ဆီမီးလျှံ၊ ရေအလျဉ်ဥပမာ နှင့် ဝိပဿနာဉာဏ်စဉ်

(ပထမပိုင်း)

၁။

"ဤသို့ ကံ၊ စိတ်၊ ဥတု၊ အာဟာရ ၄ ပါးသော အကြောင်းတို့ ကြောင့်ဖြစ်သောရုပ်ကလာပ်အစဉ်သည် 

ကာမဘုံ၌ ဆီမီးလျှံကဲ့သို့ လည်းကောင်း၊ မြစ်ရေအလျဉ်ကဲ့သို့ လည်းကောင်း အသက်ရှည်သမျှကာလပတ်လုံး 

 မပြတ်မစဲ တဖွဲဖွဲ ဖြစ်၏"

အထက်ပါဖော်ပြချက်သည် သင်္ဂြိုဟ်ကျမ်းခေါ် အမည်ရင်း အဘိဓမ္မတ္ထသင်္ဂဟအဋ္ဌကထာ၊ ရုပ်ပိုင်းလာ

ကောက်နုတ်ချက်စကားဖြစ်၏။ ရုပ်တို့ ၏ဖြစ်စဉ်ကို ဆီမီးလျှံ၊ မြစ်ရေ ဟူသော ဥပမာ ၂ ခုဖြင့် ထင်သာမြင်သာ

အောင် နှိုင်းယှဉ်ပြထားပုံမှာ အလွန်ထိမိ၏။ သဘာဝဖြစ်စဉ်ကိုသဘာဝဥပမာဖြင့် ပြဆိုထားသည်ဟု နားလည်မိ

၏။

ဥပမာ ၂ ရပ်ကို နားလည်လွယ်သည်ဟု အဘိဓမ္မတ္ထသင်္ဂဟဆိုင်ရာအဖွင့်ကျမ်းပြု ရှေးဆရာမြတ်အချို့ တို့ ယူဆ

ခဲ့ပုံရ၏။  ပါဠိဘာသာရေး ဋီကာကျော်ကျမ်း နှင့် ပရမတ္ထဒီပနီတို့ တွင် ဥပမာအကြောင်းတို့ ကို ရှင်းပြတော်မမူခဲ့ပါ

ချေ။

မြန်မာဘာသာရေး အရှင်ဇနကာဘိဝံသဆရာတော်၏ အခြေပြုသင်္ဂြိုဟ် ကျမ်းတွင် အခြေပါဒ လေ့လာသင်ယူစ

သူတို့  နားလည်အောင် ရှင်းလင်းရေးပြတော်မူထား၏။

"ဒီပဇာလာဝိယ ။                         ။ မီးစာ ဆီတို့ ကြောင့် တောက်၍နေသောဆီမီးသည် တခုတည်း

ထင်ရသော်လည်း ရှေးရှေးမီးစာအပိုင်းနှင့် ဆီတို့ ကြောင့်ဖြစ်သော မီးတောက်၊ နောက်နောက်မီးစာ

အပိုင်းနှင့် ဆီတို့ ကြောင့်ဖြစ်သော မီးတောက်တို့ သည် တခုတည်းမဟုတ်၊ရှေးရှေးမီးစာနှင့် ဆီတို့ 

အမြဲကုန်သလောက် မီးတောက်လည်း အမြဲချုပ်ပျောက်၏။နောက်နောက်မီးစာနှင့် ဆီတို့ အတွက် 

အသစ်အသစ်မီးတောက်လည်း ပေါ်ထွက်၏။ ထို့ အတူ ရုပ်ခန္ဓာလည်း တခုတည်း တခုတည်းထင်ရစေကာမူ

 ရှေးရှေး ကံစိတ်ဥတု အာဟာရတို့ ကြောင့်ဖြစ်သော ရုပ်အစဉ်သည် ဥပါဒ် ဌီ ဘင်စေ့က ချုပ်ကြရ၏၊

 နောက်နောက်ကံစသည်အတွက် ရုပ်သစ်အစဉ်များ ပေါ်ထွက်လာပြန်သည်။ "

"နဒီသောတော ဝိယ။      ။ မြစ်ရေအလျဉ်ကိုကြည့်ရှုရာ၌ တခုတည်းထင်ရသော်လည်း ပထမမြင်ရသောမြစ်ရေ

သည် အောက်သို့ စီးလေပြီးနောက် ဒုတိယရောက်လာသကဲ့သို့  ထို့အတူ ပထမရုပ်အစဉ်ချုပ်ပြီးနောက် ဒုတိယစ

