စ ရယ် ကား ရယ်ပေါင်းတော့ စကား

လေယာဉ်တောင်ပံပေါ်က တန်ခိုးရှင်

တောင်ပုလုတောရ ကမ္ဘာအေးဆရာတော်အရှင်နန္ဒိယသည် ၁၉၇၈ခုနှစ်တွင် သူ၏ပထမအကြိမ် တိုင်းတပါး သာသနာပြုခရီးစဉ်ကို စတင်လိုက်၏။

ရက်အတိအကျကား-- သြဂုတ်လ ၁ ရက် ၊ ခရစ်နှစ် ၁၉၇၈ ခုနှစ်။

ခရီးစဉ်ဦးတည်ချက်ကား-- အမေရိကန်ပြည်ထောင်စုနိုင်ငံ။

ထိုအချိန်က မြန်မာနိုင်ငံကို ဗိုလ်ချုပ်ကြီးနေဝင်း၏ တော်လှန်ရေးကောင်စီ (ခေါ်) စစ်တပ်အစိုးရက ထိန်းချုပ်ထား ခဲ့သည်။ တံခါးပိတ်ဝါဒကျင့်သုံးသည်။ အပြင်လူ အတွင်းမဝင်ရ။ အတွင်းကလူ အပြင်မထွက်ရ ဟု တင်းကျပ်ထားသည်။

အပြင်ထွက်ချင်သူများအား နယ်နှင်ဒဏ်ပေးပြီး တိုင်းပြည်မှ အပြီးအပိုင်ထွက်ခွါစေခဲ့သည်။ တင်းကျပ်ချုပ်ချယ်လွန်းသော စစ်အစိုးရ၏ အုပ်ချုပ်ရေးအခြေအနေအောက်မှာ နိုင်ငံခြားခရီးထွက်ခွင့်၊ သွားလာခွင့်ရခြင်းကား  ရခဲလှသော အခွင့်အလမ်းတရပ်ဖြစ်ပါ၏။

 

တောင်ပုလုတောရကမ္ဘာအေးဆရာတော်အရှင်နန္ဒိယအမေရိကန်သို့ ကြွလာခြင်းကြောင့်ရဟန်းတော်များနှင့်ဝေးနေရသော

 ပြည်ပရောက်မြန်မာများအတွက် ဘာသာရေးလုပ်ငန်းများလုပ်ဆောင်ရန် အင်အားတိုးပွားခဲ့သည်။ အမေရိကန်လူမျိုးများ

အတွက်လည်း အကျိုးများသင့်သလောက်များခဲ့ပေသည်။

တိုင်းတပါးခရီးဝေးမှပြန်ရောက်လာသော တောင်ပုလုတောရကမ္ဘာအေးဆရာတော်အရှင်နန္ဒိယ၏ ရေခြားမြေခြား

အတွေ့ အကြံများကို မျက်စိပိတ်နားပိတ်ခံနေရသော မြန်မာပြည်သူပြည်သားများ ဗဟုသုတတိုးပွားရေးအလို့ ငှါ 

စာရေးတတ်သူ တပည့်ဒကာများက စာစောင်၊မဂ္ဂဇင်းမှတဆင့်လည်းကောင်း၊ စာအုပ်ထုတ်ဝေ၍လည်းကောင်း တခမ်းတနားရေးသားထုတ်ဝေခဲ့ကြလေသည်။  ထိုအရေးအသားများတွင် ထူးဆန်းအံ့သြဖွယ်ဖြစ်သော  တန်ခိုးပြာဋိဟာပြခန်းများ ပါဝင်လာသည်ကို တွေ့ ရ၏။

ပထမဦးစွာ ဦးတင်ဦးဆိုသူ စာရေးသူတဦး၏ရေးသားချက်ကို ကြည့်ပါ---။

" ပထမဆုံးအကြိမ် ဆရာတော်ဘုရား အမေရိကန်သို့ ကြွစဉ် စီးလာသောလေယာဉ်၏ စက်တလုံးချွတ်ယွင်း ကြောင်း လေယာဉ်မှုးကပြောပါသည်။ လေယာဉ်မှုးက ပျက်သောစက်ခေါင်းဘက်သို့ ကြည့်ရာ အဝတ်အဝါရောင်ဝတ်ထားသောသူတဦးက လေယာဉ်၏အတောင်ပံပေါ်ထိုင်ပြီးပျက်သောစက်ကို လက်ညှိုးဖြင့်

