်း အခရာကျသော ဆရာတော်တပါး ဖြစ်သည့် ဦးပညာဇောတသည် စစ်အစိုးရက ပိုက်စိတ်တိုက် လိုက်လံ ရှာဖွေနေသည့် ကြားမှ ထိုင်း-မြန်မာ နယ်စပ်သို့ မကြာသေးခင်က လွတ်မြောက် ရောက်ရှိလာခဲ့သည်။
စစ်အစိုးရကို တုန်လှုပ် ခြောက်ခြား သွားစေခဲ့သော ရဟန်းသံဃာတော်များ၏ မေတ္တာပို့ ဆန္ဒပြမှုများ ဖြစ်ပေါ်လာရေး ကြိုးပမ်းခဲ့သူ ဆရာတော်က မေတ္တာတရားဖြင့် ပြည်သူပြည်သားတွေ ကောင်းကျိုးနှင့် အမှန်တရားအတွက် ရဟန်းသံဃာများ လုပ်သင့်သည်ကို လုပ်ခြင်းဖြစ်ပြီး နိုင်ငံရေး လုပ်တာမဟုတ်ဟု ခိုင်ခိုင်မာမာ ယုံကြည်ထားသည်။
ထောင်တွင်းအကျဉ်းချ ဖမ်းဆီးစစ်ဆေးမှု အကြိမ်ကြိမ်ခံရဖူးသူ ဆရာတော်သည် လက်ရှိအချိန်တွင် ချိတ်ပိတ်ခံထားရသည့် ရန်ကုန်မြို့ သင်္ကန်းကျွန်းမြို့နယ်ရှိ မဂ္ဂင်ကျောင်းတိုက်၏ တိုက်အုပ်ဆရာတော် ဖြစ်ခဲ့ပြီး ၈၈ မျိုးဆက် ကျောင်းသား ခေါင်းဆောင်များနှင့်လည်း လုပ်ဖော်ကိုင်ဖက်များ ဖြစ်သည်။
မြန်မာနိုင်ငံလုံးဆိုင်ရာ သံဃာ့တပ်ပေါင်းစု ထူထောင်သူ ရဟန်းတော် ၆ ပါးအနက် ဦးဂမ္ဘီရနှင့် ဦးကေသရတို့ ၂ ပါးမှာ အဖမ်းခံထားရသည်။
တိုင်းပြည်ကောင်းစားရေးအတွက် တွေ့ဆုံဆွေးနွေးမှု မရှိမဖြစ် လိုအပ်သည်ဟု လေးနက် တည်ကြည်စွာဖြင့် ဆရာတော်က ပြောသည်။

မေး။    ။ ဦးဇင်းဘုရား၊ ဘယ်နေ့က နယ်စပ်ကို ရောက်တာလဲ ဘုရား။
ဖြေ။      ။ ရက်ပိုင်းလေးပါပဲ။ သိပ်မကြာသေးပါဘူး။

မေး။ ။ ဦးဇင်းက အရှင်ဂမ္ဘီရတို့လို ရွှေဝါရောင် တော်လှန်ရေးရဲ့ ဦးဆောင် သံဃာတော်တပါးအဖြစ် သိထားပါတယ် ဘုရား။
ဖြေ။ ။ ဦးဂမ္ဘီရဟာ ဦးဇင်းတို့ မြန်မာနိုင်ငံလုံးဆိုင်ရာ သံဃာ့တပ်ပေါင်းစုက ရဟန်းတပါးပါ။ ဝါအနေနဲ့ဆိုရင် ဦးဇင်းက အကြီးဆုံးပါပဲ။ အတွေ့အကြုံအရလည်း ဦးဇင်းက အကြီးဆုံးပါပဲ။ တာဝန် အရှိဆုံးပါပဲ။ ဦးဇင်းတို့ သံဃာ့ တပ်ပေါင်းစုမှာ ရဟန်း (၆) ပါး ရှိပါတယ်။ ဦးဇင်းအနေနဲ့က အဓိက အကြံဥာဏ်နဲ့၊ အတွေ့အကြုံ ဗဟုသုတတွေကို သူတို့ကို ပံ့ပိုး ပေးခဲ့ရပါတယ်။ ဦးဇင်းက ပထမအကြိမ် ၁၉၉ဝ ခုနှစ်မှာ နိုင်ငံရေးမှုနဲ့ ထောင် (၃) နှစ်ကျပါတယ်။ ဒုတိယအကြိမ် ၁၉၉၈ ခုနှစ်မှာ ဒုတိယအကြိမ်မှာ နိုင်ငံရေးမှုနဲ့ပဲ (၇) နှစ်ကျပါတယ်။ ကိုဌေးကြွယ်တို့၊ ကိုကိုကြီးတို့ကလည်း ဦးဇင်းနဲ့ လုပ်ဖော်ကိုင်ဖက်တွေ ဖြစ်ပါတယ်။