သောရုပ်အစဉ်သည် ပေါ်ပေါက်လာ၏။ဤသို့ လျှင် ၄ ပါးသောအကြောင်းကြောင့်ဖြစ်ရသော ရုပ်များသည် ဆီမီးလျှံ မြစ်ရေအလျဉ်တို့ ကဲ့သို့  အစဉ်မပျက် ဆက်ကာဆက်ကာ အသက်ရှည်သမျှပျက်ကြလေသည်။"

အရှင်ဇနကာဘိဝံသဆရာတော်ပင်စီရင်ရေးသားသည့် သင်္ဂြိုဟ်ဘာသာဋီကာကျမ်းတွင် ထပ်ဆင့်ရှင်းပြ

တော်မူပြန်၏။

"မီးစာနှင့်ဆီအစွမ်းကြောင့် တောက်ပသော ဆီမီးလျှံသည် မူလမီးတောက်မပျက်ဘဲ တည်မြဲတည်နေသကဲ့သို့  ထင်ရသော်လည်း ရှေးရှေး မီးစာနှင့် ဆီကုန်လျှင် ထိုမီးစာ ဆီကြောင့်ဖြစ်သော မီးတောက်လည်း ချုပ်ပျောက်၍ နောက်နောက်မီးစာနှင့်ဆီအတွက် နောက်တောက်မီးတောက်များ ပေါ်ထွက်သကဲ့သို့ လည်းကောင်း၊

 မြစ်ကမ်းစ၌ ရပ်လျက် မြစ်ရေကို ကြည့်ရှုသောအခါ မူလရေသည် တည်မြဲတည်နေသည်ဟုထင်ရသော်လည်း

ရှေးရှေးရေသည်အောက်သို့ စီးသွား၍ အသစ်အသစ်ရေများ ထပ်မံရောက်လာသကဲ့သို့ လည်းကောင်း ထို့ အတူ ခန္ဓာကိုယ်တွင်း၌ လေးပါးသောအကြောင်းကြောင့်ဖြစ်သော ရုပ်ကလာပ်အစဉ်သည် မပျက်မစဲ တည်မြဲတည်နေသည်ဟု

ထင်ရသော်လည်း ရှေးရှေးအကြောင်းကြောင့် ရှေးရှေးရုပ်ကလာပ်တို့ ဖြစ်ပြီး၍ ချုပ်ပြီးသည့်အခါနောက်နောက်

အကြောင်းကြောင့်  နောက်နောက်ရုပ်ကလာပ်သစ်များ ဖြစ်ပေါ်လာခြင်းအားဖြင့် အသက်ရှည်သမျှ ဆက်ကာ ဆက်ကာဖြစ်ကြပေသည်။"

ဆီမီးတောက်အလျှံ နှင့် မြစ်ရေစီးဆင်းအလျဉ်အကြောင်း စာတွေ့ အဖြစ် ဆရာမြတ်တို့ ထံတော်မှ ရှင်းလင်းစွာ

မှတ်သားခဲ့ဖူး၏။ ကိုယ်တွေ့ အမြင်ပိုင်းနှင့် စာတွေ့ ဆက်စပ်မှုအပိုင်းတွင်ကား ရှာဖွေရန် အကြံစိတ်ကူးမပေါ်မိခဲ့ပါ။

ပြည်နိဗ္ဗိန္ဒဆရာတော်ဘုရားကြီးအကြောင်းဖတ်မိသောအခါ ဆီမီးတောက်နှင့် မြစ်ရေအလျဉ်ဥပမာကို လက်တွေ့ 

နှင့်ယှဉ်တွဲသိမြင်ရန် စိတ်အတွေးဖြစ်ပေါ်ခဲ့ရကြောင်း ဝန်ခံပါ၏။

၂။

ပြည်နိဗ္ဗိန္ဒဆရာတော်ဘုရားကြီးဟူသည် သာယာဝတီခရိုင်၊ မိုးညိုမြို့ နယ်၊ ဧရာဝတီမြစ်အနီးမြေဇာကျွန်း ခေါ် 

ရွာကြီး၌ ၁၂၄၈ ခုနှစ်၊ တန်ဆောင်မုန်းလဆန်း ၁ဝ ရက်၊ သောကြာနေ့ နံနက်အချိန်တွင် ဖွားမြင်တော်မူခဲ့၏။

ခမည်းတော် ဦးကြာညို၊ မယ်တော် ဒေါ်လုံမ ဖြစ်၏။ ၁၅ နှစ်သားအရွယ်မှာ သာမဏေဖြစ်၏။ ဘွဲ့ တော် ရှင်သီရိ ဖြစ်၏။ 