ထိုးနေသည်ကို မြင်တွေ့ သဖြင့် သူ၏လက်ထောက်လေယာဉ်မှုးအား "ကြည့်စမ်း၊ ဟိုမှာလူတယောက်"ဟု ပြောလိုက်သည်။

ထိုသူကကြည့်ရာ "ဘယ်သူမှမမြင်"ဟု ပြောသဖြင့် လေယာဉ်မှုးလည်း မိမိမြင်ယောင်မြင်မှားဖြစ်သလားဟု

ဆိတ်ဆိတ်ပင် နေလိုက်ပါသည်။ ဆန်ဖရန်စစ္စကိုလေဆိပ်သို့ ချောမောစွာလေယာဉ်ဆိုက်ရောက်၍ ဆရာတော်ဘုရား

လမ်းလျှောက်လာသည်ကို လေယာဉ်မှုးမြင်တွေ့ သောအခါ အနားရှိသူများအား မိမိမြင်ခဲ့သော လေယာဉ်တောင်ပံပေါ်၌

ထိုင်နေသူမှာ ထိုပုဂ္ဂိုလ်ပင်ဖြစ်ကြောင်း၊ မျက်မှန်အမည်းတပ်ထားသည်ကို မိမိကောင်းစွာမှတ်မိကြောင်း ပြောပါသည်။"

{မြတ်မင်္ဂလာစာစောင်၊ ၂ဝဝ၆၊ ဇန်နဝါရီလ}

အထက်ဖော်ပြပါ သတင်းမှာ ချဲ့ ကားလုပ်ကြံထားသော "ထိုးဇာတ်"တခုမျှသာ ဖြစ်လေသည်။ ခိုင်မာသော ယုံကြည်ဖွယ်ရာ သက်သေအထောက်အထားဘာတခုမျှ ပြစရာမရှိသော စိတ်ကူးယဉ်ဇာတ်လမ်းတပုဒ်မျှသာ ဖြစ်ကြောင်း အသေအချာ

ဆိုနိုင်ပေသည်။ စာရေးဆရာဦးတင်ဦးသည် အမေရိကန်နိုင်ငံ၊ မြို့ ကြီးတခုရှိ လေဆိပ်တခုမှာဖြစ်ခဲ့သည်ဟုဆိုသော အဆိုပါဇာတ်လမ်းကို မည်သူ့ ထံမှ ကြားသိရသနည်း။

လေယာဉ်မှုးက အနားရှိသူများအား လေယာဉ်တောင်ပံပေါ်ထိုင်နေသူအကြောင်းပြောပြသည်ဆိုရာမှာ စာရေးဆရာ

ကိုယ်တိုင်ကြားသိခဲ့ရလေသလော---- သို့ မဟုတ် လေယာဉ်မှုးပြောစကားကို နားထောင်ပြီးတဆင့်စကားအနေဖြင့် 

စာရေးဆရာကိုပြောပြခဲ့လေသလော။ ယင်းသို့ ဖြစ်ခဲ့ပါက တဆင့်ပြောသူ၏အမည် ကိုသိရန်လိုအပ်ပါ၏။

တောင်ပုလုတောရကမ္ဘာအေးဆရာတော်အရှင်နန္ဒိယနှင့်နောက်ပါသာသနာပြုအဖွဲ့ ကို  လေဆိပ်မှာ ခရီးဦးကြိုပြုသူ ရှိမည်။ လေယာဉ်မှုးက သူ၏ကိုယ်တွေ့ ကို ကြိုဆိုရေးအဖွဲ့ ဝင်တဦးဦးအား  ပြောဆိုခဲ့ပါသော် အမေရိကန်ရှိ

 မြန်မာလူထုကြားမှာ တောမီးပမာပျံ့နှံ့ ခဲ့ပေလိမ့်မည်။ နောင်လာနောင်သားများသိစေရန် မှတ်တမ်းတင်ကြပေလိမ့်မည်။ 

ဆရာတော်အား အမေရိကန်သို့ ကြွရောက်ရန် ဖိတ်မန္တကပြုခဲ့သူတို့ ကလည်း သူတို့ ပင့်ဖိတ်လိုက်သောသူ၏ 