မေး။ ။ ဦးဇင်းရဲ့သက်တော်နဲ့ ဝါတော်ကို မိန့်ကြားပါဘုရား။
ဖြေ။ ။ ဦးဇင်းဝါတော်က (၂၈) ဝါ၊ အသက်က (၄၈) ပါ။ သင်္ကန်းကျွန်း မဂ္ဂင်ကျောင်းတိုက်က တိုက်အုပ်ဘုန်းကြီး ဖြစ်ပါတယ်။

မေး။ ။ အပိတ် ခံလိုက်ရလိုက်တဲ့ ကျောင်းပေါ့ဘုရား။
ဖြေ။ ။ ဦးဇင်း အထက်မှာ အဖမ်းခံထားရတဲ့ ဦးဣန္ဒက ဆိုတာ။ အခု အင်းစိန်ထောင်ထဲမှာ ရှိပါတယ်။ သူက ကျောင်းထိုင်ပါ။ ဦးဇင်းက တိုက်အုပ်ပါ။

မေး။ ။ ဦးဇင်းရဲ့ ရွှေဝါရောင် တော်လှန်ရေးကာလက အမှတ်ရချက်ကို မျှဝေပေးပါ ဘုရား။
ဖြေ။  ။ ထူးခြားတဲ့ အတွေ့အကြုံကတော့ ပထမဆုံး ပတ္တနိက္ကုဇ္ဇန ကံဆောင်မယ် ဆောင်တဲ့နေ့က အတွေ့အကြုံပဲ ဖြစ်ပါတယ်၊ သံဃာတပ်ပေါင်းစုက ဦးဆောင်ပြီး (၁၈) နေ့မှာ ကံဆောင်မယ်လို့ ပြောထားတယ်။ အကယ်၍သာ အဲဒီ ကံဆောင်ပွဲ ဖြစ်မလာဘူးဆိုရင် ဦးဇင်းတို့ရဲ့ ကတိမတည်ဘူး၊ သာသနာတော် အတွက်လည်း သိက္ခာကျမယ်၊ ရဟန်းသံဃာတော်တွေ အတွက်လည်း သိက္ခာကျမယ်။ ဒါပေမယ် ဦးဇင်းတို့က နေရာအနေနဲ့ (၅) နေရာလောက် ခွဲပြီးလုပ်တဲ့အခါမှာ ရန်ကုန်က (၃) နေရာ သတ်မှတ်တဲ့အခါ၊ (၃) နေရာလုံး အောင်မြင်ပါတယ်။ မန္တလေးကတော့ (၁၈) ရက်နေ့မှာ မလုပ်နိုင်ပေမယ့်၊ (၁၉) ရက်နေ့မှာ စလုပ်နိုင်တယ်။ ဒါကြောင့် ဖြစ်မှဖြစ်ပါ့မလား ဆိုတဲ့ သံသယစိတ်တွေ ရှိခဲ့တယ်။ ဒါပေမယ့် တကယ်မှာ ဦးဇင်းတို့ မှန်းထားတာထက် ပိုအောင်မြင်ခဲ့တဲ့အတွက် (၁၈) ရက်နေ့က အတွေ့အကြုံဟာ နောက်ရက်တွေ ထပ်ပိုပြီး စိတ်လှုပ်ရှားမှု ဖြစ်ပါတယ်။