ပခုက္ကူ၊ မန္တလေး၊ ပြည်မြို့ မှာ စာပေသင်ယူခဲ့၏။ ၁၂၇၄ ခုနှစ်၊ တန်ဆောင်မုန်းလတွင် တောရဝင်တော်မူ

၏။ ပြည်အင်ကြင်းမြောင်ဆရာတော်ဘုရားကြီးထံနည်းခံအားထုတ်ခဲ့၏။ ၁၂၇၅ ခုနှစ်မှစ၍ ကျောင်းတိုင်အစေ့ရေး

ထိုးထားသော "နိဗ္ဗိန္ဒ"ကို အစွဲပြုတွင်ခေါ်သော နိဗ္ဗိန္ဒတောရမှာ သီတင်းသုံးတော်မူ၏။

အင်ကြင်းမြောင်ဆရာတော်ကြီးအပါအဝင် လယ်တီဆရာတော်ကြီး၊ သထုံ မင်းကွန်းဇေတဝန်ဆရာတော်ကြီး၊ စစ်ကိုင်း ဃောသိတဝန်ဆရာတော်ကြီး၊ စစ်ကိုင်းမဟာဂန္ဓာရုံချောင်ဆရာတော်ကြီးတို့ ထံတော်တွင် လက်တွေ့ 

ပိုင်းဆိုင်ရာ မရှင်းလင်းသည်များကို စုံစမ်းလျှောက်ထားခဲ့ဖူး၏။ သေက္ချတောင်ဆရာတော်ကြီဦးတိလောကထံသို့ 

လည်း ရောက်ခဲ့ဖူး၏။  ဆရာတော်ကိုမဖူးတွေ့ ခင် ဖိုရုံဝင်ပြီးဖိုဆွဲဖိုးထိုးနေသည်နှင့် တိုက်ဆိုင်နေရာ စိတ်ပြောင်းသွားခဲ့ရ၏။ တရားစကားပြောဆိုဆွေးနွေးခြင်းမပြုခဲ့ကြောင်း သိရ၏။

စစ်ကိုင်း မဟာဂန္ဓာရုံချောင်ဆရာတော်နှင့် တွေ့ သောအခါ "ရုပ်ကလာပ်အစဉ်သည် မြစ်ရေလျဉ်၊ မီး

လျှံအသွင်ကဲ့သို့ ဟု စာရှိသဖြင့် ထိုကဲ့သို့ မြင်လျှင် မည်သို့ ဖြစ်ပါသလဲဘုရား"ဟု မေးလျှောက်ခဲ့၏။

မဟာဂန္ဓာရုံချောင်ဆရာတော်ကြီးက "ဤကဲ့သို့ မြင်လျှင် ပေါက်တဲ့ပုဂ္ဂိုလ်ဟု ဆိုရမည်"ဟု အမိန့် ရှိသည် ဆို၏။

ဆက်လက်စုံစမ်းလျှောက်ထားလိုသော်လည်း မဟာဂန္ဓာရုံချောင်ဆရာတော်မှာ စကားမပြောနိုင်လောက်အောင် ကျန်းမာရေးချို့ တဲ့နေသောကြောင့် မိန့် ကြားတော်မူသမျှကိုသာ နာယူပြီး ပြန်ခဲ့ရ၏။ (ရဟန္တာနှင့် ပုဂ္ဂိုလ်ထူးများ)

ဆရာတော်ကြီး ၂ ပါးတို့ ၏မေးခွန်းနှင့်အဖြေကို ဖတ်မိပြီးနောက် ဝိပဿနာတရားအားထုတ်ရာတွင်  ကိုယ်တွေ့ 

အားဖြင့် ရုပ်ကလာပ်ဖြစ်စဉ်အား ဆီမီးလျှံ နှင့်မြစ်ရေအလျဉ်ကဲ့သို့ မြင်သောဉာဏ်အမြင်မျိုးသည်မည်သည့်

အခြေအနေမှာ  ဖြစ်ပေါ်နိုင်သနည်းဟု သိလိုသောဆန္ဒဖြစ်ပေါ်ခဲ့၏။ "ဤကဲ့သို့ မြင်လျှင် ပေါက်တဲ့ပုဂ္ဂိုလ်ဟု ဆိုရမည်"ဟုဆိုရာ ဘယ်ရွေ့ ဘယ်မျှပေါက်ရောက်သူနည်းဟု အတွေးဖြစ်ပေါ်ခဲ့၏။ ယင်းအကြောင်းကြောင့်

 လက်လှမ်းမီသမျှ ရှာဖွေလေ့လာခဲ့၏။  (ဆက်လက်တင်ပြပါမည်)

အမရဒီပ

၃-၁၅-၂ဝ၁၂