စွမ်းရည်အကြောင်း "လာခြင်းကောင်းသူ၏ဖြစ်စဉ်"ကို မသိဘဲနေမည်မဟုတ်ပါ။ ဖော်ပြပါဖြစ်ရပ် အကယ်စင်စစ် အမှန်ဖြစ်ပွားခဲ့ပါက နုတ်ဆိတ်နေမည့်အနေအထားမှာ မရှိနိုင်ပါ။

သို့ သော် အမေရိကန်နိုင်ငံရှိ တောင်ပုလုတောရကမ္ဘာအေးဆရာတော်နှင့် ဆရာဒကာဖြစ်သူတို့ ပင် မသိခဲ့သော ဖြစ်ရပ်တခုကို မြန်မာပြည်နေ စာရေးဆရာက "လေယာဉ်မှုးပြောစကားကို သူကိုယ်တိုင်နားထောင်ခဲ့ရ

သယောင်ယောင်" လက်စွမ်းပြရေးသားလိုက်သောအခါ လျိူ့ ဝှက်ဆန်းကြယ်ဇာတ်လမ်းတပုဒ်ဖြစ်လာလေသည်။

ယနေ့ အချိန်တိုင် ယင်း"လံကြုပ်"ဇာတ်လမ်းကို အဟုတ်ထင်နေသူတွေများစွာရှိနေကြောင်း တွေ့ ရှိရပါ၏။ ဤမျှ အထောက်အထားမရှိ၊ သက်သေပြစရာမရှိသည့်ဇာတ်လမ်းကိုယုံသူကို တွေ့ ရတိုင်း ဇာတ်လမ်းထွင်ခဲ့သူ၏ စိတ်ကူးကို ချီးမွမ်းမိပါ၏။ "စာရေးဆရာစိတ်ကူးယဉ်တာကို အဟုတ်ထင်ပြီးယုံရသလားဗျာ၊ ခေါင်းလေးးဘာလေးသုံးပါဦး"ဟု ပြောမိ၏။ အပြောခံရ၍ စိတ်ဆိုးသွားကြသော်လည်း နောင်တွင် စဉ်းစားချင့်ချိန်နိုင်ပေလိမ့်မည်။

အခြားဖြစ်ရပ်တခု

အခြားစာရေးသူတဦးဖြစ်သူကြည်လွင်ကလည်း လေယာဉ်တောင်ပံပေါ်ထိုင်သည့်ဖြစ်ရပ်ကိုမိတ္တူပွားကာ ဖြစ်စဉ်တခု

ဖန်တီးပြန်သည်။ ယင်းဖြစ်စဉ်မှာ တောင်ပုလုတောရကမ္ဘာအေးဆရာတော်အရှင်နန္ဒိယကို လေယာဉ်ဘီးချသည့်နေရာမှာ သရုပ်ဆောင်စေခြင်းဖြစ်၏။ ကြည်လွင်၏မူရင်းအာဘော်အတိုင်း ကူးယူတင်ပြပါမည်။ 

{အပ္ပမာဒဓမ္မရသမဂ္ဂဇင်း၊ ၂ဝဝ၉၊ ဧပြီလ }

"ဆရာတော်ဘုရားကြီးနှင့်အဖွဲ့ ဆန်ဖရန်စစ္စကိုမြို့ မှ လော့(စ်)အင်ဂျလီ(စ့်)သို့ လေယာဉ်ဖြင့်ကြွစဉ်ကလည်း လေယာဉ်မှုး

သည်ဘီးချမရဘဲ အခက်အခဲဖြစ်နေစဉ်၌ သူ၏မျက်စိတွင် ဆရာတော်ဘုရားကြီးအား ဖူးမြင်လိုက်သည်ဟု ထင်မိပြီး 

ဘီးချ၍ရသွားကြောင်း ပြောပြဖူးလေသည်"

မည်သူက မည်သူကို ပြောပြသည်ဟု တိတိကျကျ ပြောမထားသည်ကြောင်းသတိပြုရပါမည်။ မသိလျှင် လေယာဉ်မှုးကိုယ်တိုင် စာရေးသူကြည်လွင်ကို ပြောပြလိုက်သလိုလို ပုံမှားရိုက်ထားသည်။  တကယ်တော့ 