မေး။ ။ သံဃာထုတွေနဲ့အတူ ဦးဇင်းကိုယ်တိုင် မေတ္တာပို့ လမ်းလျှောက်ခဲ့တဲ့ အတွေ့အကြုံက ဘယ်လိုရှိပါသလဲ။
ဖြေ။ ။ ဦးဇင်းတို့ သံဃာ့ တပ်ပေါင်းစုအောက်မှာ သံဃာ့အဖွဲ့ငယ်တွေ ရှိပါတယ်။ ဦးဇင်းတို့က အတွေ့အကြုံ များတဲ့ ပုဂ္ဂိုလ်တွေဖြစ်တော့ ရှေ့ဆုံးက တာဝန် မယူပါဘူး။ ဘေးက ရံပါတယ်။ ဘယ်ပုဂ္ဂိုလ်က ဘာတာဝန်ယူ၊ ဘယ်ပုဂ္ဂိုလ်က ဘာတာဝန်ယူ ဆိုတာကို စီစဉ် ညွန်ကြားပါတယ်။ ဘာကြောင့်လဲဆိုရင် ဒီပွဲမှာ ရှေ့ထွက်လိုက်ရင် ဦးဇင်းတို့လုပ်တာ တန်းမိသွားပြီးတော့ ဖြိုခွဲခံရမယ်။ ဒါကြောင့် ဦးဇင်းတို့က ဘေးကနေ ရံပြီး လိုက်ပါခဲ့တယ်။ လှုပ်ရှားမှုမှာ ဦးဆောင်နေတဲ့ ပုဂ္ဂိုလ်တွေက သံဃာ့ တပ်ပေါင်းစုမှာပါတဲ့ (အဓိကအားဖြင့် ၄ ဖွဲ့) တဖွဲ့ဖွဲ့မှာ ပါဝင် တာဝန်ထမ်းဆောင်နေတဲ့ ရဟန်းတွေ ဖြစ်ပါတယ်။

မေး။ ။ လှုပ်ရှားမှုအပြီးမှာ ဦးဇင်း ဘယ်လို ရှောင်တိမ်းခဲ့ရပါသလဲ၊ သိခွင့် ရသလောက်ပါ ဘုရား။
ဖြေ။ ။ တချို့တဝက်တော့ ပြောပါမယ်။ အတွင်းက လူတွေရဲ့ လုံခြုံရေးကြောင့် အကုန်ပြောလို့ မရပါဘူး။ ၂၆ ရက်နေ့ညမှာ မဂ္ဂင်ကျောင်းတိုက်ကို ဝင်စီးပါတယ်။ ဦးဇင်းက ရွှေဝါရောင် တော်လှန်ရေး မတိုင်ခင်ကတည်းက ကိုမင်းကိုနိုင်တို့၊ ကိုကိုကြီးတို့နဲ့က ကျောင်းနဲ့ သူတို့အိမ်နဲ့က နီးစပ်တဲ့အတွက် သူတို့ကို ဖမ်းသွားပြီး မကြာခင်မှာပဲ ဦးဇင်းက အပြင်မှာ ရှောင်ပုန်းပြီး နေတယ်။ နေရင်းနဲ့မှ သံဃာ့ တပ်ပေါင်းစုအဖွဲ့ ဆိုတာ ဖြစ်လာတယ်။ မဂ္ဂင်ကျောင်းကို ဝင်စီးတဲ့အခါမှာ ဦးဇင်းက အပြင်မှာပဲ ရှိပါတယ်။ တလျှောက်လုံး အပြင်မှာပဲ နေတယ်။ အပြင်မှာရှိတဲ့ ဒကာ ဒကာမတွေ၊ ရဟန်းတွေ၊ သူငယ်ချင်း မိတ်ဆွေတွေ၊ တပည့်တွေရဲ့ ကူညီပံ့ပိုးမှု၊ စောင့်ရှောက်မှုကြောင့် ပုန်းရှောင်နိုင်ခဲ့ပါတယ်။ အဲဒီနောက်မှာ သံဃာ့ တပ်ပေါင်းစုကို ပြန်လည်ပြီး ဖွဲ့စည်းခဲ့ပါတယ်။ အခုဆိုရင် သံဃာ့တပ်ပေါင်းစုကို ခိုင်ခိုင်မာမာ ဖွဲ့စည်းထားနိုင်ပါပြီ။ ဦးဇင်း ပြင်သင့်တာကို ပြင်ထားပြီးပြိလို့ ပြောချင်ပါတယ်။