ဖတ်ကောင်းအောင် ရေးထားသည်မှအပ တခြား ယုံကြည်နိုင်ဖွယ်ရာ အထောက်အထားလုံးဝမရှိချေ--။  

သရဲတစ္ဆေ၊ ဂမ္ဘီရ၊ လျို့ ဝှက်ဆန်းကြယ်ဝတ္ထု၊ ဟာသဝတ္ထု တွေ စာဖတ်သူကြိုက်ကြောင်းတွေ့ ရတော့ အချို့ စာရေးဆရာတွေ 

ကလောင်နာမည်အမျိုးမျိုးဖြင့် သရဲဝတ္ထုလိုင်း၊ ဟာသလိုင်းဝင်ရေးသလို တောင်ပုလုတောရကမ္ဘာအေးဆရာတော်

အရှင်နန္ဒိယသည် လေယာဉ်ပျံနှင့်တွဲဖက်ပြီးအများစိတ်ဝင်စားခံရကြောင်းသိသောစာရေးဆရာက လေယာဉ်ဘီးချ

သည့်ဇာတ်လမ်းတပုဒ်ကိုပီပီပြင်ပြင်ရေးသားတင်ပြခြင်းဖြစ်သည်။စာရေးသူ၏စိတ်ကူးစိတ်သန်းကိုချီးကျူးပါသည်။

သို့ သော်ရဟန်းတော်များနှင့်ပတ်သက်၍ မဟုတ်မဟတ်လုပ်ဇာတ်ခင်းခြင်းကား မသင့်လျော်လှချေ--။

ပုဂံမင်းဆက်အနွယ်တော်တဲ့

မြန်မာပြည်က စာရေးဆရာဦးတင်ဦး နှင့် ကြည်လွင်တို့  တောင်ပုလုတောရကမ္ဘာအေးဆရာတော်အရှင်နန္ဒိယအတွက်  

 အမေရိကန်ပြည်ဖြစ်လေယာဉ်ပျံဇာတ်လမ်းတွေ ပေါပေါလောလောရေးသားကြောင်းလေ့လာမိပြီး နောက်

 မြန်မာစာရေးဆရာ ၂ ဦး နှင့်မတူကွဲပြားစွာ အမေရိကန်စာရေးဆရာတို့ စိတ်ဝင်စားသည်ကား မျိုးရိုးစဉ်ဆက် ဖြစ်ဖွယ်ရှိ၏။

အမေရိကန်ပြည်ကတောင်ပုလုတောရကမ္ဘာအေးဆရာတော်တပည့်များနှင့် မြန်မာပြည်ကတပည့်များတို့  စုပေါင်းရေးသားကြသော BLOOMING IN THE DESERT အမည်ရှိစာအုပ် ၁ အုပ် ဖတ်ဖူး၏။ ယင်းစာအုပ်တွင် “Though born into the village life,Taungpulu Sayadaw came from royal linage; he is descendant of King Anawratha and King Kya Swa”  ဟု တွေ့ ရ၏။ ရေးသူမှာ Anne Teich ဆိုသူဖြစ်၏။

"တောရွာမှာမွေးသော်လည်း တောင်ပုလုဆရာတော်သည် တော်ဝင်မင်းမျိုးမင်းနွယ်မှာဆင်းသက်လာသူဖြစ်၏။ အနော်ရထာမင်း၊ ကျစွာမင်းတို့ ၏ အဆက်အနွယ်ဖြစ်၏" ဟု ဝံ့ဝံ့စားစားဆိုထား၏။ ဤအဆိုမှန်က တောင်ပုလုတောရကမ္ဘာအေးဆရာတော်၏မျိုးရိုးမှာ မြန်မာနိုင်ငံ၏ရှားပါးတန်ဘိုးကြီးသော သက်ရှိရတနာများ ဖြစ်ဖွယ်ရှိ၏။ သမိုင်းတန်ဘိုးအရလည်း ကြီးမားလှ၏။

အလောင်းမင်းဦးအောင်ဇေယျ၏ကုန်ဘောင်မင်းဆက်အနွယ်တော်များ ယနေ့ တိုင် ရှိဆဲဖြစ်ပါသည်။ဘုရင့်နောင်

မင်းကြီး၏ မျိုးဆက်များကား အစအနပျောက်ကွယ်ခဲ့လေပြီ။ ဦးအောင်ဇေယျမျိုးဆက်၊ ဘုရင့်နောင်မျိုးဆက်တို့ 

ထက်ရှေးကျသော ပထမမြန်မာနိုင်ငံ၏မျိုးဆက်အနွယ်တော်များ ယနေ့ တိုင်ရှိသည်ဆိုခြင်းမှာ ရှားရှားပါး

ပါးဖြစ်ရပ်ပါပေတကား---။ အံ့ဖွယ်ဖြစ်ဘိ၏။

တော်ပုလုတောရကမ္ဘာအေးဆရာတော်အရှင်နန္ဒိယ၏ မွေးရပ်ဇာတိမြေသည် မန္တလေးတိုင်း၊ ဝမ်းတွင်းမြို့ နယ်၊ တဲစုရွာဖြစ်၏။ တဲစုရွာအမည်တွင်ရခြင်းအကြောင်းကို ဒေသခံလူကြီးများပြောပြလေ့ရှိသည်မှာ အနော်ရထာမင်း ဆင်ဖြူချည်ကန်တော်ကြီးဆည်ဖို့ ခြင်းလုပ်ငန်းကို ကြီးကြပ်ကွပ်ကဲနေစဉ်ကာလအတွင်း တနေရာမှာ တဲနန်းဆောက်လုပ်နေထိုင်ခဲ့သည်။ ကန်တော်ကြီးကိစ္စပြီးဆုံးပြီးနောက် အနော်ရထာမင်း ပုဂံနန်းတော်ပြန်သည်။

နှစ်အနည်းငယ်ကြာသော် ကျန်ရစ်သော ဆည်ကန်လုပ်သားမိသားစုများက အနော်ရထာမင်း၏တဲနန်းတော်

နေရာမှာ ရွာတည်ထောင်ကာ နေထိုင်ရာမှ ယင်းရွာအမည် "တဲစု"တွင်သည်ဟူ၏။

အနော်ရထာမင်းတဲနန်းစိုက်ခဲ့ရာမြေနေရာမှာ ရွာတည်နေထိုင်ကြသူများမှ ပေါက်ဖွားဆင်းသက်လာရုံမျှဖြင့် "ဘုရင့်အနွယ်တော်"ဖြစ်ကြောင်း ပြောဆိုရေးသားခြင်းမှာ ရယ်ဖွယ်သာဖြစ်၏။ အနော်ရထာမင်း၊ ကျစွာမင်းတို့ 

နှင့် တောင်ပုလုတောရကမ္ဘာအေးဆရာတော်အရှင်နန္ဒိယ မည်သို့ မည်ပုံသွေးသားဆွေမျိုးတော်စပ်ပါသနည်း။

စဉ်းစားဖွယ်ဖြစ်ပါ၏။

ရဟန်းပုဂ္ဂိုလ်၊လူပုဂ္ဂိုလ်တဦးဦးကျော်ကြားမှုရလာလျှင် သူ၏နောက်လိုက်တို့ က မဆင်မခြင်မြှောက်ပင့်ပေးကာ သမိုင်းဝင်ပုဂ္ဂိုလ်ကျော်ကြီးများနှင့် ဆွေမျိုးစပ်ပေးတတ်ကြလေသည်။ အရင်ဘဝက မည်သည့်ဘုရင်ဖြစ်ခဲ့သည်။ ဘုရင်၏ဆရာတော်ဖြစ်ခဲ့သည်စသည်ဖြင့် မဟုတ်ကို အဟုတ်လုပ်တတ်ကြ၏။ ထိုသဘောအရ တောင်ပုလုတော

ရကမ္ဘာအေးဆရာတော်အရှင်နန္ဒိယ၏ နောက်လိုက်တပည့်တို့ က အနော်ရထာမင်း၊ ကျစွာမင်းတို့ ၏ အရှိန်အဝါ

ကို အသုံးချလျှက် သူတို့ ဆရာကို အမွှမ်းတင်ခြင်းသာ ဖြစ်၏။ အကြောင်းမှာ သက်သေအထောက်အထား