မေး။ ။ လှုပ်ရှားမှုကို သံဃာထုက ဦးဆောင်ရမယ် ဆိုတာ ဦးဇင်းတို့ ဘယ်လို စတင်သိမြင် လာပါသလဲ ဘုရား။
ဖြေ။ ။ ဦးဇင်းတို့ သံဃာ့တပ်ပေါင်းစု ဆိုတာက အောက်တိုဘာ အရေးအခင်း ဖြစ်လာမှ၊ စက်သုံးဆီ ဈေးနှုန်းတွေ ကြီးမြင့်လာမှ ဖြစ်လာတာ မဟုတ်ပါဘူး။ အရင့်အရင်မှာ သံဃာ့ အဖွဲ့အစည်းငယ်တွေ၊ ရဟန်းပျို သမဂ္ဂတွေ၊ သံဃာ သမဂ္ဂီတွေ၊ ရန်ကုန်တိုင်း ရဟန်းပျိုတွေ၊ သောတုဇနတွေ စသည်ဖြင့် တော်တော်များများ ရှိပြီးသားပါ။ ဟိုးအရင်ကတည်းက ရှိခဲ့တာပါ။ တချိန်ချိန်မှာ ပြည်သူတွေနဲ့ လက်တွဲပြီး၊ ဒီမိုကရေစီ အင်အားစုတွေနဲ့ လက်တွဲပြီး မြန်မာပြည်သားတွေရဲ့ အကျိုးအတွက် ရဟန်းတွေဟာ ကိုယ်တတ်နိုင်တာ လုပ်ရမယ်ဆိုတဲ့ အိုင်ဒီယာ ရှိပါတယ်။ အဲလိုအချိန်မှာ စက်သုံးဆီဈေးတွေ ကြီးမြင့်လာတယ်။ မခံမရပ်နိုင်ဖြစ်ပြီး ပြည်သူတွေ ဆန္ဒပြတဲ့အခါ၊ ကြံ့ဖွံ့တို့၊ စွမ်းအားရှင်တို့ ရဲတို့က ဖမ်းလိုက်တဲ့အခါ၊ ဒီပုဂ္ဂိုလ်တွေက အလုပ်ကို လုပ်နိုင်သလောက် မလုပ်ခဲ့ဘူး။ ဦးဇင်းတို့က သံဃာထုအနေနဲ့၊ နဂိုရှိပြီးသား အဖွဲ့အစည်းတွေ စုပေါင်း ဖွဲ့စည်းပြီးတော့ မြန်မာပြည်သူတွေ အကျိုးကိုလုပ်ဖို့ သံဃာ့ တပ်ပေါင်းစုဖွဲ့ဖို့ မန္တလေးမှာ ပြင်လိုက်ပါတယ်။ ပခုက္ကူက စပြီး ဖောက်ခွဲလိုက်တဲ့အတွက် ပခုက္ကူ သံဃာတော်များအပေါ် အခြေခံပြီးတော့ ဦးဇင်းတို့က ရွှေဝါရောင် တော်လှန်ရေးအတွက် သပိတ်မှောက်မယ်ဆိုပြီး မီဒီယာတွေက တဆင့် အသိပေးခဲ့ပါတယ်။ ပခုက္ကူက လုပ်သွားတယ် ဆိုတာက ဦးဇင်းတို့ သံဃာအဖွဲ့အစည်း၊ သံဃာအဖွဲ့အစည်း၊ ရဟန်းပျို အဖွဲ့အစည်း၊ မြန်မာနိုင်ငံလုံးဆိုင်ရာ ရဟန်းပျိုသမဂ္ဂ အဖွဲ့အစည်းက ရဟန်းငယ်တွေ လုပ်သွားတာ ဖြစ်ပါတယ်။

မေး။ ။ ပခုက္ကူကိစ္စကတော့ လက်တလော အကြောင်းအရင်းပေါ့ဘုရား၊ နောက်တော့ ရွှေဝါရောင် တော်လှန်ရေး ဖြစ်တယ်။  ဦးဇင်းတို့ သံဃာထုရဲ့ အန္တိမ ရည်မှန်းချက်၊ သဘောထားက ဘယ်လို ရှိပါသလဲဘုရား။
ဖြေ။ ။ ဦးဇင်းတို့ သဘောထားကတော့ ပြည်သူတွေ ကောင်းမယ်။ အကျိုးစီးပွား ရှိမယ်ဆိုရင် ဘယ်လို လုပ်ရပ်မျိုးကိုမဆို လုပ်မှာပါ။ အဲလို လုပ်တဲ့အခါမှာ ဘာသာရေးနဲ့ ကိုက်ညီတဲ့ လမ်းကြောင်း၊ အပ်စပ်တဲ့ လုပ်ရပ် ဖြစ်ရမယ်။ ဘာသာရေးကနေ ပြည်သူတွေရဲ့ အကျိုးရှိတဲ့ လုပ်ရပ်တွေကို လုပ်ဖို့ သဘောထား ရှိပါတယ်။ ဘာကြောင့်လဲဆိုရင် ဦးဇင်းတို့က ဘာသာရေး အဖွဲ့အစည်း ဖြစ်ပါတယ်။ နိုင်ငံရေး အဖွဲ့အစည်း မဟုတ်ပါဘူး။ ဘာသာ ဖြစ်တဲ့အတွက် အမျိုးသားရေးနဲ့ ကိုက်ညီတဲ့ လမ်းကြောင်းကပဲ ဦးဇင်းတို့နဲ့ ကိုက်ညီတဲ့အတွက် ဒီလမ်းကြောင်းအတိုင်း လုပ်ဖို့ကို ဆုံးဖြတ်ထားပါတယ်။

မေး။ ။ နယ်စပ်ကို ထွက်လာရတဲ့ ရည်ရွယ်ချက်၊ အကြောင်းအရင်းကို ပြောပြပါဘုရား။ အထဲမှာ အခက်အခဲတွေ ရှိတယ်ဆိုတာလည်း သိပါတယ် ဘုရား။
ဖြေ။ ။ ထွက်လာတဲ့ အကြောင်းအရင်းက အထဲမှာ ပုန်းနေတုန်း၊ ဟိုပုန်းဒီပုန်း၊ ဟိုရွှေ့ဒီရွှေ့ လုပ်နေတဲ့ တချို့ပုဂ္ဂိုလ်တွေက ဦးဇင်းကြောင့် သူတို့ ဒုက္ခရောက်နိုင်စရာ ရှိတယ်။ တချို့က ဦးဇင်းနဲ့သက်ဆိုင်တဲ့၊ ဆွေမျိုးသားချင်း၊ ရဟန်း ဒကာဒကာမတွေ၊ ညီအစ်မောင်နှမတွေ၊ ဆရာတပည့်တွေ၊ တနည်းမဟုတ် တနည်း ဒုက္ခပေးလာနိုင်တယ်။ ဦးဇင်းအနေနဲ့ နေလို့ မဖြစ်တော့ဘူး။ ပြည်ပကနေပဲ တာဝန်ယူပြီး လုပ်မယ်ဆိုတဲ့ ရည်ရွယ်ချက်နဲ့ ထွက်လာတာ ဖြစ်ပါတယ်။

မေး။ ။ မြန်မာပြည်မှာ ရွှေဝါရောင် တော်လှန်ရေးလို နောက်ထပ် လှုပ်ရှားမှုတခု ပေါ်နိုင်စရာ ရှိပါသလား ဘုရား။
ဖြေ။ ။ အချိန်အခါ တခုတော့ စောင့်ရမယ်လို့ ထင်ပါတယ်၊ ပြည်သူတွေဟာ သူတို့ရဲ့ ခံစားချက်တွေ ရင့်သန်လာပြီး၊ ခံစားချက်ကို ဖွင့်ဟဖို့ အချိန်တန်ပြီ ဆိုတဲ့အချိန်နဲ့ ဦးဇင်တို့နဲ့ ကွက်တိ ဖြစ်တဲ့အချိန်မှာ ရွှေဝါရောင် တော်လှန်ရေးလို အင်အားစုမျိုး မဖြစ်မနေ ဖြစ်လာလိမ့်မယ်လို့ ထင်ပါတယ်။ အခုလည်းပဲ ရဟန်းတွေ၊ ကျောင်းသားတွေ၊ ဒီမိုကရေစီ အင်အားစုတွေက ပြင်ဆင်နေကြတယ် ဆိုတာ တွေ့ရပါတယ်။