မရှိခြင်းပင်ဖြစ်ပါ၏။

 ( အထောက်အထားမရှိဘဲ ပြောဆိုခြင်းမှာ မြန်မာနိုင်ငံက ဗိုလ်ချုပ်မှုးကြီး ၂ ဦး ဘုရင်စိတ်ပေါက်၍ ဘုရင်ရူး-ရူးခြင်းနှင့် ဘာများထူးတော့မည်နည်း။)

 

တောင်ပုလုတောရကမ္ဘာအေးဆရာတော်အရှင်နန္ဒိယလောင်းလျာမောင်ပေါ်လာ အသက် ၁၃ နှစ်မှာ သာမဏေဖြစ်သည်ဟု

 တောင်ပုလုတပည့်တချို့ ကရေး၏။ တချို့ က အသက် ၁၄ နှစ်မှာ သာမဏေဝတ်သည် ဆိုပြန်၏။ ရဟန်းဖြစ်တော့ အသက် ၂ဝ မှာ ရဟန်းဖြစ်သည်ဟု တချို့ က ဆို၏။ တချို့ က အသက် ၂၁ နှစ်မှာ ရဟန်းဖြစ်သည်ဟု ဆိုပြန်၏။ သာမဏေဖြစ်တာ အသက် ၁၃ လား၊ ၁၄ လားပင်မသိ---။ ရဟန်းဖြစ်တာ အသက် ၂ဝ မှာလား၊ ၂၁ မှာလား သေချာမသိသူတွေက တောပုလုတောရ

ကမ္ဘာအေးဆရာတော်အရှင်နန္ဒိယသည် မြန်မာ့သမိုင်းမှာထင်ရှားသောအနော်ရထာမင်း၊ကျစွာမင်းတို့ ၏ ဆွေတော်မျိုးတော်

ဖြစ်ကြောင်းသိနေပြန်၏။သိသူတို့ ၏ သိမြင်နှံ့ စပ်မှုကား မကြုံစဖူး ထူးဆန်းလွန်းလှပါ၏။

ငါ့ကျောင်း ဘုရားလောင်းမနေရ

အမေရိကန်ပြည်ကတောင်ပုလုတပည့်ကျော်များ စိတ်ဝင်တစားရေးသားသော အခြားအကြောင်းတခုမှာ "ဗောဓိသတ္တ ခေါ် ဘုရားလောင်း"ကိစ္စပင်ဖြစ်၏။ BLOOMING IN THE DESERT စာအုပ်တွင်----

“The Late Venerable Mahasi Sayadaw and Taungpulu Sayadaw were both students of Jetavana Mingon Sayadaw.  According to Mahasi Sayadaw, Jetavana Mingon Sayadaw asked one of his students to take up the Bodhisatta path, and that it is Taungpulu Sayadaw who had done so.  In a separate report, one of Taungpulu Sayadaw’s diciples said that the Sayadaw had done pointed out on a map of India the local where he would be reborn in a future time.” ဟု တွေ့ ရ၏။

"မဟာစည်ဆရာတော်နှင့် တောင်ပုလုဆရာတော်တို့ သည် မင်းကွန်းဇေတဝန်ဆရာတော်၏ တပည့်များဖြစ်ကြ၏။ 

မဟာစည်ဆရာတော်ပြောဆိုသည်မှာ ဇေတဝန်မင်းကွန်းဆရာတော်က သူ၏တပည့် ၂ ပါးအနက် ၁ ပါးကို ဘုရားလောင်း

လမ်းစဉ်လိုက်ရန် တိုက်တွန်း၏။ ယင်းတိုက်တွန်းမှုဖြင့် တောင်ပုလုဆရာတော်သည် ဘုရားဆုပန်သူဖြစ်လာသည်။

 တောင်ပုလုဆရာတော်တပည့်တဦး၏သီးခြားတင်ပြချက်တွင် တောင်ပုလုဆရာတော်က နောင်တွင်သူပြန်လည်မွေးဖွားမည့်

ဒေသကို အိန္ဒိယမြေပုံပေါ်တွင်ထောက်ပြကြောင်း ဆို၏။"