မေး။ ။ လတ်တလောကိစ္စပဲ ပြန်လျှောက်ချင်ပါတယ်။ တနေ့ကပဲ စစ်အစိုးရက သူတို့ လမ်းပြမြေပုံ အတိုင်း ဆက်သွားမယ်ဆိုပြီး ကြေညာလိုက်ပါတယ်။ ဒီမိုကရေစီ လိုချင်တဲ့ ပြည်တွင်းပြည်ပ အားလုံးပေါ့၊ ဒီလိုအချိန်မှာ ဘယ်လို လက်တုံ့ပြန်သင့်လဲလို့ ဦးဇင်းစဉ်းစားမိပါသလဲ။
ဖြေ။ ။ ပြည်တွင်းက ပြည်သူတွေအနေနဲ့ လုပ်နိုင်တာ နှစ်မျိုး ရှိပါတယ်။ တခုက ဆန္ဒပြတဲ့ လမ်းကြောင်း။ ဒီလမ်းကြောင်းက လုပ်ချင်တိုင်း လုပ်လို့မရဘူး။ လုပ်ရင် ဖမ်းမယ်။ ထောင်ကျမယ်။ ပစ်မယ်၊ သတ်မယ်။ မရဘူး။ ဘာလုပ်ရမလဲဆိုရင် ပြည်သူတွေကမိမိ တို့လုပ်နိုင်တဲ့ လုပ်ပိုင်ခွင့် ဘောင်ထဲက ရတဲ့နည်းနဲ့ သပိတ်မှောက်မယ်။ ဆန္ဒမပေးဘဲ နေမယ်ဆိုရင် ပြည်သူတွေဟာ ကိုယ့်လိုလားပိုင်ခွင့်၊ ကိုယ်အခွင့်အရေးကို အသုံးချတာပဲ ပြောချင်ပါတယ်။ ဆန္ဒပြတာ မဖြစ်တဲ့အတွက် ဆန္ဒခံယူပွဲကို ကန့်ကွက်၊ ရှုံ့ချတဲ့ဟာမျိုးကို လုပ်လို့ ရပါတယ်။ အဲလို လုပ်လို့ရအောင် ဒီမိုကရေစီ အင်အားစုတွေက ရတဲ့နည်းနဲ့ လုပ်လိမ့်မယ်လို့ ဦးဇင်း ပြောချင်ပါတယ်။ ဒီအချိန်ဟာ အရေးကြီးတဲ့ အချိန်ဖြစ်တယ်။ အကျိုးရှိရှိ လုပ်ဖို့ လိုအပ်တယ်။ စုပေါင်းလုပ်ဖို့ လုပ်အပ်ပြီလို့ မြင်ပါတယ်။

မေး။ ။ လက်ရှိအစိုးရပေါ် ဦးဇင်း ဘယ်လိုမြင်ပါသလဲ။
ဖြေ။ ။ သူတို့က ရှင်းနေတာကို ရှုပ်အောင် လုပ်နေတာပဲ။ ကတိမတည်ခဲ့ဘူး။ ၉ဝ ရွေးကောက်ပွဲက ပြီးခဲ့ပြီးပဲ၊ ပြီးရင် အာဏာလွှဲမယ် ပြောတယ်။ အဲတော့ အာဏာလွှဲဖို့ ကိစ္စက လက်ရှိ အနေနဲ့က ဘာလုပ်မလဲ၊ တွေ့ဆုံဆွေးနွေးရေး လမ်းကြောင်းကို တက်လိုက်ရင် ရှင်းရှင်းလေးပါ။ အဲလို မလုပ်ဘဲ၊ အာဏာ တည်မြဲရေး၊ အကျိုးစီးပွားရေးအတွက် လူထုဆန္ဒ ခံယူပွဲတို့၊ နောက်တကြိမ် ၂ဝ၁ဝ ရွေးကောက်ပွဲ လုပ်မယ် ဆိုတာတွေဟာ မိမိအကျိုးကိုယ်သာ ကြည့်ပြီး ပြည်သူတွေရဲ့ အကျိုးစီးပွားကို မကြည့်ဘူးလို့ အဲလိုမြင်ပါတယ်။