Guy Armstrong သည် အမေရိကန်ပြည်ထောင်စု၊ မက်ဆာချူးဆက်ပြည်နယ်၊ ဘယ်ရီ ဝိပဿနာဌာန (Insight Meditation Society (IMS)၏ ဆရာတဦးဖြစ်သည်။ သူ၏ The Paramis: A Historical Background စာတမ်းတွင် “Though a minority, there are many Theravadin practioners in Burma today following the Bodhisatta path.  There are stories in Burma that the meditation master Mingun Sayadaw early in the last century instructed one student, Mahasi Sayadaw, to become an arahant and another student, Taungpulu Sayadaw, to follow the Bodhisatta path. Such stories are exteremely hard to verify. Because monks are forbidden to talk to laypeople about their attainments, they rarely offer details of their practices.”

" လူနည်းစုဖြစ်သော်လည်း မြန်မာပြည်ထေရဝါဒဗုဒ္ဓဘာသာနည်းအားထုတ်သူများတွင် ဘုရားလောင်း (ဘုရားဆုပန်)

လမ်းစဉ်လိုက်သူတွေ များစွာရှိ၏။ လွန်ခဲ့သောရာစုနှစ်ဦးက မြန်မာဝိပဿနာဂုရုဖြစ်သူမင်းကွန်းဆရာတော်သည် 

သူ၏တပည့်တပါးဖြစ်သူ မဟာစည်ဆရာတော်ကို ရဟန္တာဖြစ်အောင်လုပ်ရန်၊ အခြားတပည့်တပါးဖြစ်သူ တောင်ပုလုဆရာတော်ကို ဘုရားလောင်းကျင့်စဉ်လိုက်ရန် ညွန်ကြားခဲ့လေသည်။ ယင်းသို့ သောဖြစ်ရပ်မျိုးမှာအတည်ပြုရန်အလွန်ခက်ခဲပါသည်။အဘယ်ကြောင့်ဆိုသော်တရားထူးပေါက်မြောက်မှု၊ကျင့်စဉ်

အသေးစိတ်အချက်အလက်များအား လူဝတ်ကြောင်များအား မပြောဆိုရန် ရဟန်းတော်များကို တားမြစ်ထားသောကြောင့်ဖြစ်၏။"

ဂိုင်း အမ်းစထရောင်း၏ တင်ပြချက်မှာ မြန်မာစာဖတ်ပရိသတ်များအတွက် ထူးဆန်းနေပါလိမ့်မည်။ သထုံမင်းကွန်းဇေတဝန်ဆရာတော်ကြီး၏ ရဟန္တာနှင့် ဗောဓိသတ္တစီမံကိန်းအကြောင်းကို မြန်မာပြည်တွင် ပြောဆိုသူ အလွန့် အလွန်နည်းပါသည်။ မည်သို့ ဖြစ်စေ အမ်းစထရောင်းလို နိုင်ငံခြားသားတဦးက သူ၏လေ့လာသိရှိသမျှကို တင်ပြလိုက်ပေပြီ။ ဆက်လက်ဆင်ခြင်စူးစမ်းကြရန်ပင် ဖြစ်ပါ၏။

သထုံ မင်းကွန်းဇေတဝန်ဆရာတော်ကြီးနှင့် ဘုရားလောင်းအကြောင်း မြန်မာစာရေးဆရာတဦး ရေးသားသည်ကို

 တွေ့ ဖူးပါ၏။ စာရေးဆရာမှာ ဓမ္မာစရိယ ဦးဌေးလှိုင် ဖြစ်၏။ ရဟန္တာနှင့်ပုဂ္ဂိုလ်ထူးများစာအုပ်တွင်ဖော်ပြပါအတိုင်း

တင်ပြထား၏။

"ယခုအခါထင်ရှားသော ဆရာတော်တပါးသည် ဆရာတော်ထံ၌ သတိပဋ္ဌာန်ကိုနည်းခံကျင့်သုံးရာ "သင်္ခါရုပေက္ခာဉာဏ်"အဆင့်ရောက်နေပြီဟု ယူဆရသောအခါ တော်တော်နှင့်တရားမတက်၍ အမျိုးမျိုးလှည့်ပြီး စစ်ဆေးရာ အဆိုပါဘုန်းကြီးက  "တပည့်တော်ဘုရားဆုပန်ထားပါတယ်ဘုရား။ ဒီဘုရားသာသနာမှာ သာဝကဆု မယူလိုပါ"