မေး။ ။ တချို့ကလည်း ရဟန်းဆိုတာ နိုင်ငံရေးနဲ့ မပတ်သက်ရဘူးပေါ့လေ။ ဒီလို ပြောကြပါတယ်။ ဦးဇင်းရဲ့ ခံယူချက်က ဘယ်လိုရှိပါသလဲ။
ဖြေ။ ။  နိုင်ငံရေးဆိုတာ ကျယ်ပြန့်ပါတယ်။ ဦးဇင်းတို့က နိုင်ငံရေး မဟုတ်ပါဘူး။ သူတို့မြင်နေရင် သမုတ် နေကြတာပါ။ ဦးဇင်းတို့က ပါတီလည်း မထောင်ဘူး။ လွှတ်တော် ကိုယ်စားလှယ် အဖြစ် ရွေးချယ်ခံမှာလည်း မဟုတ်ဘူး။ မဲပေးပိုင်ခွင့်တောင် မရှိပါဘူး။ ဦးဇင်းတို့က ရဟန်းတွေပါ။ နိုင်ငံရေး လုပ်နေတာ မဟုတ်ပါဘူး။ နရသီဟပတေ့မင်း လက်ထက်ကလည်း ရှင်ဒိသာပါမောက္ခတို့လို သံတမန်နည်းနဲ့ ဆက်သွယ်ပြီးတော့ တိုင်းသူပြည်သား အကျိုးကို ဆောင်ရွက်ခဲ့တာ ရှိပါတယ်။ ရဟန်းတွေက ဘာလုပ်နေလဲဆိုရင် ပြည်သူတွေရဲ့ အကျိုးစီးပွား၊ ပြည်သူတွေ ကောင်းကျိုးအတွက် ဘာသာရေးဆန်တဲ့ နည်းနဲ့၊ မေတ္တာတရားနဲ့ အမှန်လမ်းကြောင်းဘက်ကနေ အရှိကို အရှိအတိုင်း လူတွေရဲ့ ကိုယ်စား သွယ်ဝိုက်ပြီးတော့ သံတမန်နည်းနဲ့ ဆောင်ရွက်ပေးခြင်း ဖြစ်တယ်။ နားမလည်တဲ့လူတွေက နိုင်ငံရေး လုပ်တယ်လို့ မြင်နေတာပါ။ ရဟန်းတွေ နိုင်ငံရေးလုပ်တာ မဟုတ်ပါဘူး။

မေး။ ။ ဦးဇင်းက အတွေ့အကြုံအရ၊ ဝါတော်အရ အတန်အသင့် ရှိတယ်ဆိုတော့ သံဃာ့ မဟာနာယက အဖွဲ့က လုပ်ရှိ အနေအထားအပေါ် ဘယ်လို သုံးသပ်မိပါသလဲ။
ဖြေ။ ။ တိုင်းရေးပြည်ရေးနဲ့ ပတ်သက်လို့ နိုင်ငံတော် သံဃာမဟာနာယက အဖွဲ့အစည်းဟာ သာသနာ ဘက်က ကြည့်ရင် အမြင့်မားဆုံးပါ။ ဒီလို အဖွဲ့ဟာ ၈၈ အရေးအခင်းကြီးတွေ ဖြစ်နေတဲ့အချိန်မှာ မေတ္တာရပ်ခံခဲ့တာ ရှိပါတယ်၊ ဒါဟာ ဘာသာရေးနဲ့ သက်ဆိုင်တဲ့ လုပ်ရပ် ဖြစ်ပါတယ်။ နိုင်ငံရေး လုပ်တာ မဟုတ်ပါဘူး။ ပြည်သူတွေရဲ့ အကျိုးကို ရှေ့ရှုပြီး သတ်တဲ့ဖြတ်တဲ့ ကိစ္စတွေ၊ ညှင်းပန်းနှိပ်စက်တာတွေ မလုပ်ကြဖို့ ပြည်သူတွေကလည်း စည်းကမ်းရှိဖို့ မေတ္တာရပ်ခံခဲ့တာ ရှိသလို ဒီနေ့ ဒီကာလမှာ ပြည်သူတွေအကျိုးကို ရှေ့ရူ့ပြီး သာသာနာ့အဖွဲ့မှာ အကြီးဆုံးဖြစ်တဲ့ နိုင်ငံတော် သံဃာ့မဟာနာယက အဖွဲ့က အစိုးရကို မေတ္တာရပ်ခံမယ် ဆိုရင်တော့ ဗုဒ္ဓဘာသာ အနေနဲ့လည်း ဂုဏ်ရှိတယ်။ ရဟန်းသံဃာတော် အနေနဲ့လည်း ဂုဏ်ရှိတယ်။ မြန်မာပြည် အနေနဲ့လည်း ဂုဏ်ရှိတယ်။ ဒါကြောင့် သံဃာ့မဟာနာယက အဖွဲ့အနေနဲ့ အဲဒီလို မေတ္တာရပ်ခံတာမျိုး၊ အမှန်တရားဘက်က ရဲရဲရင့်ရင့် မေတ္တာရပ်ခံတာမျိုးကို လုပ်စေချင်တယ်။

မေး။ ။ တိုက်တွန်းနိုင်တဲ့ အခြေအနေလည်း ရှိပါသလား ဘုရား။
ဖြေ။ ။ တိုက်တွန်းချင်ရင်တော့ တိုက်တွန်းလို့ ရပါတယ်။ ဝိနည်းလွတ်အောင် ရှောင်မယ် ဆိုရင်လည်း ရှောင်နေလို့ ရတယ်ပေါ့။ တကယ်လုပ်ရင် တကယ့်ကိုပဲ အကျိုးရှိတာပေါ့။ အကျိုးရှိတယ်၊ မှန်လည်းမှန်တယ်။ ဝိနည်းနဲ့လည်း မဖောက်ပြန်ဘူး ဆိုရင်တော့ ဆရာတော်ကြီးတွေ အနေနဲ့ ဒါတကယ့်ကို လုပ်ကို လုပ်သင့်တယ်လို့ ပြောချင်ပါတယ်၊

ကိုယ်ရေးအကျဉ်း

ဦးပညာဇောတ
- နတ်မောက်မြို့နယ် မယ်ဇလီရွာတွင် နိုဝင်ဘာလ ၆ ရက်၊ ၁၉၆ဝ တွင် မွေးဖွားခဲ့သည်။
- ဝါတော် ၂၈ နှစ်၊ သက်တော် ၄၂ နှစ်။
- အခြား ဘွဲ့အမည်မှာ ဦးပါကဋ ဖြစ်သည်။
- အသက် (၂ဝ) ၌ ရဟန်းဘဝ ရောက်ခဲ့။
- ရန်ကုန်၊ မန္တလေး၊ ပခုက္ကူ၊ ရေနံချောင်း၊ တောင်တွင်းကြီး စာသင်တိုက်များတွင် ပညာသင်ခဲ့။
- ၁၉၈၈ တွင် ရန်ကုန်တွင် စာသင်သား ဘဝအဖြစ် နေစဉ်၊ အလုံမြို့နယ်၊ ရဟန်းပျို သမဂ္ဂ ဥက္ကဌ။
- စစ်တပ်က အာဏာသိမ်းပြီးနောက် ရဟန်ပျိုသမဂ္ဂများ ပြန်လည် ဖွဲ့စည်းသောအခါ အောက်မြန်မာပြည် စည်းရုံးရေး တာဝန်ခံ အဖြစ် တာဝန်ယူ။
- မန္တလေးသံဃာတော်များက သပိတ်မှောက် ကံဆောင်သောအခါ၊ အောက် ဗမာပြည် သံဃာတော်များက ထောက်ခံကြောင်း လှုပ်ရှားမှုများ လုပ်စဉ် အဖမ်းခံရပြီး ထောင် (၃) နှစ်ကျ။
- ၁၉၉၃ ခုနှစ်တွင် ထောင်မှပြန်လွတ်။
- ၁၉၉၆ ခုနှစ်တွင် တကြိမ်အဖမ်းခံရပြီး၊ စစ်ကြောရေးမှ ပြန်လွှတ်ပေးခဲ့။
- ၁၉၉၈ ခုနှစ်၊ ဇန်နဝါရီတွင် အဖမ်းခံရပြီးထောင် (၇) နှစ်ချမှတ်ခံရ။ အင်းစိန်၊ သာယာဝတီမှ ပြန်လွတ်။
- ၂ဝဝ၄ ခုနှစ်၊ နိုဝင်ဘာလတွင် သာယာဝတီ ထောင်မှ ပြန်လွတ်ပြီးနောက် မဂ္ဂင်ကျောင်းတွင် တိုက်အုပ် ဆရာတော်၊ စာချဆရာတော်အဖြစ် သာသနာ့ တာဝန်ထမ်းခဲ့။ ရဟန်းပျိုသမဂ္ဂကို ပြန်လည်ဖွဲ့စည်း၊ သံဃာ တပ်ပေါင်းစု ပေါ်ပေါက်လာသည့်အထိ တာဝန်ယူ လုပ်ဆောင်ခဲ့။ 

(သံဃာနှင့်နိုင်ငံရေးအယူအဆကို နှစ်သက်မိပါတယ်။ ဒါကြောင့် ထပ်မံတင်ပြတာပါ။ အမရဒီပ)
 http://www.mizzimaburmese.com/component/content/article/7/595----