ဟုလျှောက်ထားသတတ်--။ ထိုမှနောက်ကာလတွင်

"တို့ ကျောင်းမှာဘုရားဆုပန်တဲ့ယောဂီဆိုရင်လက်မခံဘူး"ဟု နုတ်မိန့် ထားတော်မူသောဟူ၏။

(သို့ ရာတွင် အဆိုပါပုဂ္ဂိုလ်ကြီးကား စစ်မှန်သော ဆုကြီးပန်ဖြစ်ဟန်ရှိပေ၏။)

ဘုရားဆုပန် (ဆုကြီးပန်) ဝါဒမှာ အချို့ နေရာတွင်အလွန်ခေတ်စားလျက်ရှိရာဆင်ခြင်စဉ်းစားသင့်သော

 ပြဿနာတရပ်ဖြစ်မှန်းမသိ ဖြစ်လျက်ရှိသည်။ "ငါ့ကျောင်းမှာ ဘုရားလောင်းမနေရ" ဆိုသောစကားသည် အလွန်ရင့်သီးလှသယောင်ရှိသော်လည်း ဆက်၍စဉ်းစားပါသော် အလွန်လျော်သော၊ မှန်သော်လည်း အပြောခက်သော စကားဖြစ်၏။ ဘုရားဆုပန်သည်ဆိုရာ၌ အလွန်သိခက် နက်ရှိုင်းသော အမွှေဓာတ်သဘောများလည်း ငုပ်ကွယ်နေတတ်သည်။ "

ဤအကြောင်းကိုဓမ္မာစရိယဦးဌေးလှိုင်က  ရဟန္တာနှင့်ပုဂ္ဂိုလ်ထူးများစာအုပ်၊ သထုံမင်းကွန်းဇေတဝန်ဆရာတော်

အခန်းတွင် ဖော်ထုတ်တင်ပြထား၏။ တောင်ပုလုတောရကမ္ဘာအေးဆရာတော်အရှင်နန္ဒိယသည် သထုံမင်းကွန်း

ဇေတဝန်ဆရာတော်ထံ သတိပဋ္ဌာန်ဝိပဿနာတရားနည်းယူအားထုတ်ခဲ့ဖူး၏။

ဦးဌေးလှိုင်၏ "ယခုအခါ ထင်ရှားသောဆရာတော်တပါး"ဟူသည် တောင်ပုလုတောရကမ္ဘာအေးဆရာတော်အရှင်

နန္ဒိယကို ရည်ညွှန်းခြင်းဖြစ်ပါက ဂိုင်းအမ်းစထရောင်း၏စကားကို စဉ်းစားသင့်၏။

ဦးဌေးလှိုင်၏အဆိုအရ မင်းကွန်းဇေတဝန်ဆရာတော်အနေဖြင့် တောင်ပုလုတောရကမ္ဘာအေးဆရာတော်အား

 ဘုရားဆုပန် (ဘုရားလောင်းလမ်းစဉ်လိုက်)ရန် တိုက်တွန်းဖွယ်အကြောင်းမရှိချေ---။ ဂိုင်းအမ်းစထရောင်း၏ အဆိုမှန်ပါကလည်း ဦးဌေးလှိုင်၏ရေးသားချက်မှာ အချက်အလက်ခိုင်မာမှုအားနည်းသည်ဟု သုံးသပ်ယူဆပါ၏။

စ----ကား----။ တဦးတယောက်က ရည်ရွယ်ချက်တခုခုဖြင့် ချဲ့ ကားလိုက်သော ယုတ္တိမဲ့အကြောင်းအရာတခုခုကို ဆက်ကာဆက်ကာ လက်ဆင့်ကမ်းသယ်ဆောင်ကြလေသောအခါ အယုံလွယ်သူ၊ စဉ်းစားရမှာဝန်လေးသူတို့ အ

တွက် အံ့သြချီးမွမ်းမဆုံးသော "လံကြုတ်"ဇာတ်လမ်းများ ဖြစ်မှန်းမသိ ဖြစ်လာလေ၏။ ဆင်ခြင်စဉ်းစားကြပါလေ။

အမရဒီပ

၃-၃၁-၂ဝ၁